رابطه عشاق ملاك شفروليه ماليبو (( Malibu ))

[عبد الرحمن jj]

ياخي شكرا على ردك بس واحد قلي روح الوكاله ويعطونك عينه من لون السياره ويضبطونها لك مدري عاد اسوي تلميع ولا حركه اللون هذا ويقولي بعود اذن يظبطه لك

بس الي ابي اعرفه هل بعدين تبين ولا تختفي تمام

وياريت احد يعطيني طريقه احمي البدي الخارحي لسياره وش اسوي بعد ماظبط الخدشات الي بسياره الله يسامح الي سواها

ياريت القى رد اليوم ياشباب ابي اضبطها باقرب وقت

ويعطيكم العافيه

[ABDULLAH2009]

مشكور على الرد اخوي
على العموم انا طلعت السياره وان شاء الله بستلمها الخميس
2013 مستعمله بس من الوكاله نص فل

[هشيم الذكريات]

كود 59 معناه برمجة قزاز السائق

وبعده يطلع كود 60 حق قزاز الراكب


وبخصوص القطعه ابحثو عنها بالنت وتحصلوها بسعر ارخص من بعض النصابين


واللي حاب ينضم للقروب في الواتس يراسلني


0591116167

[m_carj]

1 نوعاً ما الصيانة بالوكالة جيده الى جيده جداً .. وتختلف طبعاً من مدينة لمدينة .. واحيان يصير يبي لهم لسان طويل بس تمشي امورك

2-قطع الغيار غويليه شوي .. بس انا اشوف كل السيارات الحين قطعها نار حتى الددسن !

3 السيارة احلا شي فيها اصلن انك تمسك خط جداً راسية وتعطيك بالخط وهاديه شوي .. انا اتكلم عن 6 سلندر .. واتوقع ان الي تتكلم عنها 6 ..

4- غالباً اذا هي كان فيها مشاكل فالوكالة حلتها اكيد .. خصوصاً انها تنفحص عندهم قبل تنباع بشكل مستعمل .. اضف الى ذلك انا مدري كم ماشيه سيارتهم بس بكل الاحوال اذا تبي نصيحتي مدد الضمان عشان ترتاح .. ولا تستخسر قيمة هالشي بالسياره .. سبحان الله يجي يوم تحتاجه

5 السياره للامانه بطله وتستاهل .. عيبها يمكن ماتمسك سعرها لا جيت تبيعها
بس اذا انت انسان بتستخدم .. ولانتب شريطي .. انصحك فيها ..
ولو تزود دراهمك شوي ممكن تحصلها بالمعارض نظيفه وفل كامل بزيادة كم الف بس عن هالسعر .. ومايحتاج اوصيك طبعاً تفحصها وكذا ..



--------------------------

عبد الرحمن jj

تبي نصيحتي رح لك محل تلميع محترم خله يحاول يشيلها لك .. يمديك انت تسويها لو تشتري ملمع وكذا بس غالباً المواد الي بالمحلات البطله تكون افضل واقوى .. وهالكلام عن تجربه .. (لذلك اقولك رح محل تلميع صاحي موب ابو وشسمه ) انا موتري كبوا عليه موية حقة مكيف .. ماراحت الا يوم لمعتها مرتين وبمحل تلميع بطل ..

والله يعينك ويطعمك خيرها ويكفيك شرها ..



---------------------


m_carj


الماليبو كل يوم لها سعر ..
لذلك انصحك تكلم الوكيل ازين لك ..

ولو تصبر شوي ازين لك بعد اذا يمديك تمغطها حول السنه او اقل يمكن الوكيل ينزل شكلها الجديد

لو بنتظر بنتظر الشكل عشان ينزل سعر القديم

وسعرها فل ltz 1 تقريبا فيه واحد قالي شراها ب 90 الف من الجميح
انا ماعندي الجميح في مدينتي كلمت الوكالة العالمية و قالولي نص فل ب 89 الف و مافيها لا تشغيل عن بعد ولا كاميرا ولا بصمه ولا فتحة سقف (مو ستاندر ذي!!)
الي قالي بنت ف اشك في كلامها

انا ودي بماليبو بصمه و كاميرا ارخص شي حتى لو موديل 2014 (طبعا اكيد المميزات الثانيه الي فيها ابيها بس اغلبهم موجودين في كل انواع الماليبو عشان كذا مركز على هالمميزتين)
و اعتذر طولت عليك
انا من الأحساء

[ChevyLover]

اللي يبي فلتر مكيف موجود في امازون هذا هو

http://www.amazon.com/gp/product/B00...=ATVPDKIKX0DER


راكب علي سيارتي LTZ ستة سلندر 2013
الوكالة ومحلات قطع الغيار يبيعون الفلتر ب 160 ريال وذا الفلتر من امازون مع الشحن يطلع ب 80 ريال

[ضيف عابر]

اللي يبي فلتر مكيف موجود في امازون هذا هو

http://www.amazon.com/gp/product/B00...=ATVPDKIKX0DER


راكب علي سيارتي LTZ ستة سلندر 2013
الوكالة ومحلات قطع الغيار يبيعون الفلتر ب 160 ريال وذا الفلتر من امازون مع الشحن يطلع ب 80 ريال

ارتفعت اسعاره؟ اذكر اني اخذته في بداية 2014 من الجميح نفسه بـ 69 ريال ,, لكن مدري اذا كان هذا سعره الاصلي والا كان عليه تخفيض لكن فيه فرق واضح بين سعره اللي اخذته و بين السعر المعروض

[yasssen909]

ارحب.
سيارتي 2014 ltz
الزبدة تو مشت السيارة 19 الف.
ملاحظ الشكامين لونهم اسود من الداخل بشكل واضح وش السبب ؟ او شي طبيعي ؟
+ كل اسبوع امسك خط الدمام.

[ChevyLover]

ارتفعت اسعاره؟ اذكر اني اخذته في بداية 2014 من الجميح نفسه بـ 69 ريال ,, لكن مدري اذا كان هذا سعره الاصلي والا كان عليه تخفيض لكن فيه فرق واضح بين سعره اللي اخذته و بين السعر المعروض

ac delco يبيعونه ب 160 ومريت على الجميح اللي بام الحمام يبيعه برضو 160 ريال