مقهى ملاك نيسان إكستيرا

[N-xterra]

وين اللي بيطلعون ياشباب

أغراضي وعزبتي والمه
وتوي جايب جنب هرفي لعيونكم بس أنتم اجزموا وارسلوا على ايميلي أرقامكم
[email protected]

[فــيــصــل]

أنا صراحة تعبت مع اخوينا في رابطة الباثفندر


كل يوم اقولهم خلونا نطلع .. ولكن ما حولك أحد


وإذا تبون نطلع لو ثلاثة ما عندي إي مانع ..


وأنا مستعد اتكفل بجميع لوازم الطلعة ..

[N-xterra]

حياك الله أخوي ابن صقيه

يامرحبا يامرحبا بالرجال

أتشرف أخوي بمعرفتك

وبإذن الله سيكون لنا لقاء حتى الآن أنت ثاني واحد يشترك معانا

وأنا أبسوي بإذن الله دعوة عامه للشباب وراح أحطها بموضوع رئيسي الكل يقرءه

رقمك وصل وبإذن الله راح ننسق معاكم بس يكتمل العدد

تحياتي

[فــيــصــل]

الله يرفع مقدارك ..

والله انا اللي لي الشرف يا بعدي ..

وننتظر الطلعة على أحر من الدافور

[N-xterra]

الله محييك

خلاص نبي نصير أنا وأنت مشرفين الطلعة (المعازيب يعني)
وراح نطلع إن شاء الله يوم الخميس الموافق 1/1/2009
المكان النفود المقابل لمنتزه سعد على طريق الدمام(شرق المنتزه قطع الخط)

أما بالنسبة للأغراض راح أجيب أنا معاميل الطبخ كامله (مايكفي ل 6 أشخاص )
وبرظو راح أجيب عزبة قهوه وشاهي صغيره برظو تكفي 6 أشخاص

والباقي :
الحطب - الفرشات - المراكي - عزبة قهوه إضافيه

نبي نوزعها على باقي الشباب بالتساوي كل واحد يجيب غرض

حلو كذا ولا لك رأي اخر

[فــيــصــل]

تمام التمام ..

وقت الطلعة والمكان ممتازة جداً ..

حتى لو بغينا نروح نتقهوى العصر في الخريم تكون قريبة منا ..

بالنسبة للأغراض أنا مستعد أجيب عزبتي الخاصة ( شاهي وقهوة وطبخ )

ومتوفر عندي فرشة ومركى وشوية حطب ( يمكن تكفينا )

وأقترح انك تنزل موضوع جديد ، يحتوي على :

1- تاريخ ومكان الطلعة .
2- توزيع الاغراض .
3- الموعد النهائي للاشتراك في الطلعة .

محبك ابن صقيه ..

[Abo Sa3aD]

الله يقويكم

[N-xterra]

سوف يتم ذلك غدا بإذن الله
راح أنزله بموضوع رأيسي إن شاء الله