مشاكل الدبل الاوتو ( AUTO ) بعد التجربة

[a1l2i345]

السلام عليكم

أتمنى منكم تفيدوني عن الدبل حيث أني أول مرة أشتري سيارة فيها دبل ( انفوي ) ، وأتمنى ان يتسع صدركم لي ..
المهم أنا جيت أبجرب الدبل ، ولأني مسبقا غير مقتنع بالدبل الأوتو فشبكت الدبل الخفيف بعد أن أوقف السيارة ووضعت القير في وضعية N ، ومن ثم شبكة الخفيف وانتظرت حتى تأكدت انه شبك ثم غيرت القير الى D ، ومشيت .. طيب ما حسيت ان السيارة مختلفة ! يعني كيف اعرف ان الدبل شغال ؟؟

بعدها قلت يمكن خربان ، وبنفس الطريقة السابقة شبكت الدبل الثقيل ولمن جيت أمشي حسيت السيارة ثقيله مره والغيارات ( اول ثاني ثالث ) على طول ورا بعضها وانا لسه ما تعديت سرعة 30 كم ، فوقفت وفصلت الدبل وقلت اسأل أهل العلم قبل لا أجيب العيد .

أفيدوني لو سمحتم كيف أعرف ان الدبل الخفيف شغال ولا به مشاكل ؟ كيف اعرف انه فعلا الآن السيارة على الدبل الخفيف ؟

من ناحية الثقيل مثل ما تفضلو الاخوان ما بستعمله الا في اوقات الشدة الله لا يحيجنا لها ، والأوتو ماله داعي دام اني استطيع تشغيل الخفيف في أي وقت .

ودمتم .

اهلا اخوي ابو ريان
شوف يالغالي انت قلت المهم بالاعلى
وهو لاداعي للدبل الاوتو ابدا
والثقيل الله لايحيجك له لاانت ولا حنا
والخفيف امره بسيط
الواضح من سؤالك انه ماعندك لمبه
تخبرك عن الدبل انه اشتغل وبالتالي
مالك الا الله ثم التجربه تمشي
بالنفود عادي بتلاحظ ان السياره بدون
دبل ماتمشي او تمشي بصعوبه
الدبل الخفيف ما يحتاج الى توقف
وانت على سرعة 20 او 30
لامشكله شغل الدبل الخفيف بتلاحظ انه
شبك طقه خفيفه جدا بعد ذلك
تلاحظ ان السيارة صارت
انشط وانها تمشي بسهوله
وسلاله اكثر هذا هو الدبل
اما الثقيل فلا بد من التوقف
ووضع القير على الفاضي
وصوت الشبك مختلف
فصوت الطقه بالثقيل
اقوى وملاحظ جدا ماهو
مثل الخفيف يحتاج الى تركيز
اعتقد الان الامر سهل جدا
ولا تنسى التنسيم الهوا المفضل
اقل من 30 وكل ماقل اكثر كل
ما كانت القيادة بالنفود اسهل
لكن لاتنزل الهوا عن 10
الا بالضرورة القصوى عند النزول
بفنجال او مثله فلا بد من النزول
عن 10 الى 5 مع ملاحظة
ان الكفر ممكن ينفسخ باي لحظة
فاذا خرجت رجع الهوا الى 10
او اكثر
شكرا لك وللجميع

[saaad man]

السلام عليكم

لو رجعنا لكتيب السياره تلقى الاوتو استخدامه للطرق الزلقه والكثيره المعطفات يعني ماله شغل
بالمشي على الرمال المشي على الرمال يالخفيف او الثقيل على حسب الرمال وهو طبعا مذكور
بالكتيب


بالنسبه لراعي الانفوي الي اعرفه انه الدبل فرار وعليه اشاره اذا كان مايوضح لك معناه عندك
مشكله بالجهاز او كمبيوتر الدبل واذا كان يوضح انه الدبل شبك فالخفيف مايطلع وقت شبكه صوت
بس تحس السياره ممشاها يختلف اما الثقيل يطلع له وقت الشبك صوت

اتمنى لكم التوفيق

[Abu Rayan]

الأخ / a1l2i345

شاكر لك مداخلتك ونصايحك القيمه ، كلامك على العين والراس وما قصرت .

[Abu Rayan]

الأخ / saaad man

ما تم ذكره بالكاتالوج للطرق المبلله والكثيرة المنحنيات والمنعطفات صحيح ، لكن اشوف انه ابرك اني هكذا طريق أن أقوم بتشغيل الخفيف وخلاص .. وذلك حماية للدبل من التشغيل والفصل والتشغيل ...

بالنسبة لسيارتي ، نعم هناك لمبة وتضيء في حال شبك الدبل ، لكن سؤالي اني كيف اعرف انه فعلا اشتغل لأني مثل ما انت ذكرت ان شبكته خفيفة ولا لها صوت ، فكيف أعرف من خلال الممشى على الاسفلت ان الدبل شغال ؟

انت تقول : فالخفيف مايطلع وقت شبكه صوت بس تحس السياره ممشاها يختلف

وهنا سؤالي : ماهو هذا الاختلاف ؟

دمت لي وتقبل تحياتي

[a1l2i345]

الأخ / saaad man

ما تم ذكره بالكاتالوج للطرق المبلله والكثيرة المنحنيات والمنعطفات صحيح ، لكن اشوف انه ابرك اني هكذا طريق أن أقوم بتشغيل الخفيف وخلاص .. وذلك حماية للدبل من التشغيل والفصل والتشغيل ...

بالنسبة لسيارتي ، نعم هناك لمبة وتضيء في حال شبك الدبل ، لكن سؤالي اني كيف اعرف انه فعلا اشتغل لأني مثل ما انت ذكرت ان شبكته خفيفة ولا لها صوت ، فكيف أعرف من خلال الممشى على الاسفلت ان الدبل شغال ؟

انت تقول : فالخفيف مايطلع وقت شبكه صوت بس تحس السياره ممشاها يختلف

وهنا سؤالي : ماهو هذا الاختلاف ؟

دمت لي وتقبل تحياتي

شوف ابو ريان
الدبل الخفيف يشبك وفيه صوت
ولكنه غير ملاحظ الا لاصحاب الخبره
الطويله معه لابد من التركيز والملاحظه
شوف الملاحظه الوحيده الي تقدر تلاحظها
اذا ما تقدر تعرف ان الدبل الخفيف شبك اولا
تقدر تلاحظ عزم السياره تغير وممشاه بالنفود
تغيروصار انشط او يكون عندك لمبه تعلمك عن
الدبل مالك الا ها لحلول
1- اما لمبه تعلمك عن الدبل اذا شبك
2- ملاحظة انه شبك بالتركيز بعد تشغيل الدبل ( يحتاج خبره )
3- ملاحظة عزم السيارة وممشاها انه تغير
وصار افضل من اول وانشط
غير كذا لايمكن تعرف الا اذا كنت مغرز
وشغلت الدبل وطلعت من الغراز معناه
الدبل اشتغل
واذا فيه اي استفسار تفضل
شكرا لك شكرا للجميع

[saaad man]

شوف اخوي انا معي انفوي دبل ولما اشبك الدبل الخفيف مايطلع عندي صوت وبالدوام عندنا يوكن
دبل ولما اشبك الدبل الخفيف بعد مالاحظت انه يطلع له صوت اما للفرق اذا كنت تمشي بسرعه
اكثر من 40 تقريبا تحس انه الموتر ثقيل وتبديلاته تختلف ..........

اتمنى اني افتدك بالشي الي اعرفه

[a1l2i345]

شوف اخوي انا معي انفوي دبل ولما اشبك الدبل الخفيف مايطلع عندي صوت وبالدوام عندنا يوكن
دبل ولما اشبك الدبل الخفيف بعد مالاحظت انه يطلع له صوت اما للفرق اذا كنت تمشي بسرعه
اكثر من 40 تقريبا تحس انه الموتر ثقيل وتبديلاته تختلف ..........

اتمنى اني افتدك بالشي الي اعرفه

هلا سعد احييك شوف اخوي
الصوت غير واضح ويحتاج
الى تركيز ودقة ملاحظة
ولا يعرفه الا من حاول اكثر
من مرة وركز ولاحظ وانتبه
صدقني يلاحظ اما من اول مرة لا
يحتاج الى ممارسة وخبرة
ودقة وتركيز
روح النفود وصك القزاز
وركز وانتبه ولا يكون
معك اي شيء يشتت
انتباهك وشغل الدبل الخفيف
بتلاحظ الفرق
يا خي سيارتي ما فيها
شيء يدل على ان الدبل
اشتغل او لا
ما فيه لمبه ولا شيء
ومع التكرار والممارسة
ولله الحمد اقدر اعرف
ان الدبل الخفيف
اشتغل وقت ما تشبكه
بتلاحظ الفرق اما بعد
ما تشبكه مافيه فرق
الا بالعزم والموتر
يصير انشط
اي استفسار
مستعد ان شاء الله
وشكرا لك وللجميع

[Abu Rayan]

طيب وماذا عن التغييرات السريعه للقير في الدبل الثقيل ؟

كما سبق وذكرته في مداخلتي الأولى :

شبكت الدبل الثقيل ولمن جيت أمشي حسيت السيارة ثقيله مره والغيارات ( اول ثاني ثالث ) على طول ورا بعضها وانا لسه ما تعديت سرعة 30 كم ، فوقفت وفصلت الدبل وقلت اسأل أهل العلم قبل لا أجيب العيد .