رابطة ملاك ومحبي باثفندر الجيل الجديد ( استشارات وتبادل معلومات )

[Abu Mashari]

السلام عليكم ورحمة الله وبركاته


رابطه قويه ماشاء الله .. يدل على قوه ومتانه الباثفندر الجيل الجديد


عندي الله يسلمكم باثفندر 2007 استاندر موتر اخوي .. ودنا نفك السله بس ما لقيت
مساميرها مثل موتري موديل 2005

الشي الثاني الموتر مافيه كشافات ... وش افضل محل يزينها

وبالنسبه لـ cd مافيه .. وش تنصحون نركب


وشاكر لكم ومقدر

[سالم أبوخالد]

سؤال ياأحلى رابطة ..............
صراحة أنا نويت أشتري باثفايندر2010 لكن توي قبل شوي قريت أنهم سحبوا الآف من سيارات باثفايندر واكستيرا بسبب عيوب تصنيعية بحساسات الايرباج وشي داخل مقود القيادة , فشرايكم ياشباب في أحد عنده خبر , أرجو التفاعل معي تراني عضو جديد وأتمنى أكون ضيف خفيف عليكم .

[nissan2010]

تحية طيبة لكم جميعاً

وارحب بالعضو الجديد ودي استفسر عن مصدر الخبر الذي يفيد سحب الباثفندر بسبب مشاكل الحساس بالايرباق حتى تكون المعلومة واضحة لنا ومصدرها قد يكون الكلام من مصدر غير موثوق . عشان مو كل يوم نسمع كلام

[عدو الحرميه]

ليتك تزودنا بمصدر الخبر اللي يبي يسحب سيارات الباثفندر
اللي تتكلم عنه

وبالنسبه لعيوب الحساسات الأرباك
فيكمنك يكون بسياره سيارتين
وهذا لايعيب على السياره كونها تفردت على مثيلااتها بالقوه في النفود
والرساوه بالخطوط
وهي سياره دخلت المنافسه وبقوه شديده جداً
هذا مايخص السياره اما كلامك فاتمنى منك ان توثقه لنا بالاوراق
او تصاريح الشركه
او مكتبها بالشرق الأوسط
اما كلمة يقولون فما تخدم احد
مع تمنياتي للجميع بالتوفيق
على فكره الأكستيرا + الباثفندر / 2006 الى 2009 جربوها الشباب
بالخطوط وفي النفود
وما حد شكى منهم بالعكس السيارتين نالت رضاء الجميع
اخوك ... عدو الحرميــــه
ابو صـــالح

[عزام عزاب]

السلام عليكم ورحمة الله وبركاته ...

شباب انا عضو جديد , قرائة في الرابط مواضيع كثيرة انا شاءالله ناوي اشتري باثفندر 2010 وش مميزات السيارة وش عيوبها .
شكرا ....

[ابوناصر426]

الاخ عدو الحرامية

الشباب اللي يسالون عن الباث كلهم يدورون حول موضوع الطعوس، اذا لك طلعة قريبة للنفود صور لنا تطعيسك بالباث وارفعه على اليوتوب، والله الله بالمراقا.

[imksa]

السلام عليكم

نتيجة لكثرة الكلام عن زيت القير قررت الذهاب للوكالة لتغيير الزيت ( سيارتي ماشيه 94000 )

المهم حجزت موعد على تلفونهم 2084235 وكلمني مهندس اسمه جعفر ونصحني بصيانة 85 الف كيلو

رحت على موعد الحجز ولقيت مصري اسمه أمين رفض رفضاً قاطعاً تغيير الزيت وقال لي بالحرف الواحد ) انت مصر تضيع فلوسك (

اتفقت معاه على صيانة 85000 والتي تتضمن :-
فحص الفحمات الامامي والخلفي
فحص السير
فحص الصوف
فحص جميع سوائل السيارة
تغيير البواجي
تربيط

تكلفة شغل اليد 1439 ريال
تكلفة القطع يتم حسابها لاحقاً

دخلت السيارة وقبل العصر اتصلت عليه عشان يغير زيت القير وبعد اصرار مني وافق
السبب اللي خلاني اغير زيت القير أني لا ارغب في زيارة الوكالة مرة اخرى ( لانه يقول تعال غيره عند 120 اذا انت مصر )

عند استلام السيارة كانت الفاتورة كما يلي :-

1439 فحص
6 بواجي 67 ريال للحبه = 402
فلتر زيت 36
فرامل أمامي 317
4 لتر زيت قير 75 ريال للعلبة = 300
اجور غيار زيت القير 165

الفاتورة ملخبطه شوي ، نصها انجليزي ونصها عربي ) زيت المكينة لم اجده يبدو انه داخل تحت احد البنود السابقة (

المهم دفعت لهم بعد الخصم 2660 ريال

اتصل علي المهندس بخصوص مشكلة في مفتاح الشباك وقلت له انه مافيه اي مشكلة ، وعند استلام السيارة لاحظت اني اذا فتحت شباك السائق يفتح شباك الراكب !!! وشباك الراكب لا يفتح ابدا

بعد شيل وحط قالو انك لاعب في السيارة وان المفتاح اللي فيها مهوب حقها!!!

يبدو انهم غيروه ونسو يرجعونه ، المهم جابو واحد من عندهم وحطوه واشتغلت ( مستعمل ) يمكنه حقي الاول .

بعد أن استلمت السيارة حسيت بالفرق الكبير

الجلنط مشدود
الصوت عند الانعطاف إلى اليسار زال تماماً ( قرقعه مزعجة ) كان يقال انها شد بلد مثل ما قريت في المنتدى هنا .
كثير من أصوات القرقعة زالت .
فحمات سيارتي اللي غيرو ( الامامية قد غيرتها عند 50 ( شكلها جديد باقي فيها واجد

لم يتم تغيير السير أو الفحمات الخلفية

هذه تجربتي

في امان الله

[أبو ريان88]

السلام عليكم ورحمة الله وبركاته

رابطه قويه ماشاء الله .. يدل على قوه ومتانه الباثفندر الجيل الجديد

عندي الله يسلمكم باثفندر 2007 استاندر موتر اخوي .. ودنا نفك السله بس ما لقيت
مساميرها مثل موتري موديل 2005

الشي الثاني الموتر مافيه كشافات ... وش افضل محل يزينها

وبالنسبه لـ cd مافيه .. وش تنصحون نركب

وشاكر لكم ومقدر

بالنسبة للكشافات عند العليان على طريق خريص شغلهم نظيف بس سعرهم غالي اشوي