رابطة ملاك ومحبي باثفندر الجيل الجديد ( استشارات وتبادل معلومات )

[بو فياض]

مافي احد رد علي بالنسة لصوت السيارة والشكمان
احس صوتها عالي هل هذا طبيعي او في مشكلة
؟؟؟؟؟؟؟؟؟؟؟؟

[ابوناصر426]

مافي احد رد علي بالنسة لصوت السيارة والشكمان
احس صوتها عالي هل هذا طبيعي او في مشكلة
؟؟؟؟؟؟؟؟؟؟؟؟

ابو فياض
حط لنا مقطع فيه صوت سيارتك لجل نقول لك هل الصوت طبيعي او ماهو طبيعي، صعب نحكم واحنا ماسمعنا، وهذا اللي خلى الشباب يترددون في الرد عليك.

[بو فياض]

ابو فياض
حط لنا مقطع فيه صوت سيارتك لجل نقول لك هل الصوت طبيعي او ماهو طبيعي، صعب نحكم واحنا ماسمعنا، وهذا اللي خلى الشباب يترددون في الرد عليك.

مشكور اخوي على الرد الصوت صوت الشكمان يعني من الصوت يلي يحبة الشبابة بس مستغرب منه احس انه عالي نوعا ما الصوت ولما تقفل النوافذ لسيارة تسمع صوت الماكينة داخل السيارة انا كان عندي امريكي لسنوات ست سلندر احس انه اهدء منه بالصوت هل هذا ميزة الياباني لاني لما رحت الوكالة يقول طبيعي ولا صدقته طبعا

[ali666]

السلام عليكم الحمدلله شريت باثفاندر2006 le امريكي عندي كم سؤال ياشباب هل يوجد فيه مدخل aux والزر اللي في الدبل الاوتو ايش الفايده منه وكيف افك قزاز الشنطه وهل تنصحوني اغير الكفرات مع اني اشوفها من الضاهر نظيفه وماهو نوع البنزين91او95 شاكرلكم ويشرفني الانضمام لكم

[عدو الحرميه]

اخوي موتري ماشي حوالي 113 الف كيلو وما غيرت زيت القير عندي ولونه اصفر مايل للبياض

غريبه لون الزيت تقول احمر إلا اذا كان امريكي.

ياهلا ويامرحباً باخوي العزيز
بشرني عنك ان شاء الله انك بالف خير وعافيه
شــــــــف اخوي العزيز

اخوي غير الزيت بعد التوكل على الله وشوف تعشيق القير كيف بيتغير عندك وحرارته بتخف باذن الله تعالى
لان اللزوجه لها دور في خفض الاحتكاك دخل التروس مما يسبب خفض للحراره للقير
اخوي الزيت اللي جابه لي من داخل المستودي بالنسبه للقير اوردي خفيف جاب لي جالون فيه اربع لتر للقير ويم سالته قال نفرغ لك من برميل مثل حق البويه همبل او الجزيزه المهم انا شفت البراميل مرصوصه جوه بالمستودع فالرجال فرغ لي من احدى البراميل زيت بمقدار اربع لـــتر منه ايه ومكتوب على البرميل نيســـــان ويقول لي انه مخصص لشركة نيسان وبالذات لسياراتنا والله هو الأعلم
شف اخوي نصيحه لوجه الله وانت بكيفك عاد
غير الزيوت كلها قير ودبل ودفرنسات أمامي وخلفي
شف بالنسبه للدفرنسات تراها تختلف عن غيرها كونها فقط كارونه ومن الألمنيوم يعني الدفرنس ماهو كامل مثل السيارات الاخر وانت بكيفك وبالنسبه للدبل والقير افضل لك غيره اخشى بعدين ما تقدر تغيره لانك لومشيت عليه والله اعلم مسافات وكيلومترات عاليه ماتقدر تغيره لاانك لو غيرته تخشى يطلع لك اصوات نتيجة تاكل التروس والكلتسات بسبب فقدان الزيت للزوجه وكذلك الدبل
المهم انا هذا مالدي وانت وراحتك
مع تمنياتي لك بالتوفيق
اخوك
ابوصـــــــالح

[عدو الحرميه]

اخوي عدو الحراميه سيارتي ماشيه 41000ك هل اغير زيت القير والدبل علا كلامك ارجو الاجابه وكم التكلفه وارجو من لديه الخبره المشاركه

ياهلا ويامرحبا بالاخ الغالي
بشرني عنك يمال الجنه
اتمنى بانك بخير وعافيه
ومبروك عليك الخير اللي جاء لو ان بعض الأخطاء من وزارة المواصلاات والبلديه
سببت بعض الكوارث التي لاتغتفر ولكن مانقول الا مايرضي الله جل جلاله
الحمـــدلله من قبل ومن بعــــــد
شف اخوي موترك غير زيوتها كل على 70000الف الى 75000 الف افضل لعمر السياره والقير
اما الرقم الي تقول فانا اشوفه لسى بدري على التغير والله اعلم
وتكلفـــــه غيار الزيوت كلها بالوكاله كلفتني 705 ريال مع شغل اليد
قير + دبل + دفرنس امامي و خلفي
وسلامتك مع تمنياتي لك بدوام الصحه والعافيه
اخوك
ابوصــــــالح

[ayd2008]

يا أني مسوي لكم زحمه بهالرابطه مع أن ماعندي باثفاندر

بس أحس أن مشاركاتي مفيدة

وشكل هذي آخر المشاركات معكم

تفضلوا:

كتاب الصيانة الكامل لباثفاندر 2009 من المصنّع
http://rapidshare.com/files/25562981...9nsnpatfsm.rar

كلمة السر لفك الضغط: freepdfdownload.net
==============================================

كتاب الصيانة الكامل لباثفاندر 2008 من المصنّع
http://rapidshare.com/files/25553654...8nsnpatfsm.rar

كلمة السر لفك الضغط: freepdfdownload.net
==============================================

كتاب الصيانة الكامل لباثفاندر 2007 من المصنّع
http://rapidshare.com/files/256691699/FPD07NPFSM.rar

كلمة السر لفك الضغط: freepdfdownload.net
==============================================

كتاب الصيانة الكامل لباثفاندر 2006 من المصنّع
http://freepdfdownload.net/download/06NSNPATH.zip

كلمة السر لفك الضغط: freepdfdownload.net
==============================================

طبعاً هذي الكتب مفيدة جداً لمن يجيد استخدامها وقراءة الرسومات المفصلة المشروحة شرحاً تفصيلياً واضحاً
وأيضاًَ لمن يحب أن يشتغل بالسيارة بنفسه مثل تغيير البواجي والسير والشمعات والاصطبات والمساعدات والفحمات والهوبات و و و...... ألخ

ومع السلامة

بارك الله فيك و جزاك الله خير بصراحة افتدنا كثير بالكتب هذي الله يجعلها في ميزان حساناتك يارب

[باثفيندر2009]

اخوي عدو الحراميه
اتمنى ان اضبط الموتر من الداخل
وش تنحي بالمحل
لاني احس انه من داخل لازمله تضبيط اشوي