زوجني ياعمي سويلم

مقدمة الحفل خخ قصدي القصّه :D


بعد خسارة عمي سويلممم بالأسهممم
وانهياره من السوق لم يتبقى من حلال عمي سويلممم الا بيت طين شعبي وتلفزيون وفيديو منخرع داخلة شريط ناشب من برنامج ياليل ياعين ..وجوال باندا جاينا هدية من جريدة :D


وتدور الأيام القاسية علينا |5|
عمي سويلممم دايما بالمجلس في حالة دهشة وانبساط وتقلب للمزاج ..
وماغير مبحلق في هالتلفزيون.. |10|

وانا مناطح مع بزارين عمي هالشياطين..
وزوجة عمي اللي قبلها تقول لي دوّر لك شغل والا اشحذ عنداحد هالمساجد ..... :D

وفي يوم من الايام حسيت بضيق العيش
والطفش والكدر وكل مايسوي لي اكتئاب |5|
وطلعت وبكل قوة وجرأة عند باب الشارع بسروال وفنيلة وجلست على الدرجة حتى كانت منكسرة بس بغى يجيني غضروف المهم وانا بكل قوة وذل جالس احتري احد يتصدق علينا وحاط يديني على اذاني واقول ياتبن وش مجلسك هنا :D
شوي الا وأحس جسمي ينمّل قلت ياولد لايكون ذا السكر اللي مبهذلن العالم
ياولد مانيب فاضي كل شوي اروح للحمام .. :confused:
قلت ياولد لازم توقف واوقف على رجولي واناظر تحت الا والقى النمل راقيني من فوق الى تحت :eek:
واروح ركض للمطبخ واخذ دوى النمل خخخ من الطفرة نسيت ان اسمه مبيد :D
وارشّة على جسمي حتى وقتها كنت مغمض وطلعت للصالة عشان مايجيني التهاب بعيوني :D

الا شوي اسمع زوجة عمي تصرخ
اقطع ابليسها
هي وخشمها اللي كأنه مكرفون فقعت ام اذني
قالت : قضيتا الطحين
قلت وش طحينة ؟
وتاخذ مني العلبة وتوديها المطبخ ...

وانا اللي ازعل عليهممم
واروح لغرفتي بالسطح واجلس فيها واخذ اغراضي واقرر الرحيل واغراضي ياحسرة كلها قميص نوم بني وطاقية مصدية ومعطّر جو جايني هدية من سواق شيوخ ساكنين جنبنا ..
وانزل للصالة والقى عيال عمي هالصغار الشياطين فارشين شماغي |10|
اعنبوا ابليسهم على انه سماط وجالسين ياكلون رز جايبته الجمعية الخيرية :D
وانا اللي اسحب شماغي واطلع بالشارع تسنّي مروع :D


قمت امشي وتمر سيارة البلدية واتوزى ورى القمامة؟؟
لأن يومنا صغار كانوا يخوفونا من البلدية خخخ
وشوي الا يجي العامل واقعد اسوي نفسي قطيوة عشان يحسبني مهبول ويرحمني :D
:
بعد ماراح العامل واحسه رحمني وجلس يبوس يده وجه وقفى حسيت انه بقوة رحمني لا واعطاني ربع تميسه :D

وشوي وامشي الا والقى واحد شاب نار وجالس عندها
المهم قلت يولد خلنا نخاويه يمكن يطلع ولد نااس :)
--> ابد على نيّاتي الله يرحم ايامك يالأطرم خخخ

سألني وش اسم امك ..؟ :D
قمت واعطيتة اسم زوجة عمي
قلت في عمي وحرمتة ولا فيني .. :D
لأن اشباهه اشباه ساحر ويدينة صغار خخخ
وجلسنا انا وياه وقلت له السحر ذا يجيب فلوس .. قال يجيب ذهب

قلت انا ماابي ذهب ابي فلوس على طووول لأني ماحب شغل البخلا ابيع ذهب عشان اطلع فلوس
:D
وقام يناظرني نظرات كذا حسيت انه بيجيب لي طريقة سريعه

قال جبتها لك ياعبييييييييد قلت وشو
قال وش رايك تتزوج جنيّه ;)

قلت له خلاص ابششششر بس كيف وترى مامعي دراهم :confused:
قال لا ابد المسألة سهله بس يبي لك كم عظمة وشوية خياش وتجيب اهلك ونجيب لك وحدتن مزيونة :D

قلت العظام وسهله نجيبها من اقرب بخاري .. :D
اما اهلي منحاشن منهم
قال لي رجع علاقتك وانا ابحاول ادور لك جنية تناسبك :)
قلت مااقدر على كذا بس خلني اشوفهاـ

المهم وضبطنا ابوشوشة مع البنت وشفتها في دورة مياة :D
وقلت لها اسمعي انا بصراحة بخطبك ومستعد لتنفيذ جميع طلباتك بس بشرط
قالت وشو .. قلت تعطيني خمسين الف ريال .. عربون زواج وعشان اجيب اهلي الاسبوع الجاي يخطبونك رسمي

قالت لي ابششرررررر واعطتني خمسين الف واختفت :D

واروح انا وابوشوشة لبيت عمي واشمشمه الدراهم وهو وزوجتة والبزارين واخيرن اقنعتهممم اني بتزوج الجنية :D ووافقوا على طووول
المهم ونروح انا وعمي وزوجته والبسهم خياش..ومعنا بقايا عظام ..وندخل دورة المياة

وانا انتظر اهل العروس يضيفونا شي ماجاء احد
أثر زوجة عمي هالخبلة جالسة تسمي :D

وانا اللي اصفقها على اذنها هاللي كأنها يدين خويي ابوشوشة وهو يشعوذ خخخ :D

واقعد اغني واخلي عمي يطبل ..الين ماجوا اهل العروس .. :D
واتفقنا على كل شي .. وكتبت كتابي على فطيمه.. [ اسم المدام خخ ]
المهم واتفقت انا وياهم ان الزواج يكون في الثمامة وبعيد عن العالم
وقبل لا نروح العرس فكرت اتحمم :D
الا والقى الموية فاضيه خخ :D
واقوم واتعرّى مثل ماجابتني امي واحط على عيوني وشفايفي شطرطون :D
وارش معطر الجو على جميع جسدي
ثم البس ملابسي ونروح انا وعمي سويلممم وزوجته للعرس :D
يوم حضرنا الزواج الا ونلقى كلهم من اللون الأسود (مع احترامي الشديد للون الاسود ) كأننا في موريتانيا وابو العروس لابس بشت بس مختفي وعمي جالسن يترزز بجوالة على انه مشترك بتداول البنك الاهلي خخخ :D
أثرهم كانوا مسوين خبيتي .. :D
عشان يشهرون بالنكاح


وآخذ حرمتي ونسكن في غرفتي الصغيره.. بسرعه مادري شلون وصلنا :D
بس مثلكم عارفين جن ومواصلاتهم بالبلوتوث خخخ ;)
بس ياسبحان الله من يوم ليلة الدخلة واهي كاتمتن على صدري.. الين مانصبح
ثمن ماعاد اشوفها.. :D
وتدور الأيام ..وقلت ياولللللد حرمتك جنية لازم تضبطنا..€
واقولها نبي نسكن في بيت صاحي ضبطي امورنا
الا وماقصرت سكننا في قصر بالعليا انا وياها وعمي وزوجته والبزارين
ومضت ايامي كلها فرح وبهجه وسرور وانشراح ومن يحين المغرب الا تبدأ الكتمة
الين مانصبح |5|
استمر الوضع ثلاث شهور وانا طموحي كطموح اي شاب يبي يجيب بزارين
بس يوم فكرت قلت الحين حرمتي ماتنشاف.بالنهار يعني بنجيب عيال شفافين مشكله
المهم واقول لحرمتي لازم تضبطيني وابي اشتغل بالاسهم واصير تاجر معروف
وارفع راس عمي سويلممممم :D
قالت ابشر وتضبطني وفجأه يجيني اتصال من هيئة سوق المال
وينادوني ويقولون ان عندي الفين سهم بالراجحي .
.وان التويجري مستانس مني
ويوم رحت واجتمعت بهم :D
..الا واسمع صوت زوجتي الجنيه تقول لايهمك تراني مكلمتن القرين حقه خخخخ :D
المهم وعقب مااصبحت من أثرى الأثرياء .. :)

فكرت اتزوج ثانية بس خفت قلت الحين لو تدري هالجنية ان تحوسني
قلت لازم اواجهها بالامر الواقع
..ويوم فكرت اواجهها قلت ياولد جيب وياك شريط السديس الختمة حقت رمضان.. عشان لو مدت يدينها شغّلته
المهم وانا من اللخمه مشغّل الشريط المغرب قبل لا اكلمها ..
الا وتصايح وانا الاحقها ومطامر في زوايا الغرفه :D
ومايجي يوم الا والقى نفسي طايحن في الشارع ومبدلن القصر حقي بجوال نورس
وعمي سويلممم وبزارينه وزوجته اختفوا .. |5|
وإظاهر انهم حسوا ان كلش بيطير وراحوا لبيتهم |5|
فجأه ولا شعوريا اشوف نفسي اروح البنك وابيع جميع مااملك من اسهم بخسارة.. وكأني اسمع فطيمة تقول ماشفت شي :D

المهم واصحى كذا الا والقى نفسي ماعندي الا مسجل وجوال وشراريب خايسة وثوبي البني المنتهي وترجع حياتنا زي ماكانت ومهاوش وبزارين وعمي سويلمممم :D
زوجني ياعمي سويلممممم آآآآه