السلام عليكم ورحمة الله وبركاته
يااخوان القصه باختصار انني اشتريت هوندا اكورد 2006 فتحه سقف سياحي قبل سته اشهر جديده اصفار ب70500
وقبل شهر نزلت عند بقاله وسكرت الباب بس المفتاح في الساره وشغاله اخذت غرض من البقاله ولما طلعت مالقيت السياره برى وفيها كل شي موبايلي وجميع مستلزماتي ( سرقت ) وبعد ثلاث ساعات من التبليغ والبحث قدر الله على سارقها بعد ان فحط عليها ان اصطدم برصيف قوي ونشبت السياره حاول يطلع ماقدر بعد ان انكسر الذراع الخلفي للكفره الخلفيه نزل منها وشغل المكيف الحار فتح الشنطه وسرق الاستبنه وشنظة الاسعافات الاوليه والطفايه الحريق والعده الخلفيه وشغل المكيف على الحار وهرب
بعد ان استلمتها وديتها للوكاله وبعد االكشف اتضح ان الشاصيه معوج وجميع الكمرات الاماميه والخلفيه متضرره والمقصات والمساعدات وتكلف 11 الف ريال
اشار علي احد الزملاء ان ابيع السياره باسرع وقت دام انها مامشت الا 15 الف وفعلا وديتها المعارض وبعتها ب 54 الف
وهنا تاتي المشكله جيت اشتري سياره جديده الا الاسعار فوق الخيال
كنت على وشك شراء لومينا 2007 ولكن في اخر لحظه لقيت كابرس ال تي زد اسود ماشي 4 الاف فقط باسم صاحبه اشتريتها ب 72000 وديتها الفحص وتبين انه جديد ولم يتعرض لاي شي الا هذه الاشياء
1/ اللي اللي يوصل زيت الدركسون الى الماصوره راجع الى الخلف قليلا وينقط زيت احمر
2/ لما امشي على السياره وارفع رجلي عن دواسة البنزين وقبل ان اضغط على الفرامل اسمع صوت وييل تنازلي (مثل صوت عجلة الطاحونه لما نطفيها ويتنازل صوتها شوي شوي حتى توقف ؟
الهدف من ذكر كل ماذكر يااخوان هو /
1/ لاخذ العبره وعدم ترك مفتاح السياره فيها مهما كان ومهما حصل لان فيه عصابات متخصصه في الانتظار عند المطاعم والمحطات تنتظر اي شخص يغفل عن سيارته ... وحدث ان سرقت سيارتها وفيها امراه .
2/ ايصال فكرة ان السياره بعد ضرب رصيف وضرر الشاصيه لايمكن تصلح معك مهما كان حتى الوكاله تقول مانظمن نرجعها مثل بلدها
3/ طلب من استعمل الكابرس الجديد هل يسمع هالصوت اول مايسوق هل يسمع صوت للدركسون ويحس بثقل ؟؟ لاني اول مره بحياتي اركب سياره امريكي
4/ طلب المشوره الفنيه والمساعده من الاخوان وهل السعر مناسب ؟؟
اسال الله العلي القدير ان يرزق كل من افادنا الذريه الصالحه ولا تنتهي السنه الا وهو مرزوق بمولود .... لايزعلون علينا اللي عندهم عيال واجد والراتب محدود :)
وفي الختام تقبلوا تحيات اخيكم الصغير
