تركيب الريموت للأبواب

Epica2005 @user_29708 · 21-12-2006

السلام عليكم

في واحد من الشباب عنده كورولا 2006 بس ما فيها ريموت
و أبوابها تفتح يدوياً ويبغى يركب ريموت
أنا اسألكم ايش القطع الي يحتاجها لتركيب الريموت؟؟
وفي سؤال ثاني هل يوجد ريموت نفس ريموت الوكالة؟؟
وكم تكلفه الشغله كلها (تقريباً)
وأرجو الرد بسرعة
وشكككررراً

جوجوماجوجو @user_36202 · 01-04-2007

والله ياخوي انا كان عندي تيرسل ومركب فيها اللي يفتح الأبواب ويشفل السياره وكنت لما اشغل السياره بالريموت كانت تشتفل المكينه لحالها يعني مايشتغل لا المكيف ولا المسجل والدركسون قافل يعني مايلف لا يمين ولا يسار ومن خلال التجارب وجدت انه توصل الحراره فوق النص وفوق النص والحساس حق المراوح مادرى عنها يعني ممكن تقب المكينه وتبوش ولا درت عنك المراوح لأن الحساس مايشتغل زي ماذكرت من قبل

stun @user_2575 · 22-12-2006

الله يعافيك :)

هو ترا انواع كثيييير مرة

بس رح افضل مكان يبيعها و هو العليان .

بالتوفيق

B R A B U S @user_18993 · 22-12-2006

[COLOR=#ff0000]نصيحه لاتركب الي يشغل السياره لأنه اذا شغل السياره مايشتغل الى المكينه فقط يعني ماراح تشتغل المراوح

[/COLOR]

لأأول مره اسمع هذه المعلومة ,,, ع العموم انا اخوي عنده اكورد موديل 2002

وفيها ريموت الي يشغل السيارة من نوعية جاغور وهي نوعية جداً ممتازة و

يشغل فيها السيارة من الصبح للتحمية وبعد 6 دقائق اعتقد تطفي لحالها منع

اعطاء اشارة عن طريق الهرن ومافيه اي مشاكل وكذلك لما تكون تشتغل وتجي

تفتح السيارة وتفتح الباب تطفي على طول وتعطيك بعد اشارة بالهرن بالعكس

اشوف جداً عملي بس بالنسبة للسيارات الجديدة ما عندي فكره يضرها او لا ,,

B R A B U S

Epica2005 @user_29708 صاحب الموضوع · 22-12-2006

اشكرك على مرورك بس في شغلة:

نصيحه لاتركب الي يشغل السياره لأنه اذا شغل السياره مايشتغل الى المكينه فقط يعني ماراح تشتغل المراوح

ممكن توضح لي السبب ؟؟

B R A B U S @user_18993 · 22-12-2006

السلام عليكم ورحمة الله وبركاته

اخوي العزيز انا صاحبي عنده كورولا مثل الموديل عندنا في البحرين

وديتها الى محل وركبوا الجهاز بـ 100 ريال من غير انه يركب اي قطع

في الباب او غيره مجرد تحت الدركسون ركب قطعة سوداء وشبكها

في الأسلاك الي كانت جاهزه وجهز انه اللمبات الصغير السكن تشتغل

مع فتح واغلاق السيارة من الرموت ,,,,

B R A B U S

الـعـيـونــي @user_39992 · 22-12-2006

stun

مشكور اخوي والله يعطيك العافيه

بس وش احسن جهاز تنصح ابه اذا لك خبره

stun @user_2575 · 22-12-2006

بالغرابي بالرياض

إذا كان السيارة ما فيها قفل مركزي يركبون لك ايه و بعدين يركبون الريموت .

اسعارهم من 100 الى 350 تقريبا

نفس الشي اخوي " العيوني " ينطبق على الداتسون .

بالتوفيق

الـعـيـونــي @user_39992 · 22-12-2006

واللي يبي يركب دادسن نيسان

سهله ولا ياشباب افيدونا

centrino05 @user_13557 · 21-12-2006

عند العليان في الغرابي ويكلف حوالي 300 ريال مو متأكد والريموت عليه علامة تويوتا

وشغلهم ممتاز عماله فلبينيه

جوجوماجوجو @user_36202 · 21-12-2006

عموماً اذا كنت في الرياض راح تحصلها في الغرابي
واما بانسبه للقطع فهم يركبون دينمو صغير للقفل سعر الواح بالكثير 20 ريال مع التركيب ( يعني راح يفك ديكور الباب وراح يركب الدينمو الصغير ولما تفتح الباب بالمفتاح راح تفتح جميع الأبواب الأربعه طبعاُ بعد تركيب الدينمو فيها اي سعرها جميعها 80 ريال )
وبعدها راح يركب الريموت وانت اختار اي نوع من الأنواع ويوجد انواع كثيره واتوقع انك راح تحصل شي قريب من اشكال الوكاله وهذا سعره بالكثير 300 ريال
ونصيحه لاتركب الي يشغل السياره لأنه اذا شغل السياره مايشتغل الى المكينه فقط يعني ماراح تشتغل المراوح لما توصل الحراره لنصف وبتعدم عليك المكينه او اشرط عليه التجربه وجربه اذا اشتغلت المراوح وانت مشغلها باريموت فمعناها انهم تخطو هذي المشكله
واسف على الأطاله