هوندا اكوورد والمشلان

[التويم]

اعتقد بوجود عيب تصنيعي في الهوندا اكورد الفل او الكفرات المشلان ؟؟!!



لاحظ الكثيرون من ملاك اكورد جنط 16 (مشلان) بوجود مسحية غير منتظمة في الكفرات وصدور بعض الاصوات

من السيارة كصوت ( وجوجه) (وجوججوجوجوججوجو) <==== تمثيل للصوت

يكون خفيفا في البداية ويرتفع مع مرور الوقت ويبدأ تحديدا بعد 30000 كم وانت طالع

الشركة تنفي وجود أي شيء والمشلان تقول مثل ذلك

وللمعلومية فمقاس الإطارات من هذا النوع نادرة جدا ولاتركب الا في سيارات الهوندا فقط !!!


اتمنى ان تتحفوني بالمزيد من الايضاحات عن ذلك


تحياتي

[msh3l1]

الحمد لله ماشي عليها للحين 47 الف و ما فيه اي مشكله

اذا كنت متأكد ان المشكله من الكفرات رح لوكيلها الجفالي و يضبطها لك ان شاء الله

او يستبدلها على الضمان لان ضمانها مفتوح الين تتمسح

[Ghonaim.a]

والله انا ملاحظها صراحه
لكن موعلى الاكورد الجديده ،،،،،، او ما اقدر افيدك بالنسبه للجديده
عندنا اكورد موديل 2000 فل كامل عليها كفرات ميشلان
ما جلست سنه ،،، على طول ركبت لها تويو

اما وجو وجو وجو ،،،،،،، لا يسمعون فيك طاش بس

GHONAME.A

[i-VTEC 2005]

كلامك صحيح 100 % اخوي... ومرة من المرات في الفحص السنوي اللي يسونه الوكالة اللي هو المجاني اخذت السيارة الى وكالة هوندا في الجبيل وفحصوها وسألوني عن الكفرات وطبعا هم الشد بلد المشلان من نوعية pilot والمقاس 205/65/16 .....وقالوا انه الكفرات موجودة فيهم المشكلة اللي قلت عنها .... وطبعا انا من ناحيتي ما ارتحت للكفرات وانا رايح جاي الجيل كل يوم وماضلوا اكثر من 5 شهور وغيرتهم الى بريدجستون بوتينزا جي 3 .... وبالصراحة احسن من الميشلان وهذي وجهة نظري ....
...
تقبلوا تحياتي i-vtec 2005

[FCB]

لا لا لا تغلطون على المشلان لأنه ليس نوع واحد فيه انواع انا كنت مركب مشلان صناعه تايلند وهذا النوع هو اللي يطلع صوت .. أما النوع الاصلي هو اللي صناعته ايطالي و الالماني هذا ما يطلع صوت ولا شي وانا متأكد 100%

[ساطع]

أخي العزيز لا بد من مراجعة كتاب الصيانة الخاص بسيارتك وستجد فترات محددة بالكيلومترات لتبديل أماكن الإطارات حتى يكون استهلاك سطح الإطار متساوي وبالتالي عدم صدور الأصوات المذكورة

وقد حدثت معي هذه المشكلة في سيارتي الشيروكي وقمت بتبديل أماكن الإطارات وانتهت المشكلة بعد فترة قصيرة من تبديلها

[waleed_44]

والله انا كانت معي اكورد 2005 فل كامل وماكان فيها اي صوت والحمدلله ومشيت فيها 40 الف وبعدين بعتها
ولكن يمكن بعض الكفرات غير اصلية في بعض السيارات كنوع من الغش من قبل الوكيل والله اعلم!!

[محب الفقيد]

نعم صناعة الكفرات لها تأثير كبير ... المشلان هناك نوع زفــــت صناعة تايلند ... و أنا مجرب على الاكورد 2002 مقاس 15