السلام عليكم اخواني الكرام
بعد الاستخارة مرات ومرات وتردد بين الكامري والافالون xl
خلاص حسيت نفسي مرتاح للافالون مع اني كنت خايف منها بالاول ومن قطع غيارها لكن سبحان الله نسيت كل شي
بالنسبة لي مرتاح للاكس ال لاني بصراحة أكره شي اسمه جلد وما يهمني كثير كما اني اكره التنده كلما تذكرت تنده المكسيما القديمة العنابي الي كانت تندتها تدخل ماء المطر علي ;)
طيب ليش اخذت السيارة من المعارض وتركت الوكالة ؟
انا اقولكم ليش لعدة اسباب :
1- بالنسبة للوكالة قالو خلصت الاكس ال انتظر 2007 وانا بصراحة مستعجل لان سيارتي عذبتي وقالولي مافي فرق بين 2006 و 2007 والسعر راح يكون أغلى اكيد
2- المعارض تستلمها فورا
3- السعر ارخص ..ولكن هذي النقطة صارت بالعكس لان النصابين اصحاب المعارض من عرفو ان السيارة مخلصة من الوكالة الظاهر عندهم جواسيس رفعوا السعر عن الوكالة خاصة الاكس ال
في الوكالة سعرها مع العرض حقهم 91.850 مع انها غير متوفرة
وفي المعارض وصلت لـ 95000 لكني لحقت على واحد يبيعها بـ 93 ؟؟ شوف كيف النصب
سؤالي هل 2006 اكس ال موجود في الرياض او المدن الاخرى والا انتهت وكم سعرها ؟ بس عشان آخذ فكرة اشوف النصابين
السيارة في المعرض وشيكت عليها من الخارج ما بها شي اصلا ما اشوف لانها مغبرة وش تنصحوني وش اهم شي اتفقد فيها ؟؟
عيب المعرض انه موقف نص السيارة في الشمس هل يأثر عليها ؟
انا حجزتها وخلاص باقي العقد والمبلغ موجود ولسة ما وقعت العقد هل تنصحوني اتوكل على الله وآخذها والا انتظر الـ 2007 مع انه مافي فرق وراح تكون اغلى يمكن بـ 8000 ؟
تحياتي لكم
