اللوحات الجديده في مراحلها الاخيره ...

مخربها @user_24088 ..:: TAHOE//YUKON GRP. MEMBER ::.. · 03-06-2006

السلام عليكم ... قريت خبر في جريدة الرياض يقولون ان اللوحات الجديده في المراحل الاخيره واللوحات الجديده هي نفسها القديمه مع بعض التعديلات يعني بدل ثلاث احرف وثلاث ارقام صارت ثلاث احرف واربع ارقام ودخلوا عليها اللغه الانجليزيه يعني صارت اللوحات صحايف مدرسيه مو لوحات سيارات وبالنسبه للي شروا لوحاتهم من المزادات يقدرون يحتفظون في لوحاتهم بعد ما يجرون عليها التعديل ...

اللي فهمته من هالكلام ان كل واحد يروح يغير لوحة سيارته بيضيفون له صفر قبل الرقم مثلا رقمك 216 يصير 0216 مع بقاء الاحرف على ما هي عليه ودخول اللغه الانجليزيه .... اسمحولي ان هالتصرف يصعب اللوحات ما يسهلها ولوحاتنا الاوله افظل بكثير قصدي اللوحات اللي قبل الحاليه اللي مكونه من 6 ارقام بالعربي والانجليزي ...

وعلى كذا اللي شارين لوحاتهم من المزاد وكانت احرف متشابهه خربت لوحاتهم يعني اللي دافع على رقم 666 على اساس انها مميزه بتصير له 0666 .....

عطونا رايكم يا شباب ...

Pt2f @user_30424 · 06-06-2006

انتم ما فهمتوا السالفه:D
السالفه نفصلها على 3 مراحل : ماضي وحاضر ومستقبل

1- الماضي : صفر بالجوالات
2- الحاضر : صفر بالسيارات
3- المستقبل : .......................... :D انتم طلعوها:D

مخربها @user_24088 ..:: TAHOE//YUKON GRP. MEMBER ::.. صاحب الموضوع · 06-06-2006

هلا وغلا بالشباب ...

بالنسبه للوحات اوروبا وامريكا هذي فكره ممتازه وعندكم مثال لها لوحات تكساس اللي لها 600 سنه ما تغيرت لانها خليط بين الاحرف والارقام يعني بحسبه بسيطه ... ثلاث احرف في ثلاث خانات = 9 لوحات ... وثلاث ارقام في ثلاث خانات = 9 لوحات يعني في اللوحه الوحده يطلع لنا 18 لوحه مثلا اللوحه (( ك م ر 2 5 4 )) < --- لا يزعل علينا راعيها لو تغير في ارقامها وحروفها راح يطلع لنا 18 لوحه منها لكن اذا خلطنا اللوحات والارقام بيصير ثلاث احرف وثلاث ارقام يعني 6 في سته خانات = 36 لوحه مع امكانية ان تكون اللوحه كلها ارقام او كلها احرف يعني مو مجبورين تكون ثلاث احرف وثلاث ارقام ممكن تكون اربع ارقام وحرفين والعكس ....

اخوي كول سفك توصل بالسلامه ان شاء الله ومشكور على مرورك...

Cool Civic @user_28194 · 05-06-2006

أنا أضم صوتي للأخ فانتوم الصراحة لما فكرت فيها طيب ليش ما نأخذ من الغرب أشياء مفيدة ليش دايما ناخذ خرابيط وموضات وإلخ على الأقل إذا أخذنا ناخذ شي ينفعنا في بلدنا ، الآن هم عندهم نظام رائع بحيث إنك ممكن تختار حروف لوحتك وبكذا كل واحد يكون مميز على كيفه ، يعني حتى لو يغيروا في موضوعهم شويه ما فرقت لكن يفكونا من التغيرات كل كم سنة لوحات جديدة ، وإقتراح أخونا (مخربها) أيضا جميل جدا لأنه في عقليات في البلد تطفح ذكاء لو يأخذوا برأيهم الواحد يعطيهم أفكار مئة عسكري.
بس يعرفوا قبل كم سنة أيام المدرسة عملوا مسابقة بين طلاب المدارس عشان يقترحوا شعار أسبوع المرور الجديد!!(ايش نسوي بيه)

(هذي حتكون آخر مشاركة لي من الشرقية لأني راجع على جدة الأربعاء إن شاء الله أشوفكم من هناك ويعطيكم العافية معليش طولت عليكم:) )

RR_PHANTOM @user_19294 · 05-06-2006

انا اقول لو تصير مثل لوحات اوروبا و امريكا .... مثلا 4 حروف و 4 ارقام و الارقام على الحروف مو الحروف بجهة و الارقام بجهة مثلا::::::: a1b2c3d4::::::: بكذا مافيه امل تتغير اللوحات لو بعد 100 سنه و تنتهي عندنا موضة المميز و التخلف اللي صاير مزادات و خرابيط و شوارع كلها حفر

مخربها @user_24088 ..:: TAHOE//YUKON GRP. MEMBER ::.. صاحب الموضوع · 05-06-2006

السلام عليكم ...

شاكر لكم تفاعلكم .... يا شباب الموضوع مو مميز لكن اللوحه على كذا راح تكون مزحومه عربي وانقليزي واحرف وارقام على كذا راح تكون الكتابه بخط صغير واذا صار شي لا سمح الله راح يكون من الصعب قراءة اللوحات ...

ثاني شي لما اخترعوا هاللوحات قالوا انها مؤقته واو هذا اللي سمعته الحين على اي اساس يعدلونها هي نفسها .؟؟

انا من وجهت نظري المفروض يشركون المواطنين في اختيار التصميم الجديد يعني كلها رقم فاكس وكل واحد يخترع تصميم ويرسله وبعدها يختارون عدة تصاميم وتعرض على لجنه وبعدها يختاورن التصميم النهائي اما نظامهم اللي هم ماشين عليه عدل وبعدها بخمس ست سنوات عدل مره ثانيه وسقط اللوحات وغير الاستماره وكلها مصاريف من المسؤول عنها ؟؟

بعدين يا شباب لوحه من سبعه خانات والله واجد ....

احمد المطلب @user_29966 · 04-06-2006

مافي اي مشاكل اصلاماتفرق عندي الوحات زودو صفر ولانقص عشرة ومشكور على الموضوع

الـصـقـار @user_12505 · 04-06-2006

يارجال يازين لوحات اول

مرضيه للجميع

ارقام عربي وانقليزي وبس

وكل مازادت السيارات زود خانة وبسسس

كشاف599 @user_10670 · 03-06-2006

التغيير بحد ذاته حلو الله يعينهم

Cool Civic @user_28194 · 03-06-2006

السلام عليكم يا شباب...

موضوع تغيير اللوحات مو موضوع مزاج من راسهم الموضوع كما تعرفوا بسبب قرب إنتهاء الأرقام والحروف في اللوحات الحالية واللي المفروض أنه يكونوا فكروا في هذا الموضوع قبل ما يقرروا وضعها ، وإذا كان على تحويلها بالإنجليزي فهو في صالحنا أبغى أشوف كيف العسكري بيقرى اللوحة إلا إذا بيعطوهم دورات إنجليزي في معهد بريطاني:) ، ولا أنصح بإعادة اللوحات القديمة (اللي هي أرقام بس) لأنها معقدة الحفظ في حال حدوث شيء لا سمح الله.

بالنسبة لي لم أختار رقم اللوحة لكن جاءتني نوعا ما مميزة(ن ن ي 116) ولا هي فارقة معي مميزة ولا بطيخ و الصراحة أستغرب من اللي يدفعوا بالآلاف عشان يحصلوا على لوحة مميزة على العموم ننتظر ونشوف ايش آخرتها مع تغيير اللوح.

وشكرا عزيزي على الموضوع المفيد:)

صحراء الجليد @user_19137 · 03-06-2006

بصراحة اللوحات المفروض تتغير كمان زيادة

يعني زيادة صفر كم راح تفرق ؟؟؟

B R A B U S @user_18993 · 03-06-2006

السلام عليكم ورحمة الله وبركاته

بالنسبة الى تغير اللوحات في السعودية اعتقد بأنه صار ضروري

مع الزيادة الهائلة في اعداد السيارات في المملكة ,, بالنسبة الى

البحرين كذلك ان شاء الله راح يغيرون شكل اللوحات مع بداية السنه

الجديدة على حسب معلومات واردة من احد الأصدقاء الي يعمل في

مصنع تصنيع اللوحات ويقول بدأو في تصنيع اللوحات الخاصة لوزارة

الداخلية وعملواا نموذج الى اللوحات العادية ايضاً وتقريباً راح تكون

مثل دبي باللغة الأنجليزية فقط ,,,

CAMRY 794 @user_5221 · 03-06-2006

المشكله مو هنا المشكله لم يوقفك شرطي يبي يعطيك مخالفه

مايعرف يكتب تنتظر يجي شريط يعرف يكتب

المعقب @user_9275 · 03-06-2006

الاخوة الأفاضل : السلام عليكم ،،،

في رأيي إن اللوحة بهذا الشكل حتكون مضغوطة ،،،

يعني أربعة أرقام قلينزي وعربي وحروف ومساحة ضيقة !!!!

شكل اللوحة تبي تصير هريسة !!!

تقبلوا تحياتي ،،، المعقـــب ،،،

كسير العين @user_24096 · 03-06-2006

اللوحات المميزة يضاف لها نفس الرقم المتكرر

Mr.zoom @user_21749 · 03-06-2006

يعمي خلهم ايرجعون الاولية احسن لهم ولاه لاحرف ايعلمونه لابجدية من جد تخلف

أبـوأسـد @user_15810 · 03-06-2006

لو اللوحة أرقامها 666 تصير 0666

:confused:

أسمحلي والله العظيم تخلف بمعنى الكلمة :mad: يعني الواحد يشتري لوحة مميزة تصير لوحته كذا؟؟؟

والله حاله اللوحات المميزة :D خخخخخخخخخخخخخخ

الـصـقـار @user_12505 · 03-06-2006

الكتابه باللغه الانقليزيه مهمه
خصوصا لمن يصدر سيارته للخارج للسياحه

تحياتي لك

نيسان للأبد @user_17211 · 03-06-2006

جعلهم يحطون بدال الصفر 10 اصفار انا بالنسبة لي بعد مافرقت ،،

اهم شي الحروف مايغيرونها لوحتي (( ن م ر السعودية )) من قدي !!

مشكور اخوي على الاخبار

.

مخربها @user_24088 ..:: TAHOE//YUKON GRP. MEMBER ::.. صاحب الموضوع · 03-06-2006

هلا وغلا ... والله يعافيك .. الموضوع مو مهتم باللوحات المميزه بشكل خاص ... الموضوع عن اللوحات بشكل عام وعن الحل اللي طلع معهم اللي من وجهت نظري غير صحيح ولا وش لنا علاقه قالوا اربعه او خمسه براحتهم لكن شكل اللوحه ما اظن راح يصير مريح بالشكل الل راح يطلع فيه ....

مشكور اخوي على مرورك ...