أي سؤال فني عن الكفرات (هنا)

السلام عليكم.....

والله الموضوع حلو وشيق.....بالنسبة للكفرات انا كنت مركب قبل سنة ونصف هونكوك مقاس الجنط 18

العيوب: المطب كنك راكب ددسن .. انواع الاصوات بالطريق .. الدعسة شبه متغيره:mad: :mad:

اما الان دنلوب سعر الكفر ب500 ريال مقاس 18 ZR ممتاز بس ماجربته كثير..ولكن الاصوات مازلت

بس مو زي الهونكوك اخف شوي يمكن الدعسه لها دخل...|3| |3|

الكفرات باترتيب
الاولى والاقوى والفضل (برلللللللللللللي)
الي بعدها (ميشلان)
الي بعدها(دنلوب)+(جودييير)+(فالكين) +(يوكهاما )
وبعدين الكوووووري ابوكلب (هنكوك+كومهو+وفرفر +وكركر +ومرمر وهاذي الانواع الكثير ابو اسما مدري من وين جايبينه)
وبعدين الصيييني (وانا ) وغيرها
بس لما تركب كفر الماني ولا فرنسي ولا ياباني بتحس انها كفرات
اما الكوري والصيني انواع التصفيرمع الفات
انشاء الله اكون قد افدتكم

السلام عليكم ورحمة الله وبركاته



ياليت ياشباب تكملون سوالفكم عن الكفرات:D :D





لانه مو ضوع ولا احلى:eek:




شكرا لكم|3|

السلام عليكم ..............
أخوي B_M_W حلوه تغطية المكان المهم تغطية المكان مسويها بدون ماتنزل الكفر والا كيف إذا بدون ماتنزل الكفر فهذي مشكلة في نوع يجي من داخل الكفر هذا هو الأفضل والحل الأكيد لك ..... ايش مايصير معاك بلغني .تحياتي

طيب اللي يعرف شي عن كفرات البالون(شاهين) يقولي عنها لاني معاي جيب ويمكن اركبها

انا مجرب يوكوهاما حقت الوكاله ومجرب ميشلان .....

مافيه مقارنه بينهم ابد .... الميشلان يكفيك انك تمشي وبالك مرتاح

مشكور أخوي على الموضوع

لكنك نسيت أفضل كفرات في التحمل والنعومة والعمر الطويل ... GOODYEAR

هذا الإطار انا مجربة والصراحة أنه أفضل إطار جربته في الجيوب ويعطيك لايقل عن 4 سنوات من الإستخدام ولكن سعره غالي ... ولو تدخل موقهم راح تلقى أن كفالتهم لمدة 80 ألف ميل يعني 128 ألف كيلو تقريبا :) ... هذا غير المميزات الي تجي فيه طبعا أنا أتكلم عن هالإطار Wrangler AT/S

بحفظ الله |3|

الميشلان افضل الكفرات بعد البريللي...
انا عندي تجربه حصلت مع الوالد... عند الوالد جمس 2001 قطعة 1500 ... اول ما غيرنا كفرات الوكالة التعبانة ..ركبنا ميشلان فرنسي نوع Z وتحكم AA تخيلوا جلس الكفر مدة ثلاث سنوات لدرجة انه بدأ يتفطر من الأطراف ومسكنا فيه خط الكويت بعز الصيف ودرجة الحرارة 47 مئوية.. ومن ابدع ما يكون... ثم غيرنها بنفس النوع بس اعرض شوي.
إلي الآن.
وسلامتكم
تحياتي

اخوووي تبي النصيحة ركب كفرات ميشلان انا مجربها والوالد بعد مجربها وكان راعي خطوط عمله في الشرقية وساكن في الرياض وكل يومين ماسك خط وجاي من خط بس فيه مره فكه ربي كان يمشي 170 وانفجر عليه كفر طبعا ماغيرها له 3 سنوات والحمدلله البودي ماجاه شي .... وسلامتكم

الله يسلمك اخوي ابو اسد على الرد

طيب انت قد جربتها او تعرف احد مركبها
لان الكفرات تظبط على سيارات وسيارات ماتظبط عليها لان اللومينا تعليق رياضي وقاسيه في المطبات

عندك كفرات ممتازة جدا لكن لست متأكد إذا كان لمقاس كفرات اللومينا أس أس وهي DUNLOP أفضل شيء|1|
أما ماشيلان ويوكوهاما فلا تصل لمستوى DUNLOP أبدا:D
أما بريللي ليست أدري:rolleyes:

السلام عليكم


ياشباب انا ابي استفسر عن كفر مناسب للاشياء ذي


1- يكون لين في المطبات والحفر لان معي لومينا اس اس وجنطها كبير والكفر صغير
2- يتحمل سرعه عالي
3- مايطلع صوت على الخطوط

واكون شاكر وممنون
انا حصلت ميشلان قالي صاحب المحل انه رياضي مره سعر الواحد فوق 1000 انا اشوف انها كثيره اسلم 4000 في كفرات

ابي شي معقول

مشكور يا غالي





تحياتي: محب الفايبر

أحسن كفرات البريلي ومن ثم الميشلان لأن كليهما مصنوع من السلك بس عيوبهم القساوة وإتلاف البطانه فوق الكفر عند الإنفجار
ومن ميزاتهم العمر الطويل والمديد والضمان الطويل الأجل 3 سنوات والتحمل العالي والثبات المتفوق .

وأيضا التويو حلو وناعم ولكنه مصنوع من النايلون مما يجعله أقل تحملا ولكنه عند الإنفجار لاسمح الله لاتتضرر السيارة وملاحظتي في هذا الكفر تقليل نسبة استهلاك الوقود وذلك لخفة وزنه ونعومه رسمته حيث تكون نسبة الإحتكاك شبه معدومه بدون الإخلال بتشبت السيارة عن الطريق . رأي شخصي بحت وعن تجربه

مشكور جدا اخوي على الموضوع

تحياتي لك

طيب يا شباب

عندي جنوط 19
وأبغا اركب لها كفرات .
كم أسعارها؟

تحياتي

لاشكر على واااااجب