بسم الله الرحمن الرحيم
7
7
7
7
7
7
7
7
7
7
7
7
7
7
7
كيف حالكم يا حلوين عساكم خبير << اصلا لو منتو حلوين ماكان اشترتكت في هذا المنتدى خخخخ|3|
طبعا بعد تجربتي الممتعة مع بريفيا 2006 الجديدة حبيت اني انقل لكم انطباعاتي نحوها واهم المزايا والعيوب الي لاحظتها عليها
اليوم الساعة السادسة مساء اتصل علي مندوب تويوتا وقالي ابمر عليك عشان تجرب السيارة قلت له اوكيه مر وليه ما نجرب
دق علي وقلي انزل ونزل معاك اهلك عشان يشوفون السيارة بصراحة احرجني يوم قلي اهلي بس سحبت معي الوالدة عشان تجرب السيارة مع اني عارف انها ماتدري وش الي صاير
المهم السيارة بصراحة من يوم ما تركبها تحس بنشوة عارمة من الطارة الفورمايكا الخشبية الفاتحة ومن القير الصغير التتروبونيك والنيكل المرصع به الطبلون بصراحه احس تويوتا ابدعت في التصميم الداخلي
طبعا من يوم ما مشيت اعطيت ام الدعسة للصاجة <<< خبل|10| والسيارة من ناحية العزم تعتبر معقولة وحسب كلام المندوب انها عجيبا جدا في توفير البنزين يعني ما تصرف مرة خاصة انها بمحرك 2.4 وبقوة 168 حصان
ومن طابع القيادة اصلا تحس انك تسوق تويوتا يعني الي ساق الموديل القديم تقريبا نفس القيادة وتحس السيارة خفيفة مرة وسلسة في المناورة والدخول عرض <<< متعود على الدخول عرض:D
طبعا السيارة زودت بحساسات من جميع النواحي حتى في الجانب وفيها نظامين ثبات غير ال ABS ومن ناحية المقاعد والراحة اعطيها 75 % مريحة وخاصة انه في المقعد الخلفي في تكايات للاقدام
السيارة في ميزة جديدة مرة حلوة نفس الي في اللكزس الي هو السيارة تنفتح باللمس يعني لو حطيت المفتاح في جايبك من يوم تحط يدك على الباب ينفتح الباب نفس الي في اللكزس
وشي ثاني جديد على بريفيا الي هوا البيبان تتقفل اتوماتيكيا وكهربائيا حتى الشنطة الخلفية << عجبت اخوي الصغير كل شوي يفك ويقفل |11|
باختصار السيارة اعجبتني مرة بس ريحة تويوتا فيها يعني يوم تسوق تفرق معاك لو معاك امريكي
وبرضو ابختصرلكم المميزات والعيوب
المميزات
1- الفخامة الخارجية ركزو على الـ LED والزنون والعدسات والتصميم الانسيابي البحت
2- الفخامة الداخلية جدا جدا جدا فخمة من الداخل
3- دخول السيارة بدون مفتاح وتشغيل السيارة بزر
4- اقفال وفتح الابواب كهربائيا مع امكانية فصل الكهربا لتصبح يدويا
5- تكايات الاقدام والكونسول فيه امكانيه للتحريك للامام وللخلف
6- السقف البانورامي وترو السيارة راسية بحكم التصميم الانسيابي الرائع
العيوب
1- الحس الياباني
2- السعر المرتفع الفل بـ 117 الف والنص فل GL بـ 107 الالف الديلوكس اعتقد 96 الف
وبس
في حاجة ما ادري هي عيب او ميزة
ان السيارة في اربعة الالف درج يمينك درج ويسارك درج وقدامك درج وين ما تروح الادراج لاحقتك لاحقتك :D
وبكذا انتهينا من البريفيا واتمنى اني قدرت اوصفها لكم
واي سؤال ياليت تسؤلوني وانا تحت الخدمة
ومن ناحية اخرى اعرب مندوب تويوتا انه في الوكالة سامع ان الكامري بتتغير في 2007 وعشان كذا مسوين تخفيض عليها تخيلو كامري قسطها بـ 1299 يبغون يصرفون اكبر كمية
وبرضو سامع خبر انه بينزلون شاشة ملاحة على الفل كامري في عام 2007 يعني اخير بنشوف ملاحة على كامري
وهذا والله اعلم
وصلى الله على نبينا محمد وعلى اله وصحبه وسلم
محمد ...
