لاصحاب سيارة توسان ما رأيكم في هذه السيارة
لاصحاب سيارة توسان ما رأيكم في هذه السيارة
أخــوي أبـو الخليــل
السيارة لم اجربـها ولكن شكلـها حلو
وواحد من أخويا أخـوي معاه واحد ومستانس عليـه
H.Y
سيارة رائعة
جودة عالية
فازت بلقب أفضل سيارة بجودة غير متوقعة(يعني الناس توقعو انها سيارة تعبانة لكنهم تفاجأو ايجابيا بمستوى جودة السيارة)
متفوقة على جميع سيارات فئتها باستثناء ميتسوبيشي اوتلاندر
انا بصراحة انصحك فيها والله يوفقك
ومبروك مقدما
الموضـوع مو موجـه لي لكن لي خبـرة فيهـا ..
خـويي عنـده وحـده .. والسيـارة ماشيـة معـاااه حللـوو ..
مـاشاءالله عزمهـا حلـوو .. شكـلها مقبـوول .. وسعـرها منـاسب ..
اخول العزيز ابو خليل
انا من ملاك جيب توسان من هيونداي 2006 وماشي معي لحد الان 40000كيلو مكينة ديزل
واستخدامي عنيف عنيف ومن قبل ما يكمل اول 500كيلو دخلتبه رمال وطعست عليه والى الان ما شكى ولله الحمد
اغلب اوقاته في البر والرمال والسفريات
جودتها عاليه عاليه عاليه !!
اتسااع داخلي عجيب بالنسبه لحجم السياره الخارجي!!
نظام الدفع رباعي مستمر !!+دبل!!
قير اوتو تبترونيك(((اوتو+عادي)))
هاديه((مع الملاحظ انها مكينة ديزل الا انها هاديه)) وثابته وراسيه في الخطووط
سياره تستحق قيمتها
ما خذه افضل تصميم في فئتها في مهرجان مقام في اليابان!!!
وفي الحوادث ماخذ خمس نجوم في الامامي والجانبي!!!!
من جد سياره مبدعه ومبتكره من هيونداي
والى الان انا مرتاح مع السياره لاخر درجه وولله الحمد
انا رديت على اخوي ماجد الحجي في موضوعه ((من يحب التوسان)) تقدر ترج له وتشوووف ردي
هذا الرابط
http://www.assayyarat.com/forums/showthread.php?t=83837
اي استفسار او سؤال انا جاهز اخوي ابو خليل
اخوك
سراب الود
أخوي الكريم سراب الود
الحقيقة أني أفكر جديا في شراء توسان 2006
لكن محتار هل أخذ بنزين أو ديزل
لو كنت بأخذ بنزين هل عادي أو أوتوماتك
و أيضا للديزل حيث رغبتي به لكن أخاف أن يكون عزمة طايح و خاصة التوماتيك
فأنت ما رأيك و أيش تنصحني فيه من خلال تجربتك
اخوي العزيز لو كنت مراسلني على الخاص كان افضل لكي تظمن اطلاعي على الموضووع
حقيقه انا معي ديزل قير اوتو وعزمه افل من عزم الهايلوكس اللي مكينته 2400 موديلات 96-97 بنزين طبعا!!
اقوم عليهن من الصفر واوروح وخليه!!
انا انصحك بقير الاوتو خصوووصا ان الدف رباعي مستمر!
وبخصووص القير الاوتو في الديزل فيكون في علمك القير الاوتو دائما اقوى من القير العادي !!
لان النمر في القير العادي قصيره جداا تولد عزم اكثر !!
اما الاوتو فالنمر طويله وتعطيك تسارع اكثر!!
لو كنت بتاخذ ديزل لا تاخذ الا قير الاوتو((تماتيك+عادي))؟؟ اقوى وافضل واسرع وحتى اريح!!
واذا كنت تفكر في البنزين مكينة 6 سلندر افضل!!
عموما سيارة توسان يناسبها القير الاوتو اكثر من العادي بكثير لان الدفع رباعي مستمر
واذا احتجت اي شي
يا عيني عليك أخوي سراب الود
صراحة توقعت أنك تسهجني ولا ترد لأن الموضوع من فترة طويلة
يعني نصيحتك أطق الفل كامل لأن الحين بالوكالة النوعين هذه :
CDRi2.00عادي قيمته 53.000 ريال
أما التماتيك ما يجي إلا فل كامل فتحة و جلد مخلوط في المراتب و قيمته بـ63.000 ريال
وسؤال أخير ما جربته في طلعات فوية مثل طلعات الجنوب أو أقلها طلعة القديه و شلون عزمة ما ودي أشترية و أتفشل عند الأهل يقولون لو تاخذ بنزين أصرف لك لكن أنا مصر على الديزل لأني راعي خطوط
جزاك الله خير و ربنا يحفظ لك التوتو من غير شر