السلام عليكم ورحمة الله وبركاته,,,
.
.
.
.
تلاحظون هذه الايام كثرة وجود الدراجات النارية في المدن (شخصيا اتكلم عن الرياض),,
اغلب من يقودها شباب مراهقين يمشون على شكل مواكب وتجمعات في الشوراع الرئيسية في شمال الرياض (الملك عبدالله-التخصصي-التحلية-الملك عبدالعزيز-الضباب-الثلاثين-غيرها)
وجودهم اصبح مصدر ازعاج لا يطاق ابدا,
اعطيكم مثال
محسوبكم يسكن في احد احياء شمال الرياض والمحصورة بين طريق الملك فهد والتخصصي
بيتنا اقرب مايكون للملك فهد (300 متر تقريبا) و 700 متر تقريبا عن لتخصصي
في الفترة الماضية ايام كان الجو حلو مايحتاج لتشغيل مكيف في الليل, انام واخلي الشباك مفتوح,
اذا جت الساعة 1-2 اصحى من النوم بسبب هالمراهقين , واضطر اشغل المكيف,,
ومرة كنت طالع من اكسترا اللي في طريق الملك عبدالعزيز, قبل لا اركب سيارتي الا واسمع ذاك الهدير اللي يصم الاذن,,
قلت غريبة وش جاب الـF-15 للقاعدة الجوية؟؟ (ولد عمي ضابط يشتغل في القاعدة ويقول ان المقاتلات ممنوعة من الهبوط في قاعدة الرياض الجوية لأنها احتمال اذا بغت تقلع يتكسر قزاز عماير الملز!!)
قمت اطالع في السماء وين هالطيارة؟
اخرتها طلع موكب مراهقين فوق 30 دباب يمشون سوا,,
ما رأيكم؟
هل تؤيد منع هؤلاء من ممارسة هوياتهم؟ ولا الشباب مساكين ولاعندهم مكان يطلعون طاقاتهم فيه؟؟
شخصيا اؤيد منعهم والسبب:-
1- انهم لا يستخدمونها للغرض الاساسي, وهو المواصلات والتنقل (بتقولون الشباب ماعندهم مكان يسوون فيه اللي يبون, بس هذا مايعني انهم فقدو عقولهم وشغل بزارين لعبوني ولا ترا بخرب عليكم)
2- ازعاج كبير جدا, ما يخالف حنا نستحمله بس هناك مرضى وكبار في السن ما يستحمولنه, الله يعين اصحاب الدبابات لى الدعاوي اللي بياكلونها
3- التجمع على شكل مواكب يعني تخطيط مسبق, وممكن يتطور لأكبر من كذا (مخدرات ومدري ايش)
4- احيانا قد يتسببون في هلاك انفسهم عند اصرارهم على الاستعراض ورفع مقدمة الدباب
5- يسببون مشاكل لأصحاب السيارات, واحيانا يهيضونهم, مرة واحد من العيال يحلف لي انه قدام عينه ازعجو لهم راعي جمس ما النوع اللي ما ينمزح معه, قام ابو الشباب ورمى الجمس على قائدهم والدم طاش مسافة 800 متر تقريبا!!!!! (منظر بشع)
رأيكم؟؟
