ياشباب ساعدوني موتري عزمه طايح مره

عاشق الصمت1 @user_21443 · 03-04-2006

السلام عليكم

بصراحه انا عندي مشكله بسيارتي ، سيارتي هي ماكسيما 2003 اس تورينج تماتيك

بصراحه ساعات تجيب 240 بالخط وساعات توقف على الـ210

وبصراحه عزمها طايح مره خصوصا إذا كنت مشغل المكيف

وإذا كان طافي المكيف يكون عزمها طايح بعد ، بس اخف شوي من لمن يكون شغال المكيف

امانه ياشباب ساعدوني ، ما ابي واحد يقول يمكن او جرب

ابي احد يكون مجرب او عنده خبره كبيره او شايف بعينه تكفون ياشباب ساعدوني على المشكله هذي

وشاكر لكم ويارب الاقي عندكم الحل .....................!!!

عاشق الصمت1 @user_21443 صاحب الموضوع · 17-04-2006

بس بيني وبيك انا اليوم غيرت الشوته مالت البخاخ اللي لونها احمر مالت الهواء فلتر الهواء
وبدلتها اللي تجي على يمين المكينه بس غيرتها ولا ادري هل لها تاثير بعزم الموتر او مشيه ...؟
انا اللي اعرفه إنه ينظم البخاخ ولا يخلي يدخله غبار ....؟

نيسان للأبد @user_17211 · 17-04-2006

ب 50 ريال للحبة وفايدتها تقريبا ضخ الكهرب للسيارة وتنظيمة

.بالنسبة لعدد البواجي 6 حبات لانها 6 سلندر ( لو انها اربع سلند كان 4 بواجي ولو انها 8 سلندر كان 8 بواجي ولو انها 12 سلندر كان 12 بوجي وهكذااا )

.

عاشق الصمت1 @user_21443 صاحب الموضوع · 16-04-2006

طيب ابي اسألك شكلك عندك خبره بامور الماكس
شنو فايدة البواجي ....؟
وكم عدد البواجي اللي بالماكسيما وكم سعر البواجي بالوكاله
لاهنت يالنيسان للابد......

نيسان للأبد @user_17211 · 15-04-2006

4 تبديلات للقير الاوتوو

العادي 4 سلندر 5 تغيرات

العادي 6سلندرر 6 تغيرات

وترى المكس فيها حيل بالنسبة للقير الاوتو ولكن سبق اني ذكرتلك المشكلة انها من برمجة القير تبع الحمراني ولا الموتر ماعليه كلام مكينة وقيير ياباني 100%

.

عاشق الصمت1 @user_21443 صاحب الموضوع · 14-04-2006

بس بصراحه جالس ألاحظ إن الماكس عند ما يبدل التبديله الرابعه يهجد
تحسه وحش بتبديلات الثلاثه بس عند الرابعه خلاص يهجد الموتر بس وربي حرام المفروض يحطون قير الماكس الاوتو
خمس تبديلات ، كان الاوتو يجيب الـ240 براحه بس مافي باليد حيله
بس ابي اسألك الالتيما الاربعه سلندر والسته سلندر كم تبديله ......؟
وشاكر لكم على ردودكم

نيسان للأبد @user_17211 · 14-04-2006

موتري يجيب 250 كم أتوماتيك بس يبيله خط مو على طول يجيبها

واذكر جبتها مرة وحده وكان وقتها موتري ماشي 7 الاف قبل سنة تقريبا

لكن الحين ابشرك عقلت حدي 120 كم

اتوقع موترك يبيله برمجة قير والوكالة يبرمجونه على الي تبي بس لازم تعرف احد بالوكالة عشان يظبطلك الوضع لان هذي فيها مخالفة للمقايش السعودية (( وكل شي بحقة ولو تسويها موترك يجيب 260 كم زي السلام عليكم ))

.

عاشق الصمت1 @user_21443 صاحب الموضوع · 13-04-2006

يعطيكم ألف عافيه ياحبايب قلبي
ومشكورين على مشاركتكم
واخوي نيسان للابد شلون موترك يوقف على الـ220 وانا تماتيك وساعات تجيب 240
بس اخوي نيسان انت موترك اوتو ولاعادي .....؟

شكلي ابي اوديها للوكاله يفحصونها ويشوفون إذا فيها ضعف .....؟ والله يستر
وشاكر لكم على مروركم

jet @user_22902 · 12-04-2006

حل المشكله يكمن في (air mas regulator) وهو عباره عن فيش او قطعه الكترونيه تجدها في المنطقه ما بين البخاخ وفلتر الهواء. وهو يخرب دائما في المكسمات وفي القرانديات من الكامري.

sr20de @user_8906 · 11-04-2006

شيك على الحساسات الموجوده في المانيفولد اعتقد عددها اثنين و مشكله الكويلات احيانا يصير فيها ضعف بسيط و السياره تمشي بدون اي مشاكل بس تحس ان السياره ثقيله حتى كمبيوتر الوكاله مايكشف هذه المشكله الا نادر .

صواير @user_25519 · 11-04-2006

وش تبغى بالهسرعه الجنونية ما لها داعي

الله يستر علينا وعلى الجميع من الكوارث

نيسان للأبد @user_17211 · 11-04-2006

عل فكرة تقولي عطي الموتر مافي بطنه بالعكس الحمراني الله يهديه مبرمج الماكسيما عل اساس انها توقف عل 220 بس بدون مايقول انها تفصل يعني انا موتري يجيب ب 3 سرعة 210 وبعدين يعطي الرابع وبعدين يعطي نص نمرة (( ترييحه )) وبذلك تثبت السرعه عل 220 يبيلك تغير برمجة قير ،،،

.

عاشق الصمت1 @user_21443 صاحب الموضوع · 09-04-2006

هلا اخوي نيسان للأبد بصراحه موتري انا اوتو وبصراحه ساعات يوقف على الـ220 وساعات ينزل بس
اكثر شي جبت فيها 240 على خط طوييييل وكان فاضي وبصراحه ماقدرة انزلها لان الموتر عطا مافي بطنه وتعرف لانه اوتو
يعني حده 240 مدري لو كان قير عادي شنو بيكون .....؟ وانت اخبر .؟

نيسان للأبد @user_17211 · 08-04-2006

لا عادي كل المكسيمات كذا

كاقلتلي موترك اوتو ولا عادي

وكم حده فيى الخط

اقصد سرعه

..

عاشق الصمت1 @user_21443 صاحب الموضوع · 08-04-2006

السلام عليكم
يعطيك العافيه اخوي نيسان للأبد
بس انا والله من خذيتها من الوكاله وجنوطها العاديه جنوط 16 مالت الوكاله
ومو حاط عليها ولا شي يعني شد بلد
بس احس فيها ضعف حيل خصوصا بالقومه إذا كان المكيف شغال وإذا طفيته احس بخفت السياره
بس البواجي اللي تقول عنهم كم عددهم .....؟
وهل الضعف هو سبب البواجي ........؟
مع العلم إني اشوف موتري من الامام مرتفع شوي مدري من شنو يمكن من كثر الدعس ومن الخلف نازل ...........؟

نيسان للأبد @user_17211 · 07-04-2006

عل فكرة تراء الماكسيما السياحي ام جنوط سود (( طييس )) قير عادي

هي الوحيدة والكفيلة بان تجيب تحت ال 260 وقت ماتريد بس حط رجلك عل الاخر سواء كان فيه هواء ام لم يكن

ااما بالنسبة للاتو حده من 230 ال 240

وموفق اخوي ،،

.

نيسان للأبد @user_17211 · 07-04-2006

حط في اعتبارك انك الوزن له دور يعني للاتوقع ان المكس جنوط 17 تقوم عل المكس جنوط 16 ولا تتوقع ان المكس جنوط 16 تقوم عل المكس جنوط 15 السياحي وهذي مجربه والفرق كبير جدا والسبب ان كل ماعرض الجنط سبب ارتفاع لسيارة واذا ارتفعت السيارة سبب احتكاك للهواء اقواء رجع السيارة شد بلد والكفرات لازم تكون مقاسات الوكالة الي هي لجنط 16 وال 17 = 215/55 والجنط 15 السياحي 205/55 وغير البواجب الي الحبة ب 50 ريال = بلاتين نوعها وبتدعيلي ان شاء الله ,,,

عاشق الصمت1 @user_21443 صاحب الموضوع · 06-04-2006

شسالفه ياشباب يعني محد رد برد يبرد القلب ............؟

غربة مشاعر @user_28636 Banned · 05-04-2006

يعطيكم العافيه شباب

عاشق الصمت1 @user_21443 صاحب الموضوع · 05-04-2006

يعطيكم العافيه شباب
بس انا الكويلات خربت مرتين عندي كانت السياره تقطع بالمشي ووديتها لوكالتها وفحصوها بالكمبيوتر
وقالولي الكويل وغيرته وبعد يمكن سنه نفس الشي رجع وغيروه
والحين الحمدلله السياره ماشي حالها بس اللي غاثني إن عزم الموتر مو شي ........؟