ههههههه على قولك أخي بو العابد ومافيه سياره حقت فئه معينه طيب شرايك وربي إني شايف كابرس 2005 SS مع شايب يعني إيزي الشغله اهم شئ جوده السياره وشكلها وووو.....!
واخ فيصل سبورت كلامك على رأسي يا غالي وآسف لو تضايقت مني وكل مافي الموضوع نفيد اخونا وعلى العموم سيارات فورد كلها جميله .
وبالنسبه لي ارشح الماركيز

والسلام خير الختام

هدو اللعب ياجماعه الموضوع مايستاهل كل واحد له رايه وهو حر فيه

القراند ماركيز حق كل شي شباب شياب سواقين مدراء مدرسين و انت ماشي

المجلة لها رايها وانت لك راي وانا لي راي واختلاف الاراء لايفسد الود قضية وريلاكس اهم شي في الموضوع هو افادة الهامور عن الافضل في الشراء انا بالنسبة لي ارشح الماركيز كسيارة لابيه وانت ماذا ترشح وجميع من يدخل في هذا الموضوع نريد افادة عن الافضل من وجهة نظره في اختيار السيارة المناسبة للاخ الهامور وشكراً لك ياالدمعة وللجميع

ياغالي إحنا لنا عيون ونشوف ما يحتاج مجله تجي تقول لنا ايت الاكثر اللي ياخذو الماركيز الشباب او الشيبان يعني إحنا نعيش الواقع

ولكم فائق احترامي

اي دمعة حزن لا لا لا

يادمعة ياعزيزي انت تقول الماركيز ماهي سيارة شيبان وانا اقول عندما قلت ان معظم زبائن هذا الموديل من 50 سنه ومافوق هو نقلاً من مجلة تقنية عالم السيارات والان انت تقول ان الماركيز افخم من الفكتوريا ارجع الى كلامي انا لم اقل ان الماركيز اقل فخمة من الفكتوريا او الفكتوريا احسن بل بالعكس ذكرت بأن ((((الماركيز سيارة رسمية فخمة اقتصادية )))وبما اني املك كروان فكتوريا فاانا انصح بالماركيز شقيق كروان فكتوريا لكبير السن وهي كلاسيكية وتصلح لكبار السن ومشاكلها قليله وسيارة معروفة واثبتت جودتها على مدار السنين الماضية وخاصة الموديلات الاخيرة بعد التعديلات في نظام التعليق والتحسين الذي طراء على المحرك واخيراً الراحة الراحة الراحة فهي مناسبة جداً لكبير السن ومرغوبة لديهم وكبار السن كذلك يرغبون الحجم الكبير بالنسبة لسيارة اميركية

هذا كلامي وليس فيه اي نقد على الماركيز او الكابرس ولك تحياتي

اما بالنسبة لشادي ماركيز فسبق انك عقبت على كلامي بتعقيب غير لائق ولم ارد عليك وانا هنا مرة اخرى لن ارد عليك لإن عمري لايسمح بأن ارد عليك بمثل ردودك وهذا ردك(((لايكون أنت مسوى دراسة عن هذا الموضوع وحنا ما ندري لا تتكلم عن شيء وانت ما أنت داري ))))


اذا عدلت فيه لربما ارد عليك,,,, وشكراً على اسلوبك وردك المتحضر

الاخ الكريم فيصل سبورت

أسمح لي اقولك كلامك خطأ والماركيز ياحبيبي ماهي سياره شيبان زي ما تقول وربي اغلب الشباب عندنا بالمدينه سياراتهم كلها فورد ماركيز لانها وبكل صرااحه افخم من الفكتوريا من الداخل بشكل كبيررررر جداً جداً وانا ركبت فورد 2003 فكتوريا فل كامل وعندنا ماركيز وربي لو تطل بالباب بس تشوف الفرق من ناحيه التشخيبه الجميله التي تتميز بها الماركيز

واتمنى تقبل انتقادي لكلامك بصدر رحب وحنا هنا نفيد ونتعلم من بعض
وبالاختام تقبلوا فائق إحترامي

معدل اعمارهم من 50 سنه وما فوق


لايكون أنت مسوى دراسة عن هذا الموضوع وحنا ما ندري


لا تتكلم عن شيء وانت ما أنت داري

انا افضل الماركيز

الاخ /MONDEO _05
خبير مونديو


والله كفيت ووفيت (( كلام منطقي من واقع خبره )) وتحياتي لك

السلام عليكم ..
..
حبيبي الهامور ممكن اعرف سيارة الوالد الحالية ومنه أقدر احكم أي سياره أفضل له .. وماهي السيارات المتوفرة بالبيت والتي بتردد عليها باستمرار ..
..
بالنسبة للكراون فكتوريا .. سعرها مناسب جداً .. وهي كما يعلم الكثير سياره قوية جداً وقطعها متوفرة وسهلة التصليح وثبات سعرها عند البيع حتى وهي قديمة ..
السياره تحمل مواصفات جيدة ومحرك أقتصادي جداً وقوي بنفس الوقت ولاتنسى هدوء هذا المحرك الذي يعتبر أقل أزعاج بين محركات الـ V8 .. انصح الوالد يروح للوكالة ويستفسر عن السياره .. ولاتنسى الضمان 4 سنوات مفتوح الكيلومترات ؟؟ مااتوقع في شركة تسوي هذا العرض .. وهناك نوع يسمى الـ S هو بمظهر الرياضي من الخارج ولكن بشكل العادي من الداخل ولاتنسى المقاعد الجلد .. تميز الكراون فكتوريا كثيراً انا من قبل فترة طرحت 3 مواضيع لأن الوالد محتار أيضاً في كم سياره ومن ضمنها الكابريس ولكن فازت الكراون فكتوريا ويمكنك البحث عن الموضوع لعل تستفيد .. والى الان الوالد مصر على أحدى سيارات فورد لما تتمتع به من راحة ورفاهية وجودة ممتازه .. لم يمنعه من شراءها لو لا نزول سوق الاسهم ( خسارته الله يحفظه تقدر بـ 80 % ) .. ولكن كما يقول بأنتظار رجعة السوق عشان نلحق ونشتري قبل مايخلص العرض .. ولاتنسى الفورد الحالي يعيش أكثر من الكابريس .. وبشهادة الطرق .. شوف كم كابريس 2000 الى 2003 وكم كراون فكتوريا من 2000 الى 2003 صدقني انتشار الكابريس ولا شيء تحت الفكتوريا وما أعتقد سياره تنتشر على فشل !! لا أعني ان الكابريس فاشلة لا بالعكس انا أتمنى حصولي على واحده !!
..
الكابريس سياره ممتازه وواسعة ومريحة لكن ليست كالفكتوريا ولكن الكابريس يتفوق بـ التصميم و المواصفات والشكل الجميل ولكن مواصفات السلامة ضعيفة ..
ولاننسى المحرك ولكن رجال كبير بالسن لا يحتاج لمحرك LS1 من الجيل الثالث بسعة 5.7 .. لا أعتقد أنه أبو مقاومات !! 6 سلندر تكفي ولكن السته به عيب توجد هزة عند التعشيق الى الامام او الخلف وهي ملحوظة بعكس الـ 8 سلندر .. أذا الوالد من النوع الي مايهتم بالسياره عليه بالكراون فكتوريا لأنها أصبر من الكابريس وأجود .. ولكن اذا كان يهتم ويدلع الموتر خله يتوكل على الله وعلى الكابريس ولاتنسى العناية لأن الكابريس سريع الخراب وماأعتقد في أحد عاشر الكابريس مثلي من أقدم موديلاته الى يومك لا يوجد موديل الا وجربته .. قوي ولكن مايتحمل يعني لاتستغرب بعد 3 سنوات بالعناية المستهترة اذا شفت كل شيء خربان ..
لا أنقص من حق الكابريس ولكن هذا الواقع ..
..
الماركيز ما اعرف عنها شيء وشكلها قبيح لايعجبني خصوص موديل 2006 موديل 2005 أفضل شكلاً ..
..
بالنسبة لتصويتي كلا السيارتان بركة وخير قوله يتوكل على الله باحداهما ..
..
تحياتي

بما اني املك كروان فكتوريا فاانا انصح بالماركيز شقيق كروان فكتوريا لكبير السن,,,,,,,,,,,,

والماركيز سيارة رسمية فخمة اقتصادية واساساً معظم زبائن هذا الموديل يبلغ معدل اعمارهم من 50 سنه وما فوق وهي كلاسيكية وتصلح لكبار السن ومشاكلها قليله وسيارة معروفة واثبتت جودتها على مدار السنين الماضية وخاصة الموديلات الاخيرة بعد التعديلات في نظام التعليق والتحسين الذي طراء على المحرك واخيراً الراحة الراحة الراحة فهي مناسبة جداً لكبير السن ومرغوبة لديهم وكبار السن كذلك يرغبون الحجم الكبير بالنسبة لسيارة اميركية

الماركيز صراحه صايرتصميمها يخرب موديل بعد موديل مدري وش جايهم .....واتوقع الشباب ملاحظين ومبيعاتها اكبر شاهد :confused:


والفكتوريا ماعليها كلام بس مااتوقع تبي تشتري سياره ماتغير شكلها من 8او9سنين |10|


الكابرس برأيي قمه فالرزه واكيد اقصد ال تي زد وسياره مشهود لها ولفخامتها ومركبها وخاصه اللحين متوفره بمحرك الويتك والمحرك هذا لحاله ابداع لاني شفت عنه عرض بموقع هولدن والمحرك اقتصادي وقوي وفيه تقنيات حديثه واشياء كثيره مااتذكرها بالظبط...

وانا جربته بنفسي وكان اكثر من رائع وقوي ولو ماتوقفه الفصله هلى ال230 ولا فيه شده يكمل بالراحه |4| صراحه ماتوقعته بهالقوه لاني كنت استخدم الايكوتيك اللي هو3.8 ومافيه مقارنه ...

اتوقع السياره حلوه وسعرها مناسب جدا لمواصفاتها ...

والله يكتب لكم اللي فيه الخير .... |3|

انت عارف راي يالغالي وسبق طرحته لك

بكل امانة اشوف الكابرس افخم من الداخل والخارج وفيه مواصفات اكثر ورسمي جدا جدا

بس نصيحه كانه مهوب راعي خطوط خله ياخذ سته سلندر ولد عمي توه مطلع واحد ماشاء الله

الموتر مايصرف ومكينته مالها صوت والله فيه فرق عن الثمانية والمواصفات هي نفسها

والله يا غالي أنا أشوف انها كلها سيارات حلوه وتصلح للشباب وللشياب لكن إذا تبي الاجمل والافخم انا برأيي الماركيز وكمان يتحمل ولك وللزمن|1| وما قلت كابرس لانه ياخي كل ماكبرت السياره وصار حجمها كبير يصير افخم واكشخ واجمل كمان والكابرس ما اظن انه اكبر من الفورد وبصراحه انا أسميه ( تيرسل ) كبير خلفيته ياخي تقهر بس من الامام والله روعه

وبكل الاحواااااال ارشخ الماركيز من واقع تجربه ،،

مع اطيب تحيه :)