رأي الشياب في سيارات القرن الواحد والعشرين؟؟؟

السلام عليكم ورحمة الله وبركاته
في الحقيقه سوف أخبركم بقصه غريبه ومعبره في نفس الوقت وحصلت منذ فتره قريبه جدا وهي لا تخلو من فكاهه؟
كان عندنا عشا في البيت المهم فيه ضيف من الضيوف توه شاري سيارة اوديزي من شركة هوندا , المهم الضعيف قايلين له الشركه لا تشغل المكيف الا بعد الف كيلو (كنا في عز الصيف) الزبده انه قال في المجلس وش قالوا له الوكاله فضحك عليه احد الشيبان وقال له يا رجال يلعبون عليك شكل والله هذا موتر خايس ,قال راعي الاوديزي كيف؟ قال له الشايب يارجال انت تشتري موتر بالمبلغ الفلاني ولا تشغل المكيف ؟ وش هالمواتر الخايسه والله ما قالو لك هالكلام الا ان مواترهم مثل وجيههم ، قال راعي الاوديزي ليش وش تسوون انتم منول؟ قال له الشايب يا رجال حنا ما نسلمهم الدراهم منول الا بعد ما نشغل السياره والمكيف داخل المعرض وندق المكيف على العالي ونخليه ساعه ساعتين وعقبها نسلمهم الدراهم وناخذ الموتر وعلى طول المكيف معد يطفي ( الظاهر انه مطلع جمس 88) وصج ام الجميح هههههههههههه , المهم الضعيف راعي الاوديزي جته عزة نفس قال يارجال المواتر الحين زينه وحتى خلاص بأضرب بتعليمات الوكاله عرض الحائط واشغل المكيف (الموتر توه ما بعد مشى 200 كيلو) الزبدة بعد يومين الا الموتر مب موجود، يوم سالت ولده قال لي في الوكاله، قلت غريبه الموتر جديد ،قال ابد شغلنا المكيف وبعد مده معد يبرد؟؟؟؟؟؟؟ قلت وديتوه الوكاله؟ قال ايه ويقولون ان حساس المكيف خرباااااااااان والمروحه الظاهر ما تدور ههههههههههههههه والله ان الشايب ذا حكيم ودي اشوفه اذا درا وش صار لها الضعيف هههههههه
عاد اللي انا استفدته : ان السياره اللي يقولون لك لا تمشي مدري كم ولا تشغل المكيف الا بعد 1000 كيلو اعرف انهم ما عندهم ما عند جدتي والا بالعقل اشتري موتر ب100 الف ولا اشغل المكيف في عز الحر وش يدل ذا؟
شف منول الناس يمحطون مواتر جديد ومن يومها والمكيف ما يطفي ؟بس قالوها الشيبان سيارات منول غييييييييييير
اسف على الاطاله وانتظر ردودكم|3|