السلام عليكم ... في البدايه انا تخصصي اداره عامه يعني مالي دخل بمادة القانون مو القصد اني ما ادرسها .. القصد المفروض ما تكون مكثفه بالشكل الموجود في تخصصي وايضا عدم محاسبتنا مثل محاسبة طلاب التخصص انفسهم وياليتهم يحاسبونا على ما نسويه في الاختبارات وكم قصتي مع هذي الماده انا شخصينا مخربها
في المستوى الثالث تنزل لي مادة قانون وهي تعتبر الماده الثانيه من مواد القانون في الخطه الدراسيه في تخصصي في البدايه انزلت لي عند احد الدكاتره المحترمين وكنت بصراحه مو مهتم فيها لان الماده اللي قبل كان عندنا دكتور عربي وكان يوسع الصدر يقول انتم اداره عامه مالكم ومال القانون قلت اجل الشباب كلهم بهالطريقه وحملت الماده واستاهل لعدم اهتمامي ... في المره الثانيه انزلت لي عند احد الدكاتره السعودين الافاضل بقوه وهو دكتور في راسه علم ودراسه وفاهم القانون ولكن مايقدر يوصل المعلومه وغير كذا من النوع اللي يجمع اوراق الطلاب بعد الاختبار النهائي وحطها قدام مروحه اللي تطيح على وجهها ناجح واللي تطيح على ظهرها راسب :D يعني ما يصحح ...
وكنت والله شاد حيلي بس ماتوفقت في هذه المره ايضا وما ادري هو المشكله ان شدت حيلي ماكفت ولا هو اللي ما صحح ... المهم المره الاولى والثانيه مشوها جينا الحين عند المعاناه ... في دراستي لهذه الماده للمره الثالثه انزلت عند نفس الدكتور حق المره الثانيه ... وكان معاي في نفس الشعبه اثنين اعرفهم ( من العيال |3| ) المهم انا قلت هذي المره الثالثه اللي اخذ هالماده فيها خلاص لازم اشد حيلي وحطيت حيلي فيها وكان حظوري شبه كامل ماعدني الا غيابين بس اول يوم في رمضان ويوم قبل الاجازه . اجازة العيد المهم الثنين اللي معاي غياباتهم واجد لدرجة كانوا خايفين من حرمانهم من الماده بسبب كثرة غيابهم ... الاختبار الشهري او منتصف الترم كانت درجاتنا متقاربه وكنت اعلاهم ... في الاختبار النهائي ما ادري كم خذوا او كم أخذت انا لكني كنت راضي عن ادائي في الاختبار على عكسهم ... وجينا عند النتائج للأسف انجحوا وانا حملت الماده |5|
ولم تنتهي المعاناه ودرست الماده للمره الرابعه عند احد الدكاتره العرب وقلت هالمره مابدهاش ماراح ادرس ولا راح احظر لان الدكتور ما يحظر ولاني مالي خلق اساسا اسمع شرح لهذي لماده اللي حفظتها والله حفظ المهم قلت مالي الا اني اغش والله مو من عادتي الغش حتى في الاختبارات اجلس قدام عند الدكتور عشان ما يوسوس لي الشيطان لكن هالمره قلت معلييييش مالي الا كذا المهم كان معاي هالمره خمسه من العيال وجا وقت الاختبار النصفي ( منتصف الترم ) وكان الاختبار من 20 درجه دخلنا واحد ماله دخل في الماده وجلسناه عند الباب حق القاعه اول ما استلم ورقت الاسئله انحاش من القاعه وراح جلس في المطعم وحل الاسئله من الكتاب بالنص وارسلها لنا على التليفون وقوة حل بالنص من الكتاب وواحد مدخل معاه الكتاب وجالس يكتب منه يعني الوضع OK ولما طلعت النتائج درجاتنا كانت كالتالي ... انا .. 10 من 20 :eek: والباقين واحد 9 والثاني 8 والثالث 6 واحد 11 واعلى واحد من الشله 14 هذا والاجوبه بالنص من الكتاب على قولة الدكتور انا ابي شي من برا الكتاب انا مو مقتنع بالكتاب ... طيب ليش تقرره علينا ؟؟؟؟؟؟؟؟؟؟؟؟؟
المهم الاختبار النصفي الثاني نفس الطريقه ونفس النتائج لاتقولون ليش كررتوها وهي مو ناجحه .. اقولك لان مالنا الا هالحل .. المهم والدرجات نفس الشي ومن زين الامور فيه مراقب شطب على ورقت واحد من العيال لانه مسكه وهو فاتح التليفون وجالس يغش والطالب راح للدكتور وصرف الموضوع والدكتور قال خلاص ماعليك بلغي التشطيب اللي على الورقه ...
جينا للإختبار النهائي ... وقلنا مالنا الا هالطريقه نفسها ونحاول نعدل فيها المهم الطالب اللي غش وتشطبت ورقته هو الوحيد اللي نجح :confused: طيب ياحبيبي كلنا نفس الاجابات في الشهري الاول والثاني والنهائي ودرجات متفاوته ؟؟ ونرسب واللي تشطبت ورقته ينجح ؟؟ واذا كلمته يقول لا بد من ثغرات قانونيه في الاجابه ؟؟؟ حبيبي احنا طلاب اداره عامه وش لنا في الثغرات والكلام الفاضي ؟؟؟ والحين ادرسها للمره الخامسه عند الدكتور اللي درسني المره الثانيه والثالثه اللي ما يصحح ومعاي طلاب اللي ماخذ الماده مثلي للمره الخامسه واللي والله العظيم للمره السابعه وكلنا اداره عامه ليش يا ناس ؟؟؟ والله ظلم والله حرام ....
على فكره الدكتور اللي غشينا عنده راح واحد راجع ورقته مو من شلتنا بس على كلامه يقول فيه سؤال حاط عليه خطأ والسبب انه أختصر الاجابه في سطرين بدل ثلاث اسطر والسؤال الثاني خطأ لانه تكلم زياده عن اللزوم تكلم اربعه اسطر بدل ثلاثه |1|
آسف على الاطاله بس من حر مافيني ....
