تجربة مع الايرباج

الايرباق مهم جدا لكن كثير شركات ماتفهم كيف تصمم الايرباق ..
كان في موقع سويد سبيد مقابلة مع مسؤول السلامة في شركة فولفو ..
وكان موجه له سؤال كيف ان سيارات فولفو وهي الاولى بالسلامة مافيها الا اربع ايرباقات بس ؟؟ بينما بعض الشركات الفرنسية مثل رينو وبيجو تحط 14 ايرباق في سيدان صغير ؟؟
هو جاوب بالانجليزي وانا مافهمت الجواب كامل بس فهمت الزبدة ..
قال : كثرة الايرباقات تضر ماتنفع لانها تطلع غازات سامة يمكن تسبب اختناق للاطفال في حالة وجودها بزيادة ..
ولكن فولفو تعتقد انه اذا كان هناك ايرباقين في الامام وايرباق ستارة جانبية فهذا يكفي لان الاهم هو حماية الرأس ..
وقال : قد يسألني احد لماذا اذا فولفو اخترعت الايرباق السفلي اللي يطلع من جانب الكرسي ..
قال : هذا الايرباق لم يصمم لحماية الكتف عند الاصطدام الجانبي كما تعتقد بعض الشركات التي تضعه بسياراتها فأن السائق لن ينحرف الى هذا الحد اذا كان رابط حزام السلامة وحتى اذا كان مو رابط حزام السلامة فالستارة الجانبية تفي بالغرض ..
وانما اخترعت فولفو هذا النظام خصيصا للسيارات المكشوفة لان مافيها سقف تنزل منه الستارة الجانبية ..

لكن للاسف الشركات همها التسويق وليس السلامة وهذي على العكس تماما عند فولفو ..
انتهى كلامه ,,

بالنسبة للايرباق صار لي حادث بالفولفو والله ستر لولا الله ثم الايرباق كان ولد عمي في العناية المركزة لان الحادث كان من جهة اليمين ..
وطبعا كثير سيارات للاسف في اي حادث تطلع كل ايرباقاتها ..
بينما عندي في الفولفو ماطلع الا ايرباق واحد وهو الستارة اليمنى لان حسب ظروف الحادث كان من جهة اليمين بس ولذلك فان باقي الايرباقات مالهم لزمة يطلعون ..

اما بالنسبة للاي بي اس فهو جيد جدا ومهم خاصة عالخطوط الطويلة
بس في الزحمات يضرك ماينفعك ..

السلام عليكم .... انا صاري لي حادثين الاول في جمس 2000 انقلبت فيه قلتين وبعد ما سدمت بالوجه في 3 اشجار ولا طلعت علي الايرباقات مع العلم ان الحزام كان مربوط ....

الثاني في لاندكروزر 99 لمست سيارة شحن بظايع الصفر الصغار لمسه بسيطه وطلعت الايرباقات الحين الحادث مافيه اي شي بس صوت الايرباقات هو اللي حاسني وهو لمسه مع العلم ان اول ما طلعت الاند صار لبوي فيه حادث دخلت الوجهيه كامله لحد الصاجه حقة المكينه ولا طلعت الايرباقات


ورد على الاقتباص اللي فوق الايرباقات طلعت علي بالاند وانا ما كنت رابط الحزام والحزام شد مكانه ...

اليوم صابني حادث والحمد لله لولا الله ثم الايرباق
كان كلام ثاني شوفو الموضوع بالاسف للستزاده

http://www.assayyarat.com/forums/showthread.php?t=77867

صاحب افخم سيارة .... الايرباج هي الوسائد الهوائيه
تجي في وسط الطاره او الدريكسون ... وامام الراكب <<=== اغلب الاحيان

فائدتها تحمي الركاب اللي قدام من انهم يشمعوا في الشباك
طريقه عمله انه لما السياره تصدم صدمه قويه تنتقخ وسادتين هوائيه في الامام
بس

اخواني عطوني وقت بتأكد من المعلومه عن الايرباق وربط الحزام وبرد ان شاء الله تعالى

ممكن اعرف ماهو الايرباق واين مكانه وفائدته وطريقة عمله؟؟ اريد شرح بالتفصيل الله يخليكم

تويوتا اكس ايه

ايرباج السائق والراكب طلعت رغم انه الاحزمه غير مربوطه .... شوف الرد الاول للموضوع

موضوع مميزة لكن نرجو ذكر نوع السيارة ..
شكر لك أخي mash114

الحمدلله نظام الايرباج ما احتاجه بس انا بعاني من مشكله انه ال ABS انا اعاني من مشاكل معاه ما اعرف اسوق فيه يا خي تحس البريك والفرمله تتاخر يعني تحس راح تفرمل بالوقت الضائع وتخبط بلي قدامك في سياره علما انه البريك وال ABS مافيهم اي مشاكل وحتى الكاوشوك جديد بس ما احب اي نظام يتدخل في الفرمله احب اسويها بنفسي ونفس الشي مع نظام التحكم بالتامسك TC

بالنسبة للايرباج ولله الحمد والمنة لم احتج إليه أبداً

أما بالنسبة للـ ABS نظام ممتاز جداً جداً جداً
أستغرب من اللي ما عندهم هذا النظام وشلون يمشون بدونه

تحيااااااااااتي

عزيزي

ولد عمي معه كورولا 2000
وطبعا الكورولا فيها ايرباق للسائق

وصار عليه حادث وتهشمت وجهية السياره
وطلعت الايرباق مع انه ما كان رابط الحزام

صلح السياره وراح يسعر الايرباق

تدورن بكم لقاه ؟؟؟؟




بـ 400 ريال بس

ايه نعم بـ 400 لاكنه ما ركبها يقول ما تسوى

سياره عن سياره تفرق

مشكوور اخوي وليد

تصدق تو اعرف هالمعلومة المهمة

انا افكر ان الحزام شي والايرباق شي اخر

يعطيك العافية

الإير باق ميزة تسويقية ما له دخل بالسلامة

أهم شي الحزام

عزيزي super gl-e

العديد من انظمة الايرباق تكون مرتبطه مع حزام الامان يعني اذا كان الحزام ليس مركب فهنا لايظهر الايرباق حتى لو تهشمت السياره

ماعدا المرسيدس هي الوحيده اللتي تظهر ايرباقاتها حتى ولو كان الحزام غير مركب


وبلنسبه للفائده فقبل سنه ونصف تقريبا تعرض احد اصدقائي لحادث وجه بوجه على خط النعيريه وكانت سيارته ماكسيما

والحمدلله لولا الله ثم الايرباق لكانت الامور اسوأ بكثير

ماجنا Ei

صار حادث علينا في نفق والله من صبه في الثانيه

ولا طلع شي لا عند اللي يسوق ولا عندي

ما ادري ليش؟؟

عموما الله يحفظنا ويحفظكم

والله يستر

كنا واقفين فوق أحد الجسور منتظرين تخضر الإشارة، وكانت تخضر وتحمر بسرعة على مسافة قصيرة :mad: ، ونحن نهدئ للوقوف، صدمتني سيارة أجرة من الخلف أصح ما يقال فيه "لمسة" :rolleyes: وإذا بأكياس الهواء تنتفخ علينا وتكسر الزجاج الأمامي فقط من لمسة |10|، وخرجنا وإذا السيارتان حيث كانت اللمسة سليمتان، وكان أخي السائق ومعه الوالدة وأختي حفظ الله الجميع.

وجاء المرور والخطأ علي سيارة أجرة، لكن حيث أن السيارة سليمة (عدا الأكياس التى انفتحت والزجاج الأمامي الذى انكسر) وبكي الهندي فعفا عنه أخي |5| بباله حسبة إصلاحها بسيطة وحب يمشى لأن الوالدة وأختي معه وذاهب لإحضار أخت أخرى، وقال لله العفو (يعنى الحمد لله والأجر عليه).

ولما رحنا نصلح الأكياس، تفاجأنا أنها حسبة آلاف :mad: فاكتفى بالزجاج.

السيارة: شفروليه "ماليبو" لو تقول على الشفروليه (من تجربة) كلها جيدة ستقول إلا هذه، سيارة تصميمياً خايسة.

وحفظ الله الجميع.