قناة السيارات
مسسسسساء الخير ؛؛؛
ياخواني انا حجزت كامري جي ال اي 2006 بس الى الحين ماحددت اخذ قير عادي ولا اتوماتيك ناس تقول العادي افضل واللي يقول اتوماتيك الكامري سيئ جدا وعزمه تعبان مما تسبب لي في حيرة كبيرة مع اني ابغى الاتوماتيك صراحة فياليت كل من جربه يعطينا انطباعه عنه شاكرا لكم تعاونكم...............
لدي كامري جي إل 2004 فل أوبشن جير أوتوماتيك
وبصراحة ماشاء الله تبارك الله السيارة رائعة مرة
والجير الأوتو مرة مريح وقوي
وجربته في أماكن كثيرة سهول ومرتفعات وماشاء الله عليه جدا ممتاز
والي يقولك ضعيف بدون مايجربه ما تصدقه لأن التجربة خير برهان وأنا مجربه وفعلا قوي وممتاز ولايغرك كلام العامية لما يقولو الأوتوماتيك ضعيف هذا كلام شريطية ما يفهموا بالسيارات غير القديم وعقولهم متحجرة وأثرية من عصر السيارات ما قبل التاريخ
خذ الأوتو وراح تدعيلي
التعديل الأخير تم بواسطة mrk ; 21-11-2005 الساعة 01:34 PM
شوف أخوي
أنا شخصيا جربت قيادة كامري قير أتو وقير عادي 2005
وبالنسبة للقير الاوتو: مريح وجيد ولايوجد أي خلل به.
والقير العادي: أقوى من الاوتو (الشئ هذا معروف في كل السيارات ان القير العادي أقوى من الاوتو من ناحية العزم) ولكن مانقول انه الاوتو ضعيف.
ومرة حصلي موقف يوم كانت معي الاوتو كنت اطارح مع كامري قير عادي والنتيجة معروفة <طرحني
ولكن انصحك بالاوتو لأنه مريح وانت تبي سيارة توصلك أماكن مو تبي تشارك في سباقات فورملا1 وإلا جي تي وتوكل على الله وخلك على نيتك
بالتوفيق..........
عزمه معقول لكنه اقل من القير العادي
و ان شاء الله ما فيه مشاكل .. اعرف واحد معه 2003 ماشيه حول
70 الف و ما شاف الا منها الا كل خير
و بالتوفيق ان شاء الله
السلام عليكم
اذا كانك تبي الراحة والهدوء خذ اوتوماتيك
وكانك راعي قومات الافضل العادي
ولي واحد من الاخوياء معة كامري 2003 اتوماتيك بس يقول تصرف
وعزمة مو ذاك القوة لاني تقاومت انا وياه انا معي سوناتا 2004 انا عادي متعادلين
والسوناتا الشكل القديم اضعف من الكامري الشكل الجديد
تحياتي
كلامك يكفي يالغالي وصراحة عزمتني عليه................المشاركة الأصلية كتبت بواسطة mrk
الكامري تصرف!!!!!!!
ضرفيتها أحسن من الأكورد 4سلندر
وبالنسبة للقير الاوتو 100% أنا ما جربت العادي بس الاوتو ماهو ضعيف ابداً
كامري 2003 سته سلندر قير اوتوماتيك
ماشيه الان80 ألف مافيها الا العافيه شكل عام الا وجود صوت لما تحطه بـ R وترجع وهذا معروف بجميع الموديلات من 2003 وحتى 2006
ومن ناحية الصرفيه على حسب الدوسه
والنصيحة اخذ اوتوماتيك اريح
