عربنا الطوارق...عندي استفسارات لملاكها و للخبراء (خصوصا اهل دبي)

الوكيل في الامارات :
في دبي النابوده للسيارات و هي شركه محترمه(صحيح ان صاحبها هندي لكنه راهي)
اما في بوظبي ما اعرفه لكن اعتقد علي و اخوانه ما اعرف و اولاده

بس انا سألت ولد عمي عنده طوارق 2004 يقولي حرارتها ترتفع بسرعه
هل ها الكلام صحيح و لا لا

سلاااااااااااااااااااااااااااااااااااااااام ياأصحاب الطوارق أنا عندي طوارق فل أبشن أبيض من الداخل جملللللللللللللللللللللي وأقولها بقوة لأنة أطلق لون ومميز والسيارة قمة في الأداء وقمة في الجمال وخاصة اذا طليت أسفل السيارة بنفس اللون وقمت بتحدي مع باترول ولاندكروزر في نادي التطعيس في جدة ولا قدروا على الطوارق ويكفيك أنها تم إختبارها في صحراء قبيلة الطوارق في مروتانيا وعشان نجحت نجاح باهر سموها بإسم القبيلة ..... ولا تنسى مع الطوارق بانت الفوارق....

اخوي دحومي مشكور على تصحيح المعلومة :) .

اخوي Touareg اشكرك كثير على المعلومات القيمة .

بالمناسبة انا سعودي من الرياض مو اماراتي بس القصة و ما فيها ان من زمان و انا و اخواني خاقين مع الطوارق :) .

و ما منعنا من شرائه من الرياض الا المشاكل الي انت ذكرتها و الوكيل الزفت .

فلما احتجنا سيارة في الامارات (لزوم العطلات و اشغال الوالد هناك) كانت الطوارق هي الخيار الاول .

انا من اول وانا معجب بالطوارق بس بعد كلامك هذا ما ادري وش بيصبرني الا عطلة الحج علشان اروح اشوفها .

مبروووووووووووووووووووووووووووووك..........والله وزادو ربعنا

يعطيكم خيرها ويكفيكم شرهاااااااااا

والله ورين ما شريت.........الفل أوبشن تحفه....بس بحكم إني في السعوديه أخذت الفئه الوسط اللي بـــ 165000 (2005)رس.....لأن النافيقيشن اللي فيه ما له داعي عندنا والجنط الــــ 19 بهذله عندنا إلين تحصل لك كفرات...والهيدروليك لو صار فيه شي أبتلشت فيه........لكن إنت في الإمارات ولا عندك مشكله.....

بالنسبه للأحصنه.....فهي نفسها....في الــــ 2005 والــ 2006 بواقع 241 حصان......حصان ينطح حصان

وبالنسبه للقومه...فيه في القير وضع الـــ D وهذا الوضع الإقتصادي اللي يوفر لك في البنزين بحيث إنه يغير من ترس إلى ترس لما توصل دورات ا لمحرك 2000 RPM. لكن إذا تبي أداء رياضي عندك وضع الــــ S وهذا نوعا ما قومته معقوله خاصة على سياره بهذا الوزن....بالمناسبه تري وزنه 2350 كيلوغرام يعني مثل الجبل....لكن أداءه ممتاز

وش عليك يا عم....إبسط وستاااااااانس مع الطوارق لااااا وفي الإمارات بعد....(ما شاء الله):D

يالمناسبه...اللون الداخلي اللي تسميه باللون البنى....ترى إسمه اللون الجملي...تسألني ليه أقول لك مدري بس هذا اللون مش موجود إلا في الفئه اللي معك اللي هي الفل أوبشن....حتى الــ 8 سلندر مش موجود فيه....وموجود أيضا في البورش كايين

يا أخي يكفيك الكونسل الداخلي في الليل...الأحمر مغ الأزرق......جو ساااااحر ورومنسي....كأنك في كابينة بوينق


السياره عليها ثباااااات رهيب...من واقع تجربه شخصيه





بالتوفيق

الله يعطيك من خيره ويكفيك شره
190غالي علي انا حدي 160 الى 170 بالكثييير


معليش تعليق بسيط :
تقول الانفنتي دفع امامي
وهي دفع رباعي اوتوماتيكي يعني دفع رباعي الين سرعة تسعين على ما اعتقد وبعدين يصير خلفي

تحياتي :)

الف شكر اخوي M3-POWER على المعلومات بس بالنسبة للمقارنة مع الانفينتي شي طبيعي ان الانفينيتي تقوم عليها لانها دفع امامي و اخف لاكن الدفع الامامي له عيوب كثيرة .

اخوي دحومي مشكور على مرورك...و بالنسبة لسؤالك انا اخذته فل اوبشن(يعني فيه هيدروليك و جنوط 19 و تشغيل بدون مفتاح و شاشة و غيرها) بس ناقصه كاميرا خلفية (هذي جديدة في 2006) ب190 الف درهم اماراتي و مع الكاميرا تزيد يمكن 5 الاف .

في الرياض سألت ساماكو قالي 211 الف ريال مواصفات كاملة .

مبروووووووووووك
ما شاء الله اختيار موفق
بس بكم خذته لاني افكر في واحد
وهل فيه افضل منه في السته سلندر؟؟؟

تحياتي :)