استفسارات عن Jaguar

im_ali @user_23966 · 07-11-2005

السلام عليكم و رحمة الله و بركاته
انا ناوي اشتري سيارة Jaguar x-type مستعملة موديل 2002، V6 و 3.0 لتر ..... السيارة نظيفة و ممشاها قليل
هل هذا النوع له مشاكل؟ و كيف أسعار قطع الغيار (غالية رخيصة .. )؟ و الوكالة كيف مستوى خدماتهم؟ و أهم شي المكيف هل يبرد زين بالصيف؟ و بشكل عام السيارة يعتمد عليها ولاّ لا؟
أتمنى من اللي عنده معلومات يشاركني فيها

و شكراً لكم |3|

im_ali @user_23966 صاحب الموضوع · 09-11-2005

شكراً لكم أخواني مدمن أسهم و clk_200، أنا الحين صرفت نظري عن هالسيارة و بأشوف غيرها.
و يا رب انك تلقى السيارة المناسبة ياخوي مدمن أسهم.
شكراً لكم مرة ثانية :)

B R A B U S @user_18993 · 08-11-2005

السلام عليكم ورحمة الله وبركاته

والله اخوي مدمن اسهم حاولت اني ادز لك على البرايفت بس ما يصير

المهم اخوي عليك بالمرسيدس وخصوصاً فئة S500 ما عليها اي كلام

وكذلك اخوي العزيز im_ali اذا تحس انه راح السيارة تتعبك ما انصحك

تاخذها فكر في سيارة ثانية ترى حتى في البحرين الجاكور الغيار

حقته جداً مرتفعه والوكالة ما عليها كلام حدث ولا حرج الي عنده جاكور

في البحرين ويخترب يبكي من الصوبين من الغيار والوكالة ...

اخويكم

clk_200

مدمن أسهم @user_23880 · 08-11-2005

موديلها 2001 لكن ما عليها الا 60 الف بس ومن عند الخمسين الف بدأت تظهر المشاكل, اول ما تصلح شي يخرب شي ثاني..

اما قاعدة الفورد ما ادري عنها الحقيقة, لكن اذكر مقولة فورد نفسه لما سألوه ليش انتم سياراتكم دائما تخرب وفيها مشاكل؟ رد وقال Remember, we're not making cars, we're making money

أي نحن لا نصنع السيارات, لكننا نصنع المال

عموما ما اعتقد تعمل فرق.. والله اعلم

im_ali @user_23966 صاحب الموضوع · 07-11-2005

أخوي مدمن أسهم شكررررررراً لك على الرد
ممكن أعرف كم موديل سيارتك و متى بدأت تظهر المشاكل (بعد كم من الوقت + بعد كم كيلو) تقريباً

سبق و قريت انه الـ x-type مبنية على قاعدة من فورد، انا ما فهمت الموضوع لكن هل هذا الشيء ساعد في تحسين جودة السيارة؟

مدمن أسهم @user_23880 · 07-11-2005

والله انا عندي جاكوار فئة S ثمانية سلندر وتعتبر نظيفة وممشاها قليل

واول الأيام ماشية زي الفل ولا فيها اي مشكلة..

لكن اذا بدأت الخرابات الله يعينك..

فبعدها بدأت الخرابات واحدة تلو الأخرى.. القزازة خربت وديتها للوكالة وصلحتها بالف وتسع مائة ريال..

اول ما طلعتها, بعد كم ساعة القزازة الثانية خربت...

والآن بدأت مشاكل الرديتر...

الوكالة حرامية ومن اسوأ الوكالات على الاطلاق... والمشكلة القطع (غالية ) ما تحصلها في اي مكان غير الوكالة ( وكالة السيف )

المكيف معقول جدا..

ما اتوقع انه ممكن نقول عنها انها سيارة "يعتمد عليها"

انا عن نفسي ببيعها واشتري مرسيدس او بي ام او لكزس وحاولت اطرح موضوع اشوف الآراء حول أفضل هذه السيارات وبمعايير حددتها في الموضوع لكن ما طلع الموضوع لسبب أجهله ليت احد يرسل لي برايفت ويقول لي عن السبب لاني فعلا احتاج المشورة