اصحاب الهوندا الي في الرياض

medoalon @user_5796 · 05-10-2005

مساكم الله بالخير جميعا
الشهر عليكم مبارك الله يتقبل صيامكم وقيامكم والله يعيدة علينا بالخير.
اصحاب الهوندات المتواجدين في منطقة الرياض وحابين يضبطون سياراتهم ويزودونها بالاكسسوارات متميزة وجديدة ، فيه محل جديد تخصصة فقط في اكسسوارات الهوندا ، وعندة اشياء ماتحصلها في اي مكان بالسعودية ، يكفيك انك تحصل كل شي للهوندا في محل واحد بدل ما تلف الغرابي محل محل ويمكن ما تحصل الي تبي ، وعندهم امكانيات ضخمة ونشاطهم مايقتصر على الاكسسوارات بس ، بتحصل عندهم تنجيد تلبيس حتى تقدر تغير لون السيارة من داخل بالكامل ، وتخشيبهم رهييب زي الوكالة ويخشبون لك وانت واقف مايحتاج تحط السيارة عندهم كذا يوم.
الي حاب يعرف زيادة عن المحل يدخل موقعهم الالكتروني
www.honda-sa.com

me&u @user_25691 · 29-12-2005

الله يعطيك العافيه

MoOoNcOm @user_23640 · 28-12-2005

بعد ماشفت موقعهم على النت ... قلت هذا وبس .. هذا اللي بيغطي على الغرابي ..

يموم شفتة على ارض الواقع ودخلت داخل واشوف البضاعة ... استحيت على وجهي وطلعت ...!

موظف واحد ... !! يبيع ويشتري ويشتغل !!!اغلب اللي فية تجاري !!!!

كوكو الصغير @user_21361 · 11-11-2005

طيب ياشباب محد يعرف محل عندو اكسسوارات للسيفيك 2000 الى 2003

اكورد 2006 @user_23106 · 11-11-2005

اخوي بضاعته
موجودة في السوق
منذ قرابه العام او اكثر تقريبا
منتشره لدى جميع محلات الزينة في ك 2 .....

يعني بالعربي لايوجد لدى المحل شي جديد يفرق عنه عن باقس السوق.....

ازيد على كلام الاخ ميدو (( وبسعر اقل وجوده افضل ))

M O A Y A D @user_15565 · 10-11-2005

m

medoalon

الكشافات 350 ريال (اذا تبي ترهيم يرهمون واذا تبي صدام يركبون لك صدام).
مقدمة مميزة (شبك كبير مميز ، صدام ، كبوس) بـ 1400 ريال مع الرش والتركيب.
.

في جدة كل المحلات تركب الكشافات ترهيم 300 ريال

واذا تبي الصدام الماليزي

800 ريال مع الكشافات وعليك الرش ومايكلفك الرش 200 بالكثير

m

medoalon

وبالنسبة للقطع في محل قوة الاحلام فانها كلها ذات جودة عالية بغض النظر عن صناعتها ، بتحصل عندة قطع الغيار الاصلية الي بطبيعتها غالية وفية عندة التجاري الرخيص بس بجودة عالية وبضمان ، والمحل عندة برضة قطع غيار ارخص من الوكالة.

اخوي بضاعته
موجودة في السوق
منذ قرابه العام او اكثر تقريبا
منتشره لدى جميع محلات الزينة في ك 2 .....

يعني بالعربي لايوجد لدى المحل شي جديد يفرق عنه عن باقس السوق.....

medoalon @user_5796 صاحب الموضوع · 10-11-2005

السلام عليكم ورحمة الله
آسف ياجماعة على التأخير بالرد ، اخوكم عليمي ماعرفت ادخل على الموضوع مرة ثانية :)
بالنسبة لاسعار محل قوة الاحلام فانها معقولة جدا وقد تكون ارخص من السوق اذا هي موجودة وهي كالتالي:
شمعات أمامية بعدسة 1100 ريال مع التركيب.
الجنوط بـ 1400 ريال ، ومع الكفرات (كفرات دانلوب) بـ 2300 ريال بدون ما يأخذون كفراتكم (تقدرون تبيعون الكفرات بـ 400 بالميت).
المرايا الجانبية 1500 ريال مع الرش والتركيب.
الكشافات 350 ريال (اذا تبي ترهيم يرهمون واذا تبي صدام يركبون لك صدام).
مقدمة مميزة (شبك كبير مميز ، صدام ، كبوس) بـ 1400 ريال مع الرش والتركيب.
مقياس درجة الحرارة الخارجية 700 ريال مع التركيب.
المرآة الوسطى 700 ريال مع التركيب.
الزينون الماني والشمعات الماني ضمان سنة بـ 1350 ريال (يوجد انواع ثانية من الزينون ارخص وبضمان ).
شرايح الليد (LED) بـ 2000 ريال سطبات كاملة داخلها شرائح ليد جاهزة مصلحة على بورد كمبيوتر نفس حقت الفياقرا الشد بلد.
التخشيب الرش ممتاز نفس تخشيب الشد بلد:
تخشيب كامل مع الدركسون بـ 850 ريال (ضمان 5 سنوات).
تخشيب كامل مع الدركسون مع تنجيد الدركسون جلد (نفس دركسون الفل كامل) بـ 1000 ريال (ضمان 5 سنوات).
هذي بعض الاسعار لقوة الاحلام ، رقم التلفون 4453392
وبالنسبة للقطع في محل قوة الاحلام فانها كلها ذات جودة عالية بغض النظر عن صناعتها ، بتحصل عندة قطع الغيار الاصلية الي بطبيعتها غالية وفية عندة التجاري الرخيص بس بجودة عالية وبضمان ، والمحل عندة برضة قطع غيار ارخص من الوكالة.

الـصـقـار @user_12505 · 27-10-2005

يعني مركبه على بورد كمبيوتر اخضر

بدون اسلاك وبدون اي شي

دكتوربكلية الحب @user_12229 · 27-10-2005

هلا الصقار وشلون الشرايح حقتك بالكمبيوتر مع العلم اللي اعرفه ان كل الشرايح زي قطعه فيه الشرائح الصغيره ارجو التوضيح

M.A.M @user_7057 · 26-10-2005

اخوي ملك الاكورد فعلاً المحل رايح فيها:) ويبغى له فترة 5 سنين علشان يتعلمون بالضحايا المساكين :(
لكن وشو الشي اللي ركبته عندهم وكم جلسوا وهم يركبونه ؟؟

تحياتي

الـصـقـار @user_12505 · 25-10-2005

زرت المحل

صراحه

عار على سوق زينة السيارات

مسوي فاهم بكل شي

الزنون يقول الماني ويعطيك ضمان على المحولات بس وهو اصلا كوري 100%
الجنوط ماعنده الا شكل واحد
شرايح الليد (led ) ب 2000 ريال للاصطبات اللي ورا مع العلم انه يسويها على ورق وانا مسويها على بورد كمبيوتر ب 800 ريال مع ضمان بعد
الاصطبات الاماميه مع العدسات ب 2000 ريال وهي تجاريه

والله يبيلهم وزارة التجارة تشيلهم

ملك الأكورد @user_21477 Registered User · 25-10-2005

للمعلوميه انا رحت لقوة الأحلام هذا لقيتهم يمنيه ما يدبون شي بالأكورد والقطع اللي عندهم كلها تقليد وغاليه ومحلهم صغير مره تقريبا 3 في اربعه متر ويطوووووووول اذا جا يركب شي وتوهم يتعلمون هذا من خلال تجربتي لهم وشكرااااااااااا

i-VTEC 2005 @user_12864 · 17-10-2005

يشباب أحد يعرف محل يبيع اكسسوارات حق الهوندا أكورد غير هذا المحل وكل شي عنده متوفر وبأسعار رخيصة ...... تكفون
...
سلام

M O A Y A D @user_15565 · 17-10-2005

من باب توضيح الحقائق.....

C

CAMRY2K

أخي الكريم الموقع المذكور زرت مقره في شارع الأمير ماجد وللأسف معظم اللي عنده تجاري ويقول أنه أصلي !! مثل الجنوط بالكفرات طقم 2500 ريال وهذا قمة التجاري ،، والزينون يقول إنه ألماني أصلي بـ 1350 ريال لكن يوم شفته اتضح أن المحولات ألماني واللمبات كورية مع العلم أن بالغرابي نفسه بالضبط بـ 1100 ريال ،، الحاجة الأصلية اللي شفتها عنده مسجل كاسيت للاكورد بـ 1350 ريال مع العلم أن سعره في الإنترنت 700 ريال !! والعامل اللي فيه يمني وسألته عن علاقتهم بوكيل هوندا قالوا مالهم أي علاقة !!

على العموم المحل واضح أنه يستغفل أصحاب الهوندا ويوهمهم بأن جميع الإكسسورات لديه أصلية ،، وهذا غير صحيح ،، بعضها أصلي والأغلبية تجاري ،،

مع تحياتي

CAMRY2K

هذا والله اعلم...

M O A Y A D @user_15565 · 13-10-2005

لظاهر ان اصحاب المحل عندهم مرض اسمه الف و.....

ويش هذا كل شي بالف وحاجة.....

يا فرحة ما تمت......

الظاهر ان كيلو 2 بالنسبة له ممتاز......

اكورد 2006 @user_23106 · 13-10-2005

انا عندي اكورد 2006 طيس كلمت علية اساله عن الجنوط (( لاني ابغى اركب جنوط 2006 )) قالي مع الرجيع يقصد جنوط سيارتي بــ 2700 ريال هذا على كلامه مع الرجيع على كذا بدون الرجيع بكم بيصير؟؟؟؟؟؟؟؟؟!!!!!!!!!!!!!!!!!! هذا جنان موب بيع فسكرت علطول حتى ماتجيني حالة نفسيه من اسعاره

ودمتم

M.A.M @user_7057 · 09-10-2005

ياشباب رحت للمحل وصراحة اسعاره نااااااااااار
تخيلوا مقياس درجة الحرارة الخارجية سعره ب 1400 مع التركيب .. للاسف نسيت اسأل عن سعره بدون التركيب مع العلم ان اغلى سعر لها على الانترنت ب 103$ يعني ب 387 ريال يعني اغلى ب1013 ريال :mad:
وايضاً المرآة الوسطى اللي تجي بالفل كامل سعرها عنده ب 1500 مع التركيب ونفس الشي ماسألت بدون تركيب
والقير المخشب سعره 350 ويجي معه قفل تقدر تقفله علشان محد ياخذ الموتر :)
وايضاً عنده وطايات اللي عند الارجل وانتم بكرامة سعرها ب 130 وتختلف عن الموجودة في الوكالة ويوجد منها تفصيل ب 80
القير المخشب والوطاية تقدر تقول انها معقولة نوعاً ما اما الباقي اعوذ بالله غالي والله
تحياتي للجميع

الـصـقـار @user_12505 · 08-10-2005

يرهم الكشافات بالصدام ؟؟؟؟؟؟؟؟؟

اذا كان كذلك فلا جديد في هذا المحل ...

اتوقع ان الاخ كاتب الموضوع مجرد معلن

M.A.M @user_7057 · 08-10-2005

اخوي دكتور بكلية الحب .. متى رحت للمحل الساعة كم لاني ناوي اروح بس اخاف احصله مسكر وانت عارف الرياض كبيرة ومشاويرها طويلة ومالها داعي مشوار ويصير مسكر وللاسف اني دقيت على تلفون المحل الموجود بالموقع ولكن لاحياة لمن تنادي مايرد احد في اي وقت ادق مايرد احد ماادري وش السالفة يمكن الرقم فيه غلط ولا ان المحل ناسين يركبون تلفون :)
اخونا صاحب الموضوع انت حطيت الموضوع وهو مشاركتك الوحيدة وبعدين ماشفنا الا غبارك :)
نتمنى تفيدنا باوقات دوام المحل وهل عندهم ورشة خاصة للتركيب ولا بس يبيعون القطع بدون تركيب ؟؟
تحياتي

دكتوربكلية الحب @user_12229 · 08-10-2005

السلام عليكم ياشباب
رحت للمحل لاكن اسعاااااره مبالغ فيها لابعد الحدود على سبيل المثال يبيع العدسات على 1600ريال وانا قد شريتها على 1000ريال عنده الجنوط ب2500 وفي الغرابي ب1500 عنده المريات حقت 2005 ب2600 يعني بصراحه المحل غالي
بس ملاحظه سالتهعن سعر الكشافات اللي يرهم لها بالصدام يقول ب350 بعد الطقاق يعني معقولة اتمنى اني افدتكم وبالنسبه لموقعه طريق خريص اذا جاك وكاله نيسان وهوندا على اليمين وانت بالخدمه رح يمين مع الاشاره ابتل قدام الين يجيك حرف تي بعدها رح يمين وسو يوتيرن مع الاشاره يسار ابتل يجيك المحل على اليمين اسمه قوة الاحلام
مع تحياتي
دكتوربكلية الحب