صراحة كرهت موتري

طبعاً تقدر تحولها بخاخ لاكن راح تكلفك كثير

أشكركم شباب على التفاعل

لكن بغيت أعرف هل أقدر احولها بخاخات

وما قصرتوا

:D ايه اخوي كلامك على العين والراس (( لما تقارن محرك اقل من 2 لتر مع 3 او 4 لتر أكيد فيه فرق في التسارع )) بس اللي فهمته منك انه اي محرك اقل من 2 لتر يجد صعوبه للوصول للأ 160 ..... يعني انا سيارتي 1.6 وتماتيك وانا مجربها كم مره .... توصل للـ 160 كم في اقل من 1500 متر تقريبا ......
بس الرجال يقول انه يكون داعس للاخر لمسافة 30 كم وبعدها توصل للـ 160 وبصعوبه ..... يعني الامر مش طبيعي جدا ؟؟

اخوي الكوكو إذا السيارة عندك اوتوماتيك طبيعي تستهلك بنزين بسبب إرتفاع صوت المحرك
لان القير اربع تعشيقات مو مرتاحه المكينة
اما إذا كان القير عايدي وتستهلك بنزين على خط طويل فاالمشكله عندك في الكربريتر
اسئل مجرب
|3| ودمتم سالمين|3|

أخوي دور فتو...

أنا لم أقصد السرعة القصوى... إنما الوقت المستغرق لزيادة السرعة...

السيارات ذوات المحركات تحت الـ2 لتر تحتاج لوقت طويل نسبيا لزيادة السرعة (120 - 160)... ودعس جامد.... لذلك يلحظ عليهم زيادة صرفية البنزين في هذه السرعات...

لكن قد يكون الأمر مع الأخ (الكوكو) اسوأ من الطبيعي... لذلك فالسيارة كما يبدو محتاجة لصيانة

ل1.3تر مشكلتها عزمها ضعيف لكن اعتقد ان عندك مشكله ثانيه اتوقع انك تحتاج تصفيه لكن في طريقه ثانيه جرب بخاخ تنظيف الكربريتر من نوع ac delcoطبعا الرغوة ان شالله بتلاحظ الفرق انا عندي مشكلة ضعف محرك سيارتي الكورولا ل1.3تركربريتر لقيت لها محركين محرك تيرسل ل1.5تركربريتر وهذا يركب من غير اي تعديل والثاني ل1.6تر كربريتر ايضا المشكله يبيله تغييرالقير والعكوس وكراسي المكينه او تغيير الداير للقير مع كراسي المكينه كلهم قطعهم صعب تلقاها بالسعوديه والبحرين لكن مدري هل متوفرة بالامارات ولا لا الله يسهل عموما جرب منظف الكربريتر وعطنا النتايج سواء سلبيه او ايجابيه اخوك.

:confused: لا أخوي مب شرط انه اي سياره تحت الـ 2 لتر يكون فيها هالامر شيء طبيعي ؟؟ صحيح انه العزم قليل جدا (( 18 نيوتن\متر وأقل )) بس مب معناتها انها ضعيفه ..
سيارتي 1.6 وتماتيك وتوصل 180 كم
عندك الكورولا الجديده الـ 1.8 ناس كثير اسمع منهم انها تتعدى الـ 220 بكل سهوله
الصني الـ 1.8 توصل للـ 200 عادي


:) انا من رايي تسوي فحص لسيارتك لانه المفروض انها على الاقل تجيب الـ 160
إلا ماقلت لنا كم حجم المحرك عندك

اعتقد أن البطء في الخطوط السريعة شيء طبيعي في المحركات الصغير جدا (أقل من 2 لتر).... لان مقاومة الهواء تزيد بعد الـ 120... والتورك (العزم) يكون ضعيف جدا في هذه المحركات...

لكن مو مشكلة إذا عملت فحص للسيارة... ممكن الحالة تتحسن...

تحياتي،،

السلام عليكم

السيارة تحتاج الي تصفية كاملة وتشييك الكربريتر

يعني تغيير بواجي وفلاتر الهوي وفحص اسلاك ا لبواجي وفحص الكربريتر وتغيير فلتر البنزين وان شاء الله تضبط معاك

انصحك توديها الوكاله هم اخبر ياخذون زيادة ويضبطونها ولا تروح عند محل يخليك حقل تجارب

وخبرنا بالي يصير معاك

في البداية شكراً لك على هذا السؤال ، فهذه المشكلة حتى أنا أعاني منها في سيارتي، ونتمنى من أهل الخبرة الفائدة


وإن كنت لست من أهل الخبرة في هذا المجال ، ولا من أهل الفن، لكن خذ رأيي على سبيل الاستفهام

واسأل عنه .


أنا عندي السيارة صوتها يرتفع لما أدوس بنزين ، وهي تتحرك ببطء، حتى قالي لي أحد الإخوة بأن المشكلة

تكمن في الكلتش، فعندما يكون صوت السيارة مرتفع وتشعر أنها ما تتحرك مقارنة بالصوت ، اعرف أن المشكلة من الكلتش.

بس تبقى المشكلة أن سيارتي جير توماتيك.


سيارتي اتعبتني بترول وهي بطيئة.


أقل لك شيء آخر حصل لي في السيارة ، يمكن يكون أيضاً عندك في السيارة .

في حاجة يسمونها عندنا هنا في قطر ( طرنبه ) يعني حق البترول، لأن سيارتي وقفت علي في الشارع، وتحجرت علي دعسة البنزين ، أحس البنزين تحت رجلي مثل الحجر ، وأحياناً يهوي وأنا أشغل السيارة، وتطفى السيارة وأنا داعس.

االمهم ان المهندس البنغالي قال بأن المشكلة من الطرنبه ، والله أعلم .


شيء أخير أذكرك به:

من المعروف أن الكورولا ما تشرب بترول كثير، وهنا ربما تكون المشكلة من الكربريتر .

لكني أنصحك بترك هذا الاحتمال هو الأخير ؛ لأن الكربريتر لا يُنصح بفتحه ، وإذا اضطريت لفتحه فعند مهندس خبير بالكاربريترات .

إن شاء الله أكون قد وصلت لك معلومات عامة ، وإن كان كلامي كثير|3|