بسم الله الرحمن الرحيم
مساكم الله بالخير جميعا
الحب وما ادراك ما الحب
من يوم ما شفت الاكورد (هنادي) وانا طايح بحبها
شكل جذاب , وداخلية اكثر جذابة
فخامة معقولة على فئتها .. وروعة الاداء
مرت الايام ومرت واقنعنا الشايب
توجهت لمعرض هوندا الي بشارع التحلية
وانا كنت حاط ببالي الاكورد 6 سلندر
لون لؤلؤي وفل اوبشن
جلست مع الموظف ( محمدالعنزي)
شربنا الشاهي وسولفنا
قلت له تسمح لي القي نظرة اخيرة على الاكورد
قل خذ راحتك
جلست فيها .. وكالعادة دق القلب من جديد
بس فجأة ..
لمحت (الليجند) جمبها
وقفتها كانت مميزة وله هيبة غير مسبوقة
درت راسي وقلت يا طارق تعوذ من الشيطان
شوي الا لقيت نفسي غصب اطالع فيها
واشتعل القلب من جديد !!
على باب الدعابة والمزح رحت كلمت الموظف
قلت له على كم الليجند
وهنا كانت الصاعقة ..
قالي سعرها ( 105,500)
وعروضنا الصيفية تخولنا ننزل سعرها الى (103,000)
قلت معقولة !!
فرق عن الاكورد ثلاثة الاف ريال فقط !!
رحت وقفت قدام السيارتين
قلت يا اخي يلعن ام الخيانة على هنادي
قالي الموظف ترى ما بقى منها الا حبتين
المعروضة امامك , ووحدة ثانية بمعارض غبيرة وفقط
قلت تبي الصدق .. الموتر فخم
توكل على الله وخلنا ناخذه
----------------------------
هذا الكلام يوم الربوع 25-8
الاسباب كثيرة خلتني احول من الاكورد الى الليجند في اخر لحظة:
1- سعرها معقول لابعد الحدوووووووود
2- السيارة يكفي انها من هوندا عراقة واصالة
3- كشكل خارجي الليجند توحي الى الفخامة + الشبابية
4- مواصفات كثيرة ( جلد + ذاكرة + مكيف خلفي منفصل + طبلون ليزر مميز اكثر من الاكورد ... الخ)
5- داخلية السيارة كلاسيك .. الصراحة الاكورد جذابة اكثر
6- ارى انها مميزة لقلة وجودها في الطريق (الاكورد في كل مكان)
7- شكلها الجديد 2006 لم يعجبني (الخارجية) كأنه مازدا زيوس
بالذت وان الشكل الجديد صغير من برة شوي
8- انوار زينون شد بلد وكشافات وشكمانين
9- واسعة لابعد الحدود
10- يعيب الاكورد عدم وجود مكيف خلفي والليجند فيها (تحكم منفصل)
واللون الي اخذته كلحي غامق (تقريبا) وداخلية بيج
11- تحكم كهربائي بالكراسي الخلفية
12- 6 سيدي وكاسيت
13- محركها سعة 3,5
وعلى كلام الموظف
يقول انها راسية اكثر وفيها عزل صوتي متميز
وانا من يومها كنت ابي سيارة رزة وكشخة بنفس الوقت
بشكل عام الليجند تتميز بسمعة طيبة
----------------------
خبر عاجل لعشاق الاكورد : توقعات الموظف 90 %
ان الشكل الجديد ما راح ينزل الا 2007 ( خلفية الليد)
----------------------
دفعت الشيك وجلست محتااااار
يا ترى الي سويته غلط .. ؟
ولا وش السالفة ؟!؟
المهم قلت للموظف متى تبي تخلص
قال السبت انشالله
قلت له طيب خذ 200 ريال زيادة وطلعلي لوح طويلة
قال اجل الاستلام الاحد
قلت اوووووووكيك
--------------------
يله يمكن جيت الخيرة من الله
مشيت وانا اناظر (هنادي) بنظرات حزينة .. احسها تقول ( يا الخاين ! )
اي استفسارت انا حاضر
والود ودي صراحة اني اعرف ارائكم الطيبة في السيارة
وانشالله اول ما استلم الموتر ابنزل موضوع مفصل عنه
صور متنوعة من الانترنت
تحياتي للجميع
اخوكم طارق
