نيسان صني ام اسكودا اوكتافيا A4 ارجوا من الكل المساعدة

اخووووووووي نيسان صني افضل من اسكووودا اوكتافيا ومن الكوريلا لان ولد عمي معه صني 2004 ذهبي 1.6 ماشا الله عليها عزم وفخامة من الداخل ومع كذا مركب جنوط 17 له تقريبا 1 ونصف اوسنتين والله ثم والله انه من يوم طلعها ماغير فيها شي فما بالك بالزينون والسيديات وغيرها لا فحمات ولاقمشات ولا غيرها من الحاجات ذي صني موترررررررررر عليه الكلام من ناحبة الصرفية من قال انها تصرف والله يعبيها 36ريال وتجلس اسبوع مع الدوران وشكررررا انصحك صني احلى سيارة من فائتها وشكرررررررررررررا.....

..

صـــــــــــــــنـــــــــــــــي جيدة .....|3|

لا يااخوي الصني أفضل بمراحل ، انتبه تروح للأوكتافيا !!!
ولو كان كورولا أحسن بعد .

الصني هذا النوع تجي 1,6 وقوة الأحصنة 118 حصان
والفل كامل تجي 1,8 قوة الأحصنه 130 حصان
وهذا الرابط عن الصني صفحتين إن شاء الله يفيدك
http://www.assayyarat.com/forums/showthread.php?t=69731

مشكور اخوي S.A.3 و Kamman علي الافادة الرائعة
واعتمادي علي الله ثم علي الشباب في الاختيار والله الموفق

وجزاكم الله خيرا

هلا اخوي

انا انصحك بالصني

انا عندي صني موديل 2000 اول دفعة

يعني الحين هو وياي 6 سنين

ماعليه كلام زيارة ممتازة بمعنى الكلمة احيانا يتخيل لي انها اريح وافضل من كل السيارات

لانها صغيرة وتسوقها براحة بال في الخط احسن من غيرها اللي من نفس الفئة يعني في الخط مافيها عيب يمكن بس انه العزل يروح بعد 140 كلم

وسيارة تعيش وياك ولا بتشكي منها وهالكلام على ضمانتي

المشاكل اللي صادفتني وياها بس مرة غيرت البطارية ومرة سير الدينمة ومرة العكوس غير القماشات

يعني بالنسبة لغيرها سيارة ممتازة و تعيش وياك ولا بتحتاج لورشة ولا خرابيط اهم شي انك تحافظ عليها

وطبعا الموديل الجديد ممتاز شكله من الخارج حلو جدا انا اليوم شفت صني ابيض موديل جديد بس مركب جنوط صاير مو طبيعي حلو بمعنى الكلمة

من داخل حلوة وترتاح فيها طبعا الياباني كله الكراسي فيه تكون شوي صلبه

بس المشكلة الوحيدة اللي صادفتني هيه العزم فيها شوي ضعيف بس هذي سيارتي المكينا فيها 1.3 و 90 حصان بس بس الجديد اكيد احسن

مع انه العزم سيء كده وانا طبعا تبع قومات وطلعات يعني باقولك قوماتي وانت احكم

انا طلعت قومة ويا كورلا من نفس الفئة وطلعت عليه وطلعت ويا التيما موديل قديم وطلعت عليه

ويمكن ماتصدقني بس انا طلعت ويا كامري 2003 وطلعت عليه هو صحيح المفروض ماطلع عليه بس هو سيارته جديدة وخايف عليها

وبعد طلعت على التيما 2005 اربعة سلندر هذا مو يعني انه الصني احسن من الكامري والالتيما لا بس لانه انا السيارة عندي من زمان وماعندي فرق لو دعست الدعسة وجبت للسيارة الضغط بس هم خايفين على سياراتهم

على العموم انا اللي ابغا اقوله انه السيارة مايعيبها شي وهيه زينة خصوصا داخل المدن

بالنسبة لصرفية البنزين السيارة ماعليها كلام انا اعبيها فل بـ 35 ريال وتستمر معاي اسبوع كامل مع العلم انا عندي مشوار يوميا 40 كيلو رايح جاي

والشي الطيب انه حجمها صغير وتلبق في اي مكان

بس انا ويا اخوي S.A.3 بالنسبة للمساحة من داخل بس افضل من غيرها المساحة تصير ضيقا اذا رجعت الكراسي طبعا هذا الموديل القديم بس الموديل الجديد طبعا على قولتهم ( الصني كبرت )

وللمعلمية السيارة عندي ماشية 130000 تقريبا وانا شاريها تقريبا بـ 40 الف والحين رحت المعارض وقالوا لي ممكن توصل 21 الف اذا نظيفة وواحد ثاني قال في حدود 18 او 17

فأنت ورايك وفي الاخير الامر راجع لك