قناة السيارات
بسم الله الرحمن الرحيم
اخواني الاعزاء اعضاء المنتدى
حبيت اطرح هذا الموضوع لكي انقل لكم خبرتي من واقع تجربة مريرة
بس خليني احكيلكم الحكاية من اولها <<<<<<<<<<<<فاضي هههههههه
انا كان عندي كرسيدا 84 نظيييييييييييييييفة وماشاء الله عليها ماشية زي الحلاوة
ولكن في يوم من الايام حبيت اني اسوي نقلة في حياتي فحبيت اني اغير القزاز العادي بقزاز كهربائي والمفتاح بريموت والطبلون البلاستيك بطبلون خشبي فخم وكراسي جلد ومن دركسيون عادي يكسر ايدك الى دركسيون باور ومن قير عادي 4 غيارات الى قير اوتوماتيك وان امكن تيبترونيك...........
واستمر البحث اليومي لأكثر من اسبوعين
واخيرا وجدت ماكنت ابحث عنه وزيادة وبسعر مغري جدا جدا جدا، وبحالة ممتازة ، وعلى الفور توكلت استخرت وتوكلت على الله ويومين والسيارة صارت باسمي
ايش هي السيار؟؟؟؟؟؟
هيونداي قرانديور
وكانت غلطة
بعد اسبوعين تقريبا صار السيارة مافيها عزم ؟؟؟؟ وديتها الوكالة ( الناغي) قالو والله شوف يابو الشباب هذا يمكن حساس الهوا خربان ويمكن حساس البنزين ويمكن يكون الكمبيوتر؟؟؟؟؟؟ بالله هذا كلام وكالة ولا بنشر؟؟؟
وطلعولي برنت كمبيوتر بانها راح تكلف حوالي 12000 الف ريال
قلت لهم شكرا وماقصرتو واخذتها ولفيت في الصناعية الا ان لقيت ورشة تعرفلها وقعدت عنهم حوالي 3 اسابيع تتصلح وكلفتني اكثر من 2000 ريال
بعد يمكن اسبوع المروحة حقت الرديتر خربت رحت سألت عليها في الوكالة حصلتها ب 700 ريال قلت لهم خليها لكم يمكن تحتاجونها ايام الحر
وركبت لها وحده حقت متسوبيشي من التشليح كلفتني حوالي 250 ريال
قلنا معليش انشالله بتزبط
ومشت كويس ولكن اذا الإشارة قفلت عليك مرتين في الظهر تلاقي المكيف بدا يسخن والحرارة ترررررررررررررررتفع
وتضطر انك تطفي المكيف وتفتح الشبابيك وتمسح وجهك بمناديل.
بعدين في يوم من الايام وانا ماشي بالسيارة ولعت 3 لمبات في الطبلون وهي : الاي بي اس + البريك + التي سي اس
رحت لكهربائي قالي الاي بي اس فيه مشكله وفيوزاته ضربت قلت طيب لو ماصلحته ايش بيصير قال ولا شي.
ومشت حوالي 3 اسابيع بعدين مره وانا ماشي بالليل شميت ريحة شي ينحرق قلت يمكن سير ولا شي (كنت على بعد 150 متر من البيت) اول ماوصلت فتحت الكبوت ايش تتوقعو لقيت ؟؟؟؟؟
نااااااااااااااااااااااااااااااااااااااااااااااااا اااااااااااااااااااااااااار
لقيت اسلاك الاي بي اس مولعة نار وعلى طول جبت مويه وطفيتها
رحت للكهربائي قالي هذا ماس في دائرة الاي بي اس وكويس انك لحقتها وصلحلي الضفيرة ب400 ريال ومشت كويس
لمدة اسبوع بعدين صار المكيف حار رحت لحق المكيفات قال : صديق هدا اولبة (علبة) حق مكيف خربان كما ن هدا بلف مكيف خربان. ممكن فلوس 600 ريال
قلت ياعم بس عبي فريون وخلاص ومشي حالي كذه مره اشغله ومرة استمتع بالهواء العليل حق الساعة 1 ظهرا
واخيرا صرت اسمع صوت من المكينة لما الف الدركسيون واحس انه ثقيل رحت للميكانيكي قال حبيبي عندك البكره والشداد والسير حق الدركسيون خربان ويبغالك تغيرهم
قلت طيب شكرا بس قفل الكبوت معك لو سمحت
وثاني يوم كنت في الحراج والحمد لله بعت السيارة (طبعا خسرت فيها شوية ) لكن الحمد لله خلصت من هم كان منغص عليا حياتي
ووالله بعد مابعت السيارة كنت مبسوط وفرحان كني فزت بلكزس في مسابقة ههههههههه
وانا الان وبكل تقدير اقف احتراما للتويوتا
واقولها راجعلك ووحشتيني وصدقيني مافي احد ثاني (وحتى لوكان مايباخ) راح يفرقنا عن بعض .
ولكن لسه ماستقريت ايش راح اخذ كامري ولا كورولا ولا ايش؟؟
شكرا على حسن استماعكم وانا عارف اني طولت عليكم ولكن والله عشان تاخذو عبرة وعظة ولو حصلتو هيونداي ال3 سيارات ب 10 ريال لا تاخذونها وانتم الكسبانين
مع تحياتي
