قصتي من الماكس الى الاوبل الى الاكورد الى الكامري !!!

اخواني

اتمنى ان يكون الموضوع والتحاور اكثر احترام واكثر جديه

انا عدلت اكثر من مشاركه لاكثر من عضو

لا تجلعونا نستخدم طريقه تعليق العضويات

تحياتي

الله يعينك اخوي التويم على طرحك الموضوع ذا
لان فيه ناس كثيرررر جدا ماراح تفهم اللي انت تقصده
شباب اللي كتب الموضوع ماجاء وشوا مقارنات بين السيارات
او قال هي الافضل من ناحية الجوده والصناعه بس قال على شي واحد اللي هوه
متعه القياده ونحترم رايه لكن انتم اللي تبون اللي في رساكم هو اللي يمشي
ياشباب فيه حريه اختيار فيه حريه للراي اللي يختاره اي واحد فيني واهنئك اخوي
على اختيارك السياره اللتي اعجبتك ووجدت فيها متعه القياده
وفيه مشكله اخرى الواحد بس يشوف انه سيارته اللي يحبها احد يتكلم فيها
خلاص مايكمل قراءة الموضوع ويروح يرد والف الف شكر اخوي على
الموضوع الجميل والتجربه الاكثر من رائعه وانشالله
وجدت الشي اللي تبيه

طيب ما قصرت ن المفروض إنك تقارن الأكورد بكامري XLI مطور ، هذا شي

الشي الثاني ، ما فيه سيارة ما تخلوا من عيوب ، وعن نفسي ضاق صدري أول ما شفت الأكورد بدون لمبات ، وشريتها وهي كذا

كلامك عن السيدي المفوض إنك تقول الكلام هذا للمرسيدس والبي إم والأودي والكابرس واللومينا ووووو ، أتعب وأنا أعدد سيارات ما فيها مسجل الآن ، وأنا أشوف إن هوندا أحسنت في تطوير المسجل على العكس من حال الشركات الأخرى ، بسعر لا يتجاوز 1200 ريال كحد أقصى مع إنك ممكن تلقاه عند غير الوكالة بأقل من السعر هذا ، مهب 4000 ريال اللي مدري من وين جايبها


وسالفة القير ، بصراحة حسيت إنك ما تفهم شوي ، المقصود بجودة قيور هوندا هو تقنية هوندا في صناعة القيور بشكل عام ، مهيب قير بذاته ، ولو كان قير بذاته ما اشتهرت هوندا بجودة القيور ، لأنه شي طبيعي إنه يطلع منتج وتقنية من شركة تتفوق فيه على الشركات الأخرى بدون ما يشتهر

وأنا أشك بصراحة إنك متابع قوي لصناعة السيارات ، لأني أتكلم عن مسلمات وأنت تشكك فيها ، يعني ما أحد يشك في براعة هوندا في الصناعة والتقنية وتفوقها على شركات ضخمة ، وتجي وتشكك في المعلومات هذي ؟؟؟!!!!!!

والله يوفق الجميع

هلا أخوي

أنا أوكي بتقبلها منك عادي


المسجل بـ1200 وأنا سايمه بنفسي وعلية ضمان سنتين وهذي مواصفات السيدي عالمية لية ماخلو في الكومبيوتر شريط؟؟

وثاني شيئ الكومبيوتر كان من قبل فولبي وإلى الآن ولاكن قل إستخدامه مع ضهو السيديات وراح تلاقي السيارات الجاية أقلبها سيدي لوحدة

أكورد وبس

وعليكم السلام ورحمة الله

يجزاك بالخير اخوي على تهنئتك وعلى اسلوبك الرائع والراقي والذي لم يخلو

من شيء من العصبية !!

سيدي الكريم ضع نصب عينيك ان هذي تجاربي الشخصية يعني ماتكلمت الابعد

ماجربت وقعدت فترة لابأس بها هذا اولاوثانيا مادام انك تؤمن بالقناعات الشخصية

هذا شي حلوو وكذا قطعنا نصف المشوار .



يبدو انك ماقرأت الموضوع كاملا عشان كذا جبت لي سالفة القراندي !!!!!!!!!!!

حبيبي انا اتكلم عن gli 4 سلندر اللي هيه معاي الحين واللي متوفر فيها مكان للنظارات وفتحة وabs و abd وجناح وستارة ليست كهربائية طالبها من الشركة .

كذا انتهينا من ردك الاول غير كذا انا ماعملت في موضوعي أي مقارنة ولاجبت سالفة مقارنات بس انتم

الله يهديكم الا تحبون الصراخ !! واللي ذكرته تجارب شخصية وليست مقارنات فهمت يعني مثلا لو قارنا

فعلا بين الاوبل ولاكورد والكامري بكل وضوح بتتفوق الاوبل بكل المقاييس واتمنى انك ترجع للي انكتب

وتفهم السالفة .



كلامك مضبوط بس 2003 مافهاش لمبات سقف بصراحة شي مضحك والا ماانت معايه!!




عزيزي المفروض الشركة تلبي رغبات زبائنها ومن المفترض ان يكون توفير المسجل لطالبيه مجانا

مو يدفعونك 4000 ريال زيادة عشان ربعنا ماتطوروا !!!!!!!!!




ياعزيزي تراني تعبت ومولازم اكرر كلامي 20 مره !!

حكاية الماكسيما وافضليتها كانت في المحركات ذات 6 سلندر والافضلية هذي موجوده بجميع المجلات

وشي معروف بس الهوندا مامر عليه في أي مجلة او دراسة ان قيرها له افضلية معينة – انا اتكلم عن نفسي- وبرضه ارجع وازيد أي قير هو الافضل !! للمعلومية فيه نوعية قير اوتوماتيكية للهوندا ب 3 سرعات .




اقدر اقوولك ان تويوتا معروفة بالذكاء والتطور والتقنية الجيدة العالية المتفانية المتألقة والمتعالية !!


ايش رايك شبعنا من السرد حبيبي ابي حقائق فقط وحكاية الفهم تكلم فيها عن نفسك !!




ههههههههههههههههههه

اسأل أي ثور في هوندا راح يقولك مافيها فلتر والاخ (سيارة ) جاوبنا على الشيء هذا وانتهينا منه !!




عزيزي هذا نقاش كان بيني وبين احد الاخوان


عموما يااخووي العزيز والراائع اكوورد تشكر على ردك

وعلى فكره تراني ماني متعصب ومن ناحية الهوندا مااحب فيها الا الليجند وال NSX وبازيدك من الشعر

بيت لو باخذ غير الكامري راح آخذ ليجند .

الله يخلي لك الهوندا ويعطيك خيرها ويكفيك شرها بس الصووح يبقى صووح


سي يو لاتر




أكـ v4 ـورد


عزيزي آسف ماتوقعت انك زعوول


كأني سمعت سالفة قراندي !!!!

يادب كلامي مش عن القراندي عن ال4 سلندر جي ال آي اللي معاية

تعالي ارسل لي رقمك على الخاص يمكن اتهاوش معاك على الهواء مباشرة

اشوتك على خير


باي




الكاتب

مرحبا وهلا فيك اخوووي

وفيه كذا وااحد بالاسم هذا وان كنت تقصد راعي جده فهو من الاقارب

تقبل تحياتي واحترامي



بايو

مشكور اخوي التويم على الموضوع

مازلت اكرر كلامي الاكورد ارسى من الكامري


وأعذرني على الكلام هذا

أخوي أكورد وبس أنا عندي سياحية الي أعطية مواصفاتها وهو يعطيني مواصفات جراندي شف وش يقارن فية أنا أجيب الفول كامل وقارن معه والله يتعب

تحياتي...

السلام عليكم

حياك الله أخوي والله يبارك لك في سيارتك الجديدة واختيارك موفق والكامري سيارة جيدة

وفيه أشياء ما تصلح للمناقشة لأنها عبارة عن قناعات شخصية لا تحكمها حقائق واقعية ، لأنها تختلف من شخص لآخر ، مثل المتعة في القيادة ، لأن مثل المتعة في القيادة تختلف من شخص لآخر لأن كل واحد له نقاط معينة مهمة في متعة القيادة قد لا تهم شخص آخر

أما بعض الأشياء فتحتاج إلى تنبيه

أولا ، أتصور إنه من الظلم إنك تقارن أكورد سياحي بكامري قراندي ، أكيد بتشوف الكامري أفضل لأنها مخشبة ومكيف الكتروني وفيها لمبات سقف ومكان للنظارات وووو إلى آخرة من مميزات الفل كامل ، لذلك شف الأكورد فل كامل وسو لي مقارنة وتعال قل رأيك

ثانيا ، موديل 2004 من الأكورد فيه لمبات سقف ومكان للنظارات بجميع فئاتها على العكس من الكامري

ثالثا ، السيارة صممت وصنعت بلا مسجل أصلا ، لكن ربعك هنا ما تعودوا على السي دي ، فصجوا الشركة إلين صممت لهم مسجل ممكن يركب ، وش يسوون العالم تطورت وحنا على الشريط إلى الحين :D

رابعا ، القير ، من المعروف إن قير هوندا أفضل قيور العالم ، وهذي المعلومة صحيحة كصحة معلومة أن مكينة الماكس أحد أفضل 10 مكائن بالعالم ، يعني شي قديم ومفروغ منه

وكون إنه أفضل أو من أفضل قيور العالم هذا ما يعني إنه ما يخرب ، ما فيه شي ما يخرب لكن عوامل كثيرة تخيلة متفوق على كثير من القيور منها التحمل

ومسألة الخمس سرعات ما أتوقع إنك تفهم أكثر من هوندا في المجال هذا ، ومعروفة هوندا بأن محركاتها وتقنياتها توصف بالذكاء والتفوق على كثير من تقنيات العالم ، وبصراحة مدري ليش الواحد يحجر نفسه في تقنية قديمة لأنه تعود عليها وما دخل في مزاجه إن 4 سلندر تكون بخمس سرعات ، طبعا لأننا ما نفهم بالأشياء هذي

ومن قال لك إن الأكورد ما فيها فلتر ، يعني سبحان الله غاب عن أذعانهم وانتبهت له أنت .. عجب والله

وفيه تنبيه وهو إنك تقول ليش الليجند بأربع سرعات

أولا الليجند سيارة أقدم من الأكورد ، وعلى وقتها كانت الأكورد بأربع سرعات

ثانيا ، الليجند الجديدة متوفرة بخمس سرعات بدفع رباعي وبقوة 300 حصان حصان ينطح حصان ، فصعب إنك تقارن سيارة قديمة بسيارة جديدة همن تجينا وتقول ليش !!!

- ما زلت أقول وأكرر ، عند المقارنة قارن بين شيئين متماثلين ، يعني لا تقارن قراندي بأكورد سياحي ، ولا تجيب سالفة ليجند قديمة مع الأكورد الجديدة

ردي هذا كان مجرد تصحيح لبعض الأشياء مهب عشان أجبرك على الاقتناع برأيي ، وربما أكون نسيت شي .. فالعذر والسموحة

وبالتوفيق والله يبارك لك في سيارتك

:)

الله يحيك ,,,

مساكم ورد حبايبي



الاسم للبيـع

الله يجزاااك بالخير ياقمر


سيارة


حلوووو برضه ودي اشوفوك :)



S8

آن لي الأوان أن امد قدماااي !

تصدق خليتني أضحك بصوت عالي تعرف ليش اكتشفت انه ممتع كثييييير !


شوف حبيبي من يوم شفت انك حاط أسمك s8 والسيارة في التوقيع بيجوت

مصفي الطبلون وفي ردك ليه تمدح لي ال bmw بعد ذا كله غسلت يدي منك !!

أنت باختصار شديد شخص مخلبط وملخبط وحالتك حالة بس الله يكون في عونك!

تخيل في مقارنة بين كورولا وصني وبريميرا يجي واحد يقول انت غبي الكابرس

افضل منهم كلهم !!!!!!

تعاال وش جاب ابو الـbmw في السالفة ؟؟؟

شوف حبيبي لو باخاطبك بعقليتك باقولك ان افضل وامتع سيارة سقتها هيه

الهوندا NSX واتمنى امنية ان ارى هوندا تقوم بجلبها الى اسواقنا .


ليه طلب بسييط وصغنون وهو انك تجاوب على سؤالك وبعدين راح اوعدك اني

باجاوب عليه ؟

عرف لي الان معنى متعه القيادة في نظرك؟؟

اورافوار

:)



Touring v6

يعطيك العافية اخوي تووورينق ومرورك اسعدني



تحياتي للجميع

تمتم

احسنت الاختيار

اخوك : Touring v6

اخي التويم ....

اول شي عرف لي معنى متعه القيادة ؟

وبعدين انا ادخل مغك في اكثر من 10 نقاشات ومتناقضات في كلامك ....لكن تأكد اني لن اغصبك لان هذا هو رأيك الشخصي البحت :)

عرف لي الان معنى متعه القيادة ؟...وتذكر شعار شركة bmw القمة في متعه القيادة

تحياتي :)

اخوي التويم انا من اهل الرياض ويشرفني لو اني من اهل مــــــــكـــة .



تحياتي ,,,

احسنت الاختيار... والله يعطيك خير السياره ويكفيك شرها...

مساكم ورد والمعذرة على التأخر حبايبي

[color=black]S8
ياهلا فيك اخوي


أكـ v4 ـورد
يامرحبا فيك اخوي .


انا ذكرت ان مافيه سيارة في الكون بدون عيوب وذكرت العيوب الثلاثة االلي انت

ذاكرها وآخر شي تجي وتكرر نفس كلامي يعني ماجبت شي جديد!

والعيب في نظري اذا لم يكن رئيسي فيمكن معالجته باعطيك مثال يابطل ؟

الستارة انا مثلا طلبت ستارة يدوية من عمك عبداللطيف جميل وركبوها ليه

بالمجااان(ببلاش) وشكلها احلى بكثيير من الكهربائية يعني مافيش أي شي اسمه

خراب

والريموت مافيه أي مشاكل بس يبي للشخص اذا كان يستعمله بكثرة يغير

بطارياته كل 3 اشهر واللي مايعرفون له يحسبون انه خرب والمسألة بسيطه

تغيير بطاريات لا اكثر ولا اقل وفكه بثواني وتركيب البطارية كذلك يعني مايحتاج

انك تجيب مفكات والا شخص متخصص .

من ناحية الاكورد انا مااقلت انها سيارة سيئة بس قلت بعد تجربتي لها اشوف ان

الكامري اكثر متعة وان شاء الله انك تفهم كلامي وشوف ياحبيبي انا مجرب

سيارات قد شعر راسك واتمنى انك ماتحكم على شيء الا لما تجربه ولك بعد ذلك

حق الصراخ !!

من ناحية لمبات الاكورد ففي 2003 مافيهاش وانتبهو بعدين وحطو لمبات

قراءة في 2004 ومن ناحية القير بصراحة مافهمت كلامك وش تقصد بالخمس

سرعات الاوتوماتيكي والا العايدي واعتقد انك تقصد الاخير!!!!!!!!!!!!

من ناحية الايرباقين ومانع االانزلاق انا الكامري اللي عندي فيها ايرباقين

ومانع انزلاق ونظام abd اذا كنت تعرفه .

من ناحية الراحة فبصراحة تأكد انك تحب تصارخ كثيير !!!

شوف حبيبي اذا كانت السيارة ارسى فمعنى ذلك الراحة اقل وكل ماكانت السيارة

اريح تكون الرساوة اقل <=== هذي قاعدة حطها براسك لو ركبت سيارة

رياضية مثل البورش والزد بتلقا رساوتها هائلة بس لو تطيح في مطب بتحسه

في ظهرك ! يعني ماتقدر تقول السيارة ارسى واريح في نفس الوقت فهمت

ياثوور آسف ترى امزح معااك ومازلت اكرر كلامي الاكورد ارسى من الكامري

والكامري اريح من الاكورد وهذا كلام محايد بلاش تعصب يابو اكوورد .


ومن ناحية الشهادة ابو 3 سنوات احب اقولك ان الهوندا عندها مليون قير

اوتوماتيكي هناك نوع تلقاه في الستريم يجي تمتيك مع عادي وهناك نوع زي

اللي على الاكورد الجديدة وهناك نوع تلقاه على الليجند ابو 4 سرعات فأي واحد

فيهم خذا الجائزة واحب اقولك اني متابع للمجلات المتخصصة ومامر عليه حكاية

الجائزة هذي فقلت يمكن الهوندا مسوية هذي الجائزة ومقدمتها لنفسهها تييت .

عموما تسلم على مرورك يابطل وبلاش تعصب الاكورد

حلوه بس مو افضل وارسى واريح واحلى J


سيارة

صدقت اخوي لولا اختلاف الازواق لبارت السلغ في الازواق <=== كلام تكروني

وشكرا لشرحك لموضوع الفلتر وبعدين ابي اتذكر وين شركة هوندا بمكه ماني

فاكر , على فكرة مكة عزيزة على قلبي واعرف كل شبر فيها وودي اقابلك

لما اجيها ان شاء الله وش راايك .


سي يو



VIPER LoVeR
الله يعطيك العافية حبيب قلبي وانا حبيت انقل تجربة ورأي شخصي لا اكثر

ولا أقل وإن شاء الله ربي يرزقك بالفايبر قوول آمين بس شوف حبيبي

تراها 10 سلندر عشان كذا افضل ان الله يرزقك ببوورش ابو 6 سلندر

تشكراتي


Holden HRT
هلااخوي ومشكور على رايك الحلو بس من ناحية أمان الماكسيما

أحب أاكد لك إن الامان فيها معقوول جدا واناالماكسيما االلي كانت معايه أكلت فيها

حادث وانا مسرع حوالي 160 ضربني واحد من الخلف وحاصت معاية وضربت

في الصبات اللي على الخط والحمدلله ماحصل ليه شيء واستغربت إن الاضرار

اللي صارت للسيارة مش كبيرة مقارنة بالحادث يعني ماكلفتني الا 8000 بس


يلامااطول عليك ترى مصايبي واجد

تحياتي


TornadO oF DeatH
هلا اخوي ومشكور على مرورك ومن ناحية البغض أنا كنت أكرهها مووت

وماتوقعت انه بيجي يوم واحبها بس صار اللي صار ومن الحب ماقتل J


تحايايا لك

صديق المنتدى

الله يعطيك خير سيارتك ويكفيك شرها أنا معاك إن التجميع الاسترالي له سلبياته

بس تأكد أخوي ان تويوتا يهمهم الجودة قبل كل شي وبعدين صعبة انك تلقى

كل سيارات تويوتا تصنع باليابان مع تزايد الطلب وتزايد الانواع

تحياتي لك



Blackss
يعطيك العافية مرورك جميل وتعليقك رايق يارايق

سي يو

[][/color]

شوف يالغالي انا اليوم الصباح طالع للوكالة اغير زيت وسألت المهندس عنها وقالي ( قيور الهوندا بشكل عام فيها فلتر لكنة ما يتغير , يغير فقط عندما يوظب القير . وعشان نحافظ على نظافة الفلتر لازم نغير الزيت فى وقتة المحدد )


عرفت السبب |361|

F-14

الماكسيما حلوه بصراحة بس من ناحية انك لن تجد امتع منها

فربما لو جربت غيرها لنسيتها بس رأيي إن الشكل القديم

قيادتهااروع من الجديدة لأني جربت الثنتين بس ماننكر ان

صرفيتها مجنونة بصراحة .

تسلم على تعليقك ياعاشق الماكسيما

سي يو


S.TOURING


تانكيو ياقمر سي يو



max977ima


هلا والله ,ياخي اكتشفت انك ذكي ماادري ليش ؟؟؟!!!!


كل اللي انكتب وآخر شي تقول(( وش معنا يعني انك مارتحت لباقي السيارات ))



وبعدين فيه فرق بين الظلم والحقائق !!

ياعزيزي يوم الوااحد يعاني لازم يقول حقيقة معاناته مو يجي لك واحد

يقول انك ظالم !!!

عزيزي باعطيك مثال بسيط !

الاوبل تغيير زيتها ب 118 ريال سعودي + الصرة يبيلها مفك خاص +

تخرب بمجرد فتحها 4 مرات تقريبا + نادر تلقى ورشة تعرف تغير زيتها + ابو الورطة لو عندك سفرة وقالت لك الوكالة

مشغولة اماكن الزيت كلها وش تسوي؟؟اما الكامري ب 35 ريال انتهى كل شي .!!




عرفت الفرق ليس الواحد بعض احيان يرتاح لشي ومايرتاح لشي ثاني!!

كل بعقله راضي

جيب لي واحد ماهو راضي بعقله |590|


تشكراتي لك ماكسيما


CAM 717

هلا اخوي وخذ راحتك وسلم لي على عيال عمك كلهم ولاتخلي ولاواحد :)


صدقني الاختيار ذا ماجا الا بعد مدة ليست بالقصيرة وانا بكل صراحة ماكنت

مقتنع بالكامري حتى اللحظات الاخيرة وأخذت لي 2004 بس مو قراندي تيت


يلا اشوفك


سيارة


يالله يااهل مكة وشعااااابكم وجبالكم قلي وش تعرف عن قير الهوندا

والا اقولك ابيك تجاوبني الهوندا مافيها فلتر لزيت القير الاوتوماتيكي

ليش الشركة عاملة كذا وبعدين كيف الزيت يتصفى فيها ؟؟؟؟

انتظر شعابكم تجاوب



سي يو لاتر


NYC

الله يعافيك اخووووي

وتشكراتي على تعليقك الحلو ياحلو


دم بخير



أسير السيارات


اشكرك على اطراءك وردك الواقعي المتوزان وما اخفيك اني ملت للهوندا فترة

من الزمن بسبب القير الجديد بتاعها بس انا مستغرب ليش ماحطوه بأفخم

طرازاتها اللي هو الليجند ؟؟ انا قلت يمكن انهم راح يجربوه فتره ويشوفون

العيبوب بعد كذا راح يعتمدوه في الطراز الفخم للشركة .

طبعا تعرف ان صرفية الليجند اعلى وماكينتها اكبر 3,5 لتر فهي اولى بالخمس

سرعات من الاكوووورد !!!

نظام التعليق قاسي شوي وهذا يفيد في السرعات والعالية والثبات ولكن على

حساب الراحة وأنا اشوف الراحة أهم .

صدقت اهم شي الراحة النفسية وما ندري ربما ارتاح للهوندا يوما ما !!!

اشكرك على ردك الراقي واسلوب الطرح المتوزان


تحياتي إلك

مساء الورد والكادي المعطر بصراخ بعض الاعضاء !!!

بداية احب انوه انه فيه شيء اسمه الرأي والرأي الاخر وفيه شيء ثاني وهو أنه

يجب أن نؤمن أن الاراء مستحيل تتفق ولولا اختلاف الاذواق لبارت السلع في

الاسوق انا قلت رأي شخصي عن تجربة شخصية ومومعنى ذلك إن رأيي هو

الصح مع اني اشوف ان البعض يدافع عن نوعية معينة من السيارات لا لشيء

بس لأن سيارته من نفس النوع ! ولو فيها مليون عيب .

نرجع لردووووودكم الحلوة .


نواف 1,8

مراحب بالقمر وعجبتني حكاية الكوكو <===== مدلع سيارته:)

شوف حبيبي الكوكو فيها حكاية السهم اللي يعلمك موقع التانكي ولو تطالع بعلامة

البنزين عندك بتلقى تحته سهم صغنطوط يعلمك جهة التانكي , وبعدين ذكرت

هذا الشيء انا لانبه عن اهتمام تويوتا بالتفاصيل الدقيقة وازيدك من الشعر بيت

مكان الاشرطة بالكامري ارضيته مغطاة ببلاستيك مخرم عشان الاشرطة مع

المنعطفات ماتتزحلق وكذلك مكان الاشرطة الامامي ...الخ

الاهتمام بالتفاصيل حلو وانت حلو والكورولا الصاروخ معاك بصراحة حلوه

والله يعطيك خيرها ويكفيك شرها

بايوو

حارش مارش


وظلم ذوي القربي اشد مضاضة !!!

شوف حبيبي من ناحية القير الاوتوماتيكي وش فييييه ؟؟؟؟

ذكرت سبب عدم قناعتي بالخمس سرعاات في السيارة الاربعة سلندر وبعدين انا

اشوف ان الاوفر درايف كافي

جدا لاراحة المكينة وتقليل الصرفية والخمس سرعات تصلح تقريبا للستة سلندر

ومافوق , وللمعلومية لاسمح الله لو حصل بالقير الاوتو ابو خمس سرعات شي

بتشوف كيف التكلفة وقتها .

ثانيا ترى أفضل قيو اتوماتيك بالعالم هي قيور الهوندا .. قد سمعت قير هوندا أكورد مخبط ؟؟ أو خربان ؟؟

من ناحية الافضلية اعتقد ان هذي دراسة لم اراها قط وهيه من جيبك ليش ماقلت

افضل (قيووور) قيور التويوتا والا الاوبل والا الكابرس !!

هوندا لاانكر جودتها عالية بس مو الافضل على الاطلاق , ومن ناحية الخرابات

صاحبي معاه برليود <====تراها سييارة هوندا خرب معاه القير الاوتو فيها

وهذا يعني ان الخراب متوقع وموجود .

ثانيا أخوي الكريم .. بالنسبة للمسجل ترى تركيبه 1600 ريال مو 4000 ريال الله يهديك وعند الوكالة بعد

واذا المبلغ كبير .. ركب أي مسجل ممتاز من أحد المحلات المتخصصة .. لكنه راح يخرب شكل الديكور شوي

ياخوووي ليش اتكلف واركب واخربط بالسيارة وليش الزيادة هذي

ليش مايكوون ببلااااش وبعدين هذااك قلتها بنفسك ( يخرب شكل الديكور

شوي) + السي راح يكون فوق والمسجل تحت ابو المشوار !!!

زيادة على ذلك يبيني اطفي السي دي واشغل المسجل والا اقوولك

باشغلهم مع بعض يمكن الجو وقتها يصير حلو !!!!

بالكامري المسجل مع السي دي طولهما مع بعض اقل من شبر !!

ومدمجان يعني الازرة اللي استخدمها للمسجل هي نفسها للسي دي

وبلاش نكد !!

باختصار تدري وش مشكلتك يخوي ؟؟

انك تدقق بالتفاصيل الصغيرة أكثر من اللازم

وكل واحد له رأيه

ياحرووشه تدقيقي بالتفاصيل انت تشوفها مشكلة وانا اشوفها

ميزة واحلى شي كل واحد له رأيه


لو تبيني أطلع عيوب في الكامري اللي ارتحت لها طلعت ..

لكن ما أبي الموضوع يتحول لمناقشة عقيمة



من قالك ان الكامري مافيها عيوب بالعكس فيها عيوب كغيرها

من السيارات وأنا مؤمن بالشي ذا وبعدين ليش ذكرت أن

الموضوع راح يتحول لمناقشة عقيمة !!! ليش مايتحول لمناقشة

مفيدة بالعربي ليييش إنت سلبي !!!!!!!!!!!!!!!!!!!!!!!!


واخيرا

تشكراتي لتعليقك وآراءك الحلوة

بايووو