جربت الأفالون وضاق صدري

بالنسبة للتنسيف هذا شي طبيعي لان سيارات تويوتا اصلاً منسمة|11|

اعتقد ان سبب الصوت نوعية الكفرات فالكفرات المستخدمة في اللكزس برجستون وهي نوعية كاتمة لصوت الشارع

وهذا ينطبع على الهوندا لانها تستخدم كفرات مشلان وتلقا الصوت مزجك

وبصراحة الي يقدر على للكزس ال اي اس يشتريها وبلاش من الافلون لان ضمانهم لحد 100الف وصيانة دلع وخدمة متميزة

واسأل مجرب|1|

معليش أخوي الأفلوني
شوف
والله والله والله
أخوي شراء أفالون 2005 ولا فيها شي من الا قلته
قوة وفخامة وشكل وراحة
وانا افكر ابيع سيارتي الباسات وأشتري افالون
لانه من جد سيارة فخمة بمعنى الكلمة
وغيرت نظرتي للسيارات اليابانية 360 درجة

أخوي الأفالوني 2005 ... مع إحترامي بس السيارة اللي سقتها قبلك ألف ساقوها وفحطوا فيها بعد :D

شدني كلام أحد الأخوان اللي يقول إن سيارة التجربة مصدومة !! إذا كان هالكلام صحيح فأعتقد إن الوكيل شوه سمعة سيارة رائعة المفروض يكون لها مستقبل في الخليج .. ولو كان يهتم بإسم تويوتا كان إهتم في سيارة التجربة حتى لو إضطر أنه يعمل لها سيرفس كل يوم

عموماً أي سيارة جديدة دائماً فيها مشاكل و تويوتا دائماً مشاكلها بسيطة مقارنة بغيرها من الشركات

بحفظ الله :)

انصحك اترك الافالون وانتظر الهوندا ليجند القادمة
وتعليقا على كلام الاخ MITSUBISHI2005 اذا كانت الهوندا هي الاسوأ في العزل الصوتي انا اغيرها وابدلها بالمازدا 6 (قمة ازعاج الطرق ) صحيح ان الهوندا فيها صوت طريق ولكنه مرضي اما الافالون ما جربتها ابدا عشان احكم عليها

اخوي اللي تكلم عن اللكزس الاي اس 2002 على فكره هاالكلام انا اول مره اسمعه منك لاني مجرب لكزس اي اس 2003 واللحين ما شيه 160 الف والحمد للله زي الغزال من العزل والقوة والصرفيه والرساوه والحمد لله بس تغيير حاجات استهلاكيه كالقماشات مثلا وفلاتر وزين بس واللي هي تمشي مثل الغزااااااااااااال ؟؟؟؟؟؟

يااخوي...... وش بقيت لباقي الياباني!!

أولاً أشكر كل من شارك بالموضوع وأنا قلت اللي حسيته في السيارة بالضبط ، وبالنسبة لأحد الأخوان اللي سأل عن السرعة اللي يطلع فيها الصوت أقول والله من يوم وصلت سرعة 80 وأنا أحس خشونة من تحت المراتب وعند القير يعني بصراحة زي الكورولا من ناحية العزل الأرضي وأنا معي فورد فكتوريا 95 والله إنها أفضل منها بألف مرة من ناحية العزل الأرضي . وشكراً لكم مرة أخرى .

اخوي عنده لكزس GS 2002 و سايقنها وايد و جربت كذلك لكزس ES 2003 لواحد من ربعي. تدرون يا جماعه اني عندما جربت الافالون من وكاله الفطيم في الامارات اني ما لاحظت فرق بينها و بين اللكزس GS2002 او لكزس ES2003 علشان كذا انا حيران من كلام الناس الذين لا يمدحون عزلها و لهذا السبب انا اشك انه السيارات التي جربتوها فيها خطأ مصنعي و هذا الشي لا يمكن استبعاده من اي شخص لان السياره جديده.

تدرون يا جماعه انه شخصين من اصدقائي عندما اشتروا لكزس ES موديل 2002 و اللي انتو تمدحونه وايد اول ما نزل الشكل الموجود حالياً. تدرون انهم كانوا يعانون من مشكله في تبديل القير في بعض الاحيان و كل مره يذهبون الى الوكاله علشان يشيكون على المشكله يقولون الوكاله طبيعيه السياره و ما فيها مشكله.

تدرون شو استوى حق واحد منهم في احدى الايام حوالي بعد 6 شهور من شراء السياره انه القير ما يعشق للغير الثاني ابداً و حاول صديقي يلعب في الغير من نمره 1 ثم 2 علشان يغير لكن من دون فايده المهم اتصل حق الوكاله لاخذ السياره و بعد تشييك الوكاله للسياره اعترفوا انه هناك خطأ مصنعي في القير و بدلوا القير حقه و السياره حتى الحين تشتغل على افضل وجه.

اما صديقي الثاني بعد حوالي شهر فقط من شراء السياره ذهب الى الوكاله من كثر ما انزعج من تبديل الغير و قالهم الموتر فيه مشكله في الغير و انا لا اقبل بتصليح السياره لانها جديده و اريد استبدالها بواحده جديده فالوكاله انحرجو من هذا الموقف و قالوا حق صديقي ما نقدر لان ما شي اي سياره موجوده حالياً في الوكاله. المهم بعد نقاش طويل مع الوكاله قالوا حق اربيعي عندك حل من الحلين اما ان تترك السياره لكي نستبدل القير او تستبدل سيارتك بسياره من السيارات الموجود. طبعاً صديقي تم يفكر وايد في الموضوع بعدين قالهم خلاص بستبدلها ب لكزس LS 430 و زادهم فرق السعر.

بعد هذا الكلام الكثير اريد ان اقول انه لا يمكن الجزم لاي سياره جديده ان تأتي بدون أخطاء مصنعيه خاصه في الدفعات الاولى و شكراً.

طيب عزيزي

ادعوك انك تجرب سيارات الاشخاص اللي يتكلمون هنا وقارنها

جرب الامريكي كله والله ان الاصوات تطلع مع كل مكان ومافيه اي امريكي مافيه اصوات هواء هواااااااااء مزعج خصوصا في السرعات العاليه والله يخلي الفصله ولا بتعرف كيف الامريكي مزعج من ناحية اصوات الهواء

ثااااااانيا ترى الافالون مالها صوت مكينه عكس غيرها فراح يلفت انتباهك صوت الهواء اكثر

ثاالثا الدفعات اللي واصله السعوديه فيه بعضها في مشاكل من ناحية العزل فانتظر نصيحه

واخيرا والله من رأيي مافيه سياره بقيمتها تنافسها حتى في العزل الصوتي وجرب انت غيرها وبتعرف

والله يوفقك

بالنسبة للعزل الأرضي يمكن الكفرات ما عندك أحد

ثانياً: تنسيم الهواء من الأبواب أتوقع إن هالمشكلة تنحل في الموديلات الجديدة

ههههههههههههههههههه ياما وياما تكلمت وقلت للناس المستعجله والي بتاخذ افالوون لالالالاه وبعض الشباب يطينونها عماها يقولوون زينه وراسيه وممتازه ومعزوله ههههههههههههههه ,,,,,, عالعموم ياخوي الافالوني الحمد لله انك جربت السياره واخيرا انت بنفسك قررت . الحمد لله انك ماتوهقت بس ,,
اخيرا أسوء سيارتين يابانيتين في نظري من ناحية العزل الصوتي هي الافالوون والسياره الثانيه هي الاكورد الاكورد عن تجربه لكن الافالون ولد عمي جربها وقال انها دمار عزل صوت كاانك راكب كامري عاديه جدا اما الاكورد من تجربتي وتجربت ناس كثير اعرفهم كأنك قاعد تسووق الشاارع مو السياره .
وشكراا

تنسـم السيارة ؟؟


طيب ارقعها :D

انا من رأيي انها وجهة نظر

ناس تعجبهم وناس ما تعجبهم

وهذا ما يقلل من قيمة السياره


لكن انا اشوف انك ما تاخذها دامها ما عجبتك علشان ما يجي يوم وتندم وتتحسف


شوف البدائل وزي ما قالولك الاخوان

وقبل كل شي

اي سياره جربها قبل ما تشتريها

وان شا الله تتوفق باختيار السياره المناسبه لك


اخووووووووووك مرزووووووووووق

مشكلة أغلب السيارة اليابانية سيئة جداً من ناحية العزل الأرضي .

يعني مالك إلا الامريكي هو أفضل شيء من الناحية هذي ما تحس بالمطبات ولا شيء .

أخي AZN

هل رساوتها تقارنها بأيش مثلا ً (( يعني هل هي أرسى من الكامري ** أو أرسى من الأكورد ))

وعزل الصوت هل عزلها مثل الكامري

هل الموديلات الجديدة (( 2006 )) بتحل المشكله-- الرساوا---التنسيم---العزل الأرضي

,,,,,, عندي كم سؤال خارج الموضوع :D

هل ممكن طلب جناح

وهل في المرايا الجانبية فلشر







وجزاكم الله خير

بصراحه شباب انا جربت الافلون وحسيت بالمشاكل الي قالوها الاخوان بس المندوب قالي اني السياره الي جربتها كان (لونها ذهبي ) مصدومه من تحت ماخذ فيها رصيف جامد علشان كذا فيها مشاكل

عزيزي الأفالوني أنا وسبق نزلت موضوع عن الأفالون وبينت فيها كل شيء بالنسبة للرساوة والعزل ولكــــــــــــن
أقولك وقلتها من قبل مافيهــــــــــــا وجه مقارنة بين اللكزس ES300 قادر على لكزس طلعها وإنت مغمض
ماتقدر فأنــــــــــــا أشوفها إنها أحسن السيارات من بين المنافسين في فئتها .
وأنا أبي أستفسر عن كلامك في العزل الأرضي إذا كان في صوت فهو من الكفرات تكون تعبانة وهذه مشكلة محلولة لأني أتوقع الكفرات تبع السيارة تعبانة من كثر التجربة وهذا ليه يطلعلك صوت عالي في السرعات العالية .
أخوي uaesolidsnake بالنسبة للناس اللي مجربينها ففي ناس يقولون توب وفي ناس يقولون إنها تعبانة وإن المواد المصنوع منها بدي السيارة سيئة ........الخ وكل هذه وجهات نظر تختلف من شخص لآخر .

أخوكم AZN