ارجو المشاركة من الجميع (تويوتا - هوندا - هيونداي)

كـ2005ـامري @user_19385 · 27-05-2005

السلام عليكم ورحمه الله وبركاته

كيف حال الشباب

انا عندي واحد من اخوياي وده يشتري سياره وهو محتار الحين وش يشتري ايكو والا هوندا سيتي والا هيونداي اكسنت

وهو يبي سياره تمشي لانه هو يسافر كل خميس وجمعه من الرياض لجده ومن جده لرياض وانا نصحته انه ياخذ ايكو|1|

وهو ملزم انه ياخذ رايكم يالله ياشباب وهو يبي مميزات السياره الي تختارونها|3| .............. تحياتي.

دراكولا اليف @user_19390 · 30-05-2005

بدينا يا عالم بالتعصب
السيارات اللي الرجال قالها كلها ممتازة و عمليه بس لكن ياخي اذبحني ولا تركبني سيتي ولا ايكو ياخي اشكالها مدري شتبي

اقولها بالفم المليان الاكسنت اســـــطـــــــــــوره خذها و ماجاك علي

عزووز @user_16655 Banned · 29-05-2005

السلام عليكم

الظريف في السيارة هذي ان مافيها عداد للحرارة .. يعني بنظام اللمبات :):)

اخوي ابو سطام

ازيدك من الشعر بيت ترى الكاديلاك cts موديل 2004 نفس الحركة بدون عداد حرارة ....... اصلا ما ادري كيف بترتاح وانت ماسك خط بسيارة مافيها عداد حرارة

يعني بجلس انتظر لين يولع النور حق الحرارة؟ ومايولع الا لما يطيح الفاس بالراس .... والله حااالة ياشيخ

على كل حال انا ارشح الهوندا وبس

M .N. N @user_18180 · 29-05-2005

اخوي انت شكلك مصمم على الايكو

السؤال هو : لييييييييييييش؟؟؟؟ هل لأجل انها من تويوتا فقط!!!!!!

اخوي شلها من راسك ((نصيحه اخويه)) لانك اذا شريتها اسبوع واحد وبتندم على اشياء كثيره

انا اقول خذلك النترا وانت مغمض بدل الأيكو

او اختر الستي او الاكسنت

M.A.D about u @user_4452 · 29-05-2005

شباب

الله يجزاكم خير الموضوع محدد بين اكسنت وايكو وسيتي

طلعوا السيارات الباقيه .. النترا سيفيك لانسر

انا جربت الاكسنت 2003 وجربت الايكو 2001

الاكسنت 2003 :
سياره ممتازه تكرف
وصرفيتها ممتازه جدا بالمدينه بالخط مو كثير لان المكينه سعتها صغيره
عزمها ممتاز على حجمها
وراحتها جيده جدا على فئتها

يعيبها ضيقها شوي

الايكو 2001 :
نفس الاشياء تقريبا بس اضيف مكيفها ابرد من الاكسنت وصرفيتها بالخط افضل قليلا
عيوبها
العدادات مدري شتبي
ما فيها مقياس حراره <==== هاذي مصيبه بنظري
مراتبها مرتفعه بشكل غريب تحس لو بتاكل مطبه وانت مسرع بتطير من السياره
بالعربي من جوا تحس راكب كرتون

وبغيت اوضح شي للي يقول الاكسنت ما تصلح للخط وانها كوريه ما تنضمن خط

انا كنت تقريبا شبه اسبوعيا اطلع الشرقيه عليها وامشي 190
اطلع عليها البحرين كثيييير
طلعت عليها دولة قطر

ومشت معي اكثر من 80 الف في سنه وحده ولا اشتكيت منها

الايكو انا اخذتها مستعمله ماشيه 118 الف
وطلعت عليها دبي لاحظت ان الاكسنت ارسى منها واثبت منها بالخط

هذا واقع تجربتي للسيارتين وارشح الاكسنت لانها اثبت جدارتها وما شريت الحين النترا الا لاني وثقت بالكوري وعرفت صبره وتحمله

اما السيتي مالي خبره فيها ولا اعرف احد معه سيتي فمعليش على القصور

واي سؤال ثاني عن السيارتين انا حاضر

اخوووووووووووووووووووووووكم مرزوووووووووووووووق

أبـو سـطـام @user_12609 · 29-05-2005

هلا بك اخوي كامري 2005 : نعم شفت الموضوع حق الاخ رجاوي .. وياليتك تشوف الرد الاول لـــي ..

وترد لي خبر .. بعد كذا تقدر تحط استفسار عن الالنترا في المنتدى وتشوف الردود

تحياتي للجميع ..

كـ2005ـامري @user_19385 صاحب الموضوع · 28-05-2005

وعلى فكره يا ابو سطام شفت موضوع العضو رجاوي الرياض قصته مع الالنترا 2005 ؟؟؟؟؟؟؟؟

كـ2005ـامري @user_19385 صاحب الموضوع · 28-05-2005

مشكورييين ياشباب ويعطيكم العافيه |3| بس خدمه الالنترا زي خدمه الايكو مع ان الايكو تويوتا والالنترا

كوري :confused: :confused: :confused:

أبـو سـطـام @user_12609 · 28-05-2005

الصابونة الحمراء : مستحيل يكون الفرق بين التوماتيك والعادي 6 الاف .. الفرق هو الفين او الف وخمسمية فقط .. يمكن الي بـ35 عادية والي بـ41 فل كامل ....
والفل كامل يفرق عن العادية اشياء كثيرة ..منها :
1- الجنوط .
2- الجناح .
3- المسندة الداخلية بين السائق والراكب .
4- مساند الرأس الخلفية .
5- فرش مخمل للمراتب وليس قماش .
6- مسندة خلفية في النص .
7- مكينة 2000 سي سي بالتأكيد ( من الممكن انك تاخذ 2000 سي سي وتكون مو فل كامل ) .
8- اضائة داخلية اضافية .
9- حاملة للنظارة الشمسية .
10 - هذا الي اذكره الان عنها ..
11- خذ لك قير توماتيك 2000 سي سي اريح لك من العادي .. لان العادي متعب في السواقة خصوصا داخل المدينة اما التماتيك حطه على الدي وأمــــش .

واذا كنت على استعداد تدفع مبلغ الـ41 الف .. اشتر الفل وانت مغمض
او زد لك 8 الاف وخذ لك سوناتا :) ... ذا رأيك انت بالأول والأخير

ملاحظة اخيره : النوافذ والابواب الكهربائية في الالنترا تعتبر تجهيز اساسي .. يعني مثل الاكورد ومو مثل الكامري ...

تحياتي للجميع ..

M .N. N @user_18180 · 28-05-2005

ايش ايش ايش

النترا فل كامل بـ 41 الف

والايكو سياحي مجرد انها نوافذ كهرب بـ41

انا اتوقع وكالة تويوتا اصابها مس من ...
واللي فضل الايكو على الالنترا اصابه ما اصاب تويوتا

الصابونة الحمرا @user_10267 · 28-05-2005

اخوي ابو سطام انا كنت عند المجدوعي بالأحساء يوم الخميس وبصراحة قالي ان سعر النترا فل كامل يعني قير توماتيك وجنوط وغازيات ب 41000 الف !!!

وسعرها فل بس قير عادي ب 35000

وش رايك بسعر التوماتيك وهل تنصحني اخذ توماتيك ولا عادي

ومعذرة على المداخلة

أبـو سـطـام @user_12609 · 28-05-2005

خلاص .. حرام عليكم .. لحستوا مخ الرجال .. اثبتوا على كلام واحد ...

واحد يقول الاكسنت ماتمسك سعرها .. والثاني يقول اكثر سيارة تمسك سعرها .. وواحد يقول الايكو زفت .. والثاني يقول احسن الموجود .. واللي يقول ماعليك منهم كلهم خذ لك لانسر ؟؟؟؟؟
والحين اخر ماتوصلنا الية واحد من الشباب يقول خذ لك سيفك .. يابشر .. حدث العاقل بما يعقل ..

اذا كان الرجال حدوده ماتتعدى سعر اللايكو .. وسعر الايكو حسب كلام بعض الشباب 37000 ريال .. يعني حدود الرجال لا تتجاوز في هذه السيارة حد الـ37000 ريال ... وكم سعر السيفك ؟؟

انا عني جربت سيارة من هالسيارات الصغار في الخط وهي الالنترا .. و كانت على سرعه 150 الضغط على 3.5 .. بالله عليكم اي السيارات المذكورة تكون مكينتها مرتاحة بالشكل هذا .. علما ان حجم المكينة كان 1600 سي سي .
وذا كانت المكينة 2000 سي سي .. فهل تتوقعون انها في امل تتعب في الخط ؟؟
ومن الناحية الثانية .. بالنسبة للحجم والمواصفات .. هل من العدل ان تقارن الالنترا بالايكو المقاربة لها بالسعر .. ؟
اما الداخلية : الالنترا .. فخماتها لابأس بها .. وطبلونها جيد .. ومراتبها مريحه الى حد ما .
الايكـو .. تنعدم للفاخــمة .. طبلونها جاي في النص يعني الراكب قاط فيه .. مراتبها غير مريحة ابدا في الجلوس ، وغير كذا الظريف في السيارة هذي ان مافيها عداد للحرارة .. يعني بنظام اللمبات :):) .. وياليت الي عنده ايكو يفيدنا شوي عن الموضوع ذا.

واذا كان موجود عضو هنا جرب السيارتين .. واستخدم الثنتين .. وهو ( مرزوق ) ورشح الالنترا بفااااااارق كبير .. فهل الايكو بعد هذا افضل ؟
وما العيب اذا كانت كورية .. لو كانت ازفت مايكون .. في هناك ضمان لمدة 3 سنوات .. اي شيء يخرب بالسيارة يصلحونه .. هذا طبعا اذا خرب شيء اصلا ..

اما بالنسبة للمضحك المبكي في الموضوع :) :( . سعر الايكو والالنترا :
الالنترا 2000 سي سي : 36000 ريال . ( قير عادي ) ( نوافذ + ابواب كهرب )
الايكو 1300 سي سي : 37000 ريال . ( قير عادي ) ( نوافذ + ابواب عـــــادي )

اما انتشار الالنترا مايقارن ابد بإنتشار الايكو اللي قليل تنشاف اصلاا ..
واذا كان الاخ اللي يبي يشتري سيارة معزم .. ابي منه طلب وااحد .. انه يمشي بأي شارع عام .. اكيد بيلاقي لموزين النترا .. يوفقة بس ويسألة كيف السيارة معاااه .. واذا قال انها زفت او سيأة .. انا مستعد اشطب عضويتي من المنتدى هذا .

أعتذر عن الاطالة ..

تحياتي للجميع ..

صحراء الجليد @user_19137 · 28-05-2005

اخوي

مدام انه فكر في الايكو

ياخذله بسعرها إلنترا 2.0 او 1.6

سيارة كبيرة ومريحة ومحركها قوي

H.Y @user_18014 SONATA V6 · 28-05-2005

السلام عليكم ورحمة الله وبركاته... وبعد

أنا أرشح الأكسنت أو السيتي

والايكو سعرها حوالي 37 ألف فأنا أشوف لو يأخذ النترا أحسن وسعرها مقارب جدا للايكو.....

الايكو غالييية على ايش مدري ........

ياخذله النترا أحسن منهم كلهم ....

أرجوا أن أكون قد أفدتكم؟...

الاسم للبيـع @user_14159 · 28-05-2005

ياخوي smart حرام عليك الاكسنت اكثر وحده ماسكه سعرها.. وتقدر تروح للمعارض وتشوف ...

ولعلمك واحد اعرفه شاري اكسنت سياحي موديل 2004 بـ 27 وباعها عام 2005 بـ 22 الف ... والسياره ماشيه حوالي 80 الف .. ودايم يمسك خطوط عليها..
يعني شف وشلون مسكت سعرها.. اما لو هي سياره ثانيه اتوقع انباعت بـ16 ولا 15 الف

حسن أبو ضب @user_10112 · 28-05-2005

اكسنت وهو مغمض ..

Kenny @user_9622 · 28-05-2005

شف السيارات الصغيرة بصفة عامة .... ماهيب حقة خطوط .. لأن المكينة صغيرة ... لكن في حالة إنه يبي وحده من هالسيارات المذكورة .. فأنا أشوف .. الإيكو أولاً .. ثم الهوندا سيتي ثانياً .. ثالثاً الأكسنت.

ولو ياخذ له لانسر .. أحسن منهم جميع.

تحياتي

KeN

smart @user_19452 · 28-05-2005

السلام عليكم جميعا ..
تحيه طيبه وبعد.

اخوي كامري انا انصح زميلك ان يختار هوندا سيتي او ايكو تويوتا..

وابعد عن الاكسنت..ترى ما فيها خير ..صناعه كوريه وغير مريحه وانا مجربها ولا تعمر طويلا ..

ممكن تون استعمال داخل المدينه ربما.. لكن خط ..لا تأمن للكوري على خط واسأل مجرب...سعرها بعد البيع منحط جدا..

بخلاف التويوتا والهوندا...اما عن الذي يقول انها تستخدم في محلات تأجير السييارات .. هم يستخدمونها 3 سنوات بالكثير ثم يتم استبدالها..

نصيحه لك .. انصح زميلك باليكو او الهوندا وانسى الهونداي..

شكرا لكم

®Xenon @user_7627 · 28-05-2005

شيء طبيعي ياشباب إن الإيكو مافيها رساوة !!!!!

ولا الإلنترا ولا الأكسنت ولا السيتي .........

لأنها سيارات صغيرة وعلى قدها ......................

أنا أرشح السيتي ......................ولو سيفيك أحسن بكثييييييييير

تحياتي

M .N. N @user_18180 · 28-05-2005

اخوي انا انصحه انو ياخذ اكسنت

لاكن بما انه بيصير راعي خطوط ياخذ سيفيك >>>>>علشان الرساوه

وقله يبعد عن الايكو لارساوه ولاشكل ولاسعر ولاوسع
,,,,,,,>>>>>>>>سعرها بـ38 اقل فئه ونوافذ هندل انا اقول رأيي ياخذ بدل منها النترا زي ماقال اخوي ابو سطام وصدقني ما راح يندم لاي سبب