اللكزس افضل من الالماني؟؟؟ نرجوا تصحيح المعلومه

مشكور اخوي Nick وهذا من ذوقك يالغالي ...

بقول للاخوان قصة ...

لما خربت المرسيدس مرة .. دخلتها الجفالي ... وانا كنت (اشمئز) اني اطلع غير المرسيدس ...
وعمي معاه كرولا 2004 وانا ماطلعتها ابدا لاني اكرهها موت ..
ولما خربت سيارتي.. عمي اعطاني الكورولا لان معاه سيارة غيرها ..
تخيلوا لما طلعت الكورولا كيف كان شعوري .. قمة الاستحقار لهذه السيارة وكنت مستحي منها ..
لكن بعد اسبوع بس تصوروا ان الكورولا عندي صارت كل شئ ,, كنت اشوفها عروسة .. ومبسوط فيها .. وتعودت عليها ..
حتى بعد ما طلعت المرسيدس مازلت احب الكورولا وهي كورولا ..

>> يعني من هذا له اقول ان اي واحد يتعود على شئ ,, راح يشوف انها الافضل وان غيرها ما تسوى شئ ..

صح كلامي ؟؟؟

وسلامتكم

ههههههههههه

والله محبي الامريكي ماشاء الله في هذا الموضوع الحقد واصل درجة الغليان |11|

لو تلاحضون ما احد يدافع ضد اللكزس الا اللي عندهم سيارات امريكيه خخخخخخخخخخ

الله يعينكم |3|

د.هاني والله دكتور بردك وكلامك الجميل


اما الاخ كابرس ياخي تعبت وانا اتكلم واخرتها ترجع تقول لي الكلام نفسه

وشو اللي السيارات الالمانيه هي اللي تبتكر وبس؟؟؟؟ يعني يوم اخترعت بي ام الزينون ما سرقتها مرسدس وغيرها؟ ولا معليش عشانهم كلهم الماني شي غريب صراحه
مافيه شركة في العالم تخترع كل شي وهذي لكزس مخترعه كم شي وماخذينه هالالمان

اما التصاميم ما ادري وش دخل حقين الجنوط في التصماميم؟ طيب هذا حقين الكامري يركبون جنوط ال 430 مثالك ماله علاقه بالواقع ابد

اما من ناحية الاداء ما ادري انت مجرب اللكزس عشان تحكم؟ وبعدين نظام الاستقرار الموجود في ال gs احسن من اللي موجود في الالماني كله

وبالنسبه لقوة البدي والله تقدر تدخل هنا قسم الحوادث وتشوف مرسدس وبي ام واودي ما تعرف ملامحها
اما هالددسن ففيه شي اسمه امتصاص الصدمات وهذي موجوده في اللكزس اما الددسن هاللي تتكلم عنه مافيه
عشان كذا بعد الحادث تشوف اللي في اللكزس انشالله طبعا ما جاه شي اما الددسن متكسر
ارجع اقول اللكزس في اختبارات التصادم متفوق
اما الفياقرا كله حديد اجل اللكزس وشو بلاستيك؟ لوووووول تدري كم وزن اللكزس عزيزي؟ تراه مثل وزن الفياقرا مع انها اقصر منها
ونفس الكلام على الاودي

اما عن المقارنه فذكرنا مره ثانيه نروح نقول للعالم لا تقارنون اللكزس بالالماني ترى كابرس يقول ما تقارن

والله شي غريب صراحه هالردود

ياخي مع احترامي الشديد

مقارنة التويوتا مع الالماني فيها شوي خيال

السيارات الالمانية دائما هي السباقة في الابتكارات واللكزس تسرق

طلعو الزينون وسرقوه اللكزس
طلعو الLED وسرقوه
حتى الحساسات اول من ابتكره الالمان
وغيرها

يعني اللكزس ماغير ينتظرون الالمان يبتكرون عشان ياخذونها باردة مبردة :)

وبعدين حتى التصاميم فيها ابداع خيالي من الالماني

يعني شف كل كامري في الرياض مركبين عليها جنوط اودي :)

وثاني شي من ناحية الاداء

حرام عليك تقارن ال430 باودي a8 والا S500
فرق في الرساوة وانظمة الاستقرار

وحتى برضو في قوة البودي
ياشيخ قبل كم يوم صاير حادث على طريق الامير عبدالله جنب بيتنا
قسم بالله اللكزس وجهيتها انعدمت والونيت اللي صدم فيه ماجاه الا اشياء بسيطة ولاتقارن باللكزس
حتى عندي صورة لها في الجوال

بينما الفياقرا والاودي ماشالله تبارك الله
الفياقرا حديد والاودي كلها الومنيوم
يعني ارقد وامن

صحيح ان ال430 سيارة رائعة لكن ماتقارن بالالماني مع احترامي

الي معاه فلوس ويحب يشتري لكزس يشتري ,,,
والي يحب يشتري الماني يشتري ...

ليه التعصب هذا ؟؟؟؟

انا لما اخذت سيارة فكرت بكل الانواع وجربت اكثريتها .. وماقتنعت غير بالمرسيدس .. هذا اختياري الشخصي .

طيب يا اخي انا قلت لك لكزس وتيوتا مبيعاتها قويه حتى في اوربا والمانيا واذا على المواصفات الامريكيه يكفي ان ال suv حق تيوتا كله بامريكا يجي ب asb ,eb ,ebd .vsc لاحظ كل مواصفات السلامه هذي متوفره ستاندر عندهم واحنا احيانا الفل اوبشن عندنا ما نحصل نصها فيه فلا تخاف من ناحية حرصهم على توفر مثل هالاشياء في سياراتهم خصوصا ان فيه مئات المؤسسات والشركات اللي تطالب دائما بمثل هالاشياء مو مثلنا ما حولك احد

بالنسبه لتركيب مكينة اللكزس اعتقد لو كان معروف بشكل كامل كان كل السيارات صارت مكاينها هادئة وسلسه وانشالله فهمت قصدي

اما الاخ
=====
يقول ان الالمااني ماافيه عزل صووتي بالعكس الالمااني من السيارت الي فيها عزل الصوتي 100 100


وبعدين هذي سيارة الوالد مرسيدس 500 سي ال انصدمت من وراء وباعهاا وهي مصدومه 175 الف ومااكذب عليكم ياشباب وش تبي اكثر بعد
====
ما قلنا يا اخي مافيه عزل صوتي لكن المرسدس في الخط تسمع ازعاج مكينته وانا ما اقول لك ازعاج مبالغ فيه لكن كونه سياره فخمه الصوت عالي نوعا ما والبي ام بعد غير كذا بعد سرعة 170 تسمع فيهم صوت هوا خفيف مع ان مقدار العزل خصوصا في المرسدس عالي لكن ما اعرف السبب ودام انك مجرب اكيد بتعرف هالشي

بالنسبه للسي ال 500 تعال عندنا الرياض واجيب لك انظف سي ال 500 ب 120 الف ولا انصدم ولا شي هالفئة من السيارات ترى ما تمسك سعرها ابد

اما كلامك عن المقارنه وما المقارنه فانا تعبت في ردود سابقه اشرح فما يحتاج اعيد واكرر تقدر ترجع عزيزي وتشوف وش كاتبين

اخوي NICK

درست في امريكا 5 سنوات ولي اصدقاء في اكثر من ولايه وحقيقة تدري ان الهوندا والهونداي واللكزس من اكثر السيارات مبيعا لكن ادخل مواقع للشات في امريكا واسالهم عن مثلا طريقة عمل الABS او SCS او غيرها من الانظمه وبتفاجئ بان ثقافتهم ضعيفه في هذا المجال عكس الاوروبيين اللي يعتبر السياره جزء من شخصيته ويضرب الف حساب قبل مايشتري اي سياره

وبلنسبه لمميزات اللكزس انا ذكرت انها اعلى جوده واجمل تصميما من الالماني


واخ NICK ياريت لو تعطيني موقع يشرح تركيب مكينة اللكزس لان الموقع الرسمي فقير من المعلومات التفصيليه


اخ ابو شطب

بلنسبه لشركة jd power اغسلللل يدك منها

ياخي كيف skoda في المركز الثاني والفلكس واجن ال16!!!!!!!

والفلكس واجن تملك سكودا !!!!!!!

على العموم مشكور على مشاركتك اخوي العزيز

الالمااني لاتقاارنه ابد من اليبااني وهذي كلمة حق انا مجرب الاثنين


صدقووني مهما بلغت باليبااني من فخمه تعرفه

يعني اركب يبااني واركب المااني تفرق بينهم اليبااني له ديكوور ونمطه والالمااني له ديكور ونمطة وبعدين من يقول ان الالمااني ماافيه عزل صووتي بالعكس الالمااني من السيارت الي فيها عزل الصوتي 100 100


وبعدين هذي سيارة الوالد مرسيدس 500 سي ال انصدمت من وراء وباعهاا وهي مصدومه 175 الف ومااكذب عليكم ياشباب وش تبي اكثر بعد


الكزس سياره حلوه ومحد يقول لا بس لاتقاارنها بالالمااني ابد

طبعا كل شي بحقة
اللكزس سيارة عملية وفخمة في نفس الوقت مش مثل الالماني مافيه اي عملانية
اما في الفخامة اشوف انهم متساويين تقريبا

شباب معليه .. حبيت اعلق نقطة على إن اللكزس ياباني !! صح هو مرده ياباني لكن هو يتصنع بأوروبا (أدري بعد ماسار اوربي!)

لكن لو تحسبوها صح .. مافيه مصنع سيارات مافيه مركز ابحاث ولا مراكز تخطيط.. سواء لكزس ولا مرسيدس ولا إن شاء الله هونداي !!

(مراكز تحط ويش مواصفات يحطون داخلية .. ولا قطع او تصميم نظام تعليق اي شيء بالسيارة ..)

واكيد المراكز هذه والمصانع اللي بأوروبا مايشتغلون فيها يابانيين !! يشتغل فيها يابانيين وعلماء اوربيين (سواء المان ولا فرنسيين او غيره !! مادام الفلوس موجودة .. ) (طبعاً تويوتا .. ماهمتهم فلوس فلوسهم كثيرة !! يبغون شيء يرفع الراس)

وبعدين لا تنسون !! فيه خبر سامعه من مشرف هنا .. اعتقد إنه أخوي CAM وهو ان اللكزس فيها 180 براءة إختراع !! يعني فيها 180 اختراع خاااااااااصة باللكزس .. 180 اختراع مو موجودة لا بـ BM ولا ب مرسيدس ..

بس هذا اللي عندي ..

سلام

اخي كاتب الموضوع



يكون في علمك اللكزس افضل سيارة سلامه في العالم في اخر احصائيه سمعتها......وهي محتفظه بمركزها الأول من 5 سنين او اكثر

على العموم

شف الصوره تحت......هذا الياباني اللي تضحك عليه :)



المصدر.....اضغط هنا

:)

عزيزي كابرس
الكابرس عمره ما يقارن باللكزس حتى لو كان is مو es لان الاول سياره عاديه والثاني سياره فخمه وهنا انا ارد عليك بمثل كلامك (مقارنه غير عادله وعمر الكابرس ما يوصل للكزس)

اخ وليد انا اللي احترت معك ياخي ممكن تجيب لنا اي شي يثبت صحة كلامك؟ انت عطيتنا معلومه بدليل وحقرناها ولا كذبناها؟
ياخي الالمان نفسهم يقارنون سياراتهم بلكزس ليه تبينا ما نقارنها احنا ولا فينا شي ناقص؟
لكزس تفوق على الالمان في اكثر من شيء ليه تهمل هالنقطه وتتجه لنقطه تفوق فيها الالماني على اللكزس ولاحظ الالماني كله مو شركه وحده

كلامك عزيزي مو منطقي ابداا وماله اي مناسبه وهذا سبب امنيتي باغلاق الموضوع

بالنسبه للجي اس ما ادري وش دخل سيارات اي ام جي في الموضوع؟؟ قارن بين فئه وفئه مو تقارن لي بين سيدان فخم بسياره معدله

وبعدين من قال لك ان اللبنانيين هم اللي يعرفون؟ والله مع احترامي لاخواننا اللبنانيين ما عندهم اي معرفه بالسيارات مجرد انه يمتلك مرسدس ولا بي ام خلاص بغض النظر عن اي شي اخر وتقدر تزور لبنان وتعرف هالشي

اما الامريكان ما ادري اذا قادة العالم للأسف حاليا ما يعرفون وش يختارون مين يعرف احنا؟؟
وبالنسبه لاوربا من قايل لك انهم ما يعترفون بالياباني؟ تدري ان اكثر السيارات في بريطانيا انتشار هي اليابانيه؟ وخصوصا تيوتا
وتدري ان تيوتا صاحبة اكبر مبيعات لشركة اجنبيه في المانيا اللي تتكلم عنها انت؟ ومبيعاتها تتفوق على بعض السيارات الالمانيه

علىىىىىىى الرغم من تعصب الالمان لصناعاتهم المحليه وتقدر تراجع ارشيف المنتدى الياباني هنا وتحصل المواضيع والروابط الخاصه بهالكلام

فارجع اقول لك لو سمحت يا اخي العزيز تكلم بادله مو بكلام من عندك

وما راح اقول الياباني لكن اقول لك لكزس وصل لمرسدس وبي ام لانهم هم اللي تقدر تقول الافضل اما فولكس واجن افضل من الياباني لا ما عليش ما اعتقد
وعن قريب بتشوف بعينك انشالله كيف الياباني او بالاحرى لكزس تتفوق على الالماني الكبير طبعا مو على صعيد الجوده لانها تفوقت سلفا ولا عن طريق التحمل لنفس السبب السابق لكن على الصعيد العام لان كل المؤشرات تقول كذا

حبيبي مشعل ، فيه أمور تحتمل الآراء الشخصية ، وفي أمور ما تحتمل إنه يدخلها رأي شخصي

يعني ما نحتاج أحد يبدي لنا وجهة نظره حول اللكزس هل تعتبر منافس للبي إم وإلا لا ، أو هل نستطيع المقارنة بين اللكزس والبي إم وإلا لا ، لأن هذا شي بدهي ، وشي مسلم به ، ولا يعرف الشي هذا إلا أهل الاختصاص في السيارات

وأنا أتحداك تجيب لي أي مجلة سيارات ، أو جهة متخصصة في السيارات تقول ( لا يمكن نقارن بين اللكزس والألماني )

أما اللي ممكن تدخله الآراء الشخصية فهو مثل الميل النفسي لسيارة معينة ، والارتياح نفسيا لماركة معينة ، والاهتمامات الشخصية والشكل الخارجي وأهمية بعض مواصفات الرفاهية

أعطيك مثال ، بعض الناس يقول مثلا : أنا ما أشوف إن أبواب الشفط لها أهمية ، والبعض الآخر يقول ، بالعكس بل هي من مواصفات الرفاهية المطلوبة

فهذي كلها مواصفات رفاهية تدخل فيها الاهتمامات الشخصية والآراء الفردية المختلفة من شخص لآخر

أما إننا نقول إن مبدأ المقارنة بين السيارات تدخله الآراء الشخصية فهذا مرفوض ، لأنه شي مسلم به عند كل المتخصصين

لعل فكرتي وصلت ، وبان لك سبب ردي السابق :)

هو اللكزس له مكانته بعد ما أخذ أفضل سيارة فخمة في العالم للسنوات 2002 و 2003 و 2004
وثم أنه فخم ومصمم على أنه يتحمل الحرارة الشديدة والبرودة الشديدة أما الألماني مصمم على جوهم أي الجو البارد
فيطيح عزمه أمام الحرارة مع مر السنين

اخ NICK والله احترنامعاك؟؟؟؟

واتمنى ان اسلوبك يكون افضل ولاتحقر معلومات غيرك ولاتنسى فضل كاظم غيظه بان الله وعده بان يخير في الجنه من اي الحور العين شاء

واذا كنت تشوف الموضوع مصدر مشاكل .. لاترد علي الموضوع
ومافي اي رد من الاخوه المشاركين يثير المشاكل بلعكس كلها وجهات نظر ويجب علينا احترامها

وبلنسبه للGS430 ادخل اي موقع للمقارنه وقارنها بE CLASS 55 AMG وعطني رايك..

وغض النظر عن فارق السعر لان مقياسنا الفخامه والقوه والسلامه

وبلنسبه لللبنانيين والله انهم افهم من الامريكان في السيارات

ولمعلوميتك المواطن الامريكي يهتم بامرين وهم

1.الجوده
2.الشكل الخارجي

فقط لكن اذا نظرنا لااوروبا وهم افضل من يقدرون السيارات في العالم فتجد الياباني ماله وجود

لكن هذا مايمنع اننا نعترف بان الياباني من افضل الشركات تطورا في العالم لكن زبدة الكلام


اليابااااااني ماوصل للالماني لكن الياباني يتحمل الحراره اكثر بسبب عدم اهتمام الالمان بلسوق الخليجي وهذا كلام مهندس الماني في شركة عالم السيارات في الراكه واسمه thomas

انا بصراحة اعتبر مقارنة شركة لكزس بسيارات الالمانية اودي ومرسيدس وبي ام فخر للكزس

وانا اشوف اغلب المقارنات حاطين دوبهم من دوب اللكزس ههههههههههههه.

وبصراحة وين التقنية اللي تتكلمون عنها حتى صوت مكينة السيارة مو قادرين يخفوها تسمع صوت السيارة من بعيييد وبصراحة صوت

مكينة البي ام مزعج والله وحتى لو السيارة جديدة .

قارنو بين bmw مديل 99 وبين الليكزس 99

والله عزم bmw يطيح بسرعه بعد هذه السنوات واللكزس ماشاء الله يجيب الطبلون بالراحه

من الناحيه الوكاله وانا فيها بشيل bmw
ولاكن ان كنت افكر في الناحيه المستقبليه والكرف بدون تردد ليكزس

انا قايل لا تقارن؟؟؟؟؟ ما ادري ممكن تنسخ لي هالكلمه انا قلت شخصيا افضل الفئه السابعه على اللكزس 430 واقول لك التقنيه اللي موجوده في ال s600 افضل من الموجوده في اللكزس ما قلت لك ما تقارن يا ليت تفهم وش اقصد

لكن انت عممت لكزس ككل طيب انا اقول لك اللكزس جي اس افضل من المرسدس e والبي ام الفئه الخامسه والاودي a6 انت حدد فئه وشف لمين الغلبه مو تعمم

وبالنسبه للجوده خل عنك لبنان وما لبنان هاللبنانيين يقدسون الالماني اصلا وما عندهم لا لكزس ولا غيره وكل سياراتهم فولكس واجن والماني
لكن شف في امريكا الجوده للكزس خل امريكا ياخي اللكزس في كل مكان تتربع على الجوده وتقول لي عندنا بس؟
اما تقنيا اعتقد اني قلت لك التقنيات الموجوده في اللكزس جي اس افضل من الموجوده في منافسينها الالمان

عندك شي غيره تبي تقول الالماني افضل فيه يا ليت تفيدنا لكن بادله لو سمحت


اما الاخ كابرس فأشوفه يعارض نفسه بنفسه
اقتباس
=====
وحرام نقارن الكزس بي البي ام وحتى المرسيدس
====

اقتباس
====
واحترام وجهات النظر مطلوب اخوي اكورد
====

طيب عزيزي ليه ما تطبق نصيحتك وتحترم وجهة نظر غيرك؟ اللكزس في كل مكان اشوفك تسبها ومن شفت تقارن الكابرس فيها عرفت ليه تكتب كلامك كله

عموما ما اشوف لهالموضوع اي فائده تذكر مجرد مصدر مشاكل