اولا اخوي وليد بالنسبه للانسيابيه تقدر تحصلها في موقع لكزس
www.lexus.com
اما عن نظام الجي اس 430 فانصحك عشان تتعرف عليه اكثر تاخذ الدي في دي حقه وتحصله عند اي فرع من فروع لكزس بالمملكة
بالنسبه للاخ ooo
اخوي وش تقصد بانسيابية الشكل؟؟ ما ادري وش تعتمد عليه هذي وش الشي الموجود بالمرسدس ومخلي شكلها انسيابي واللكزس لا؟ بالعكس اللكزس بزوايا حاده وهذي اللي تعني الانسيابيه مو الاشكال الدائريه مثل المرسدس واللي بدت تغير تصاميمها للحاد
شف حتى بي ام غيرت واجهتها وخلتها حاده اكثر
بالنسبه للجوده الداخليه على اي اساس اخوي صنفتها؟ اغلب المرسدس تحصل ازرار التحكم في الكراسي متكسره حتى ازرار الشاشه والكومند تعلق كثير
بالنسبه للخامات الداخليه ممكن تعطينا معلومه عنها وش اسم الجلد والخشب وسعره؟ ولا تتكلم اخوي بدون معلومات مجرد كلام تسمعه
اما الابتكارات ياخي قلت لك ابتكارات لكزس كثيره وبعدين وش دخل اودي في الابتكارات؟ لا زينون ولا اي بي اس ولا شي اللهم نظام كوارتر والمنيوم وغيره؟؟ سرق من بي ام حتى تسفيط المرايات ماخذينه ولا صح هذا الماني معليش يسرق
طيب من اول من حط حساس النور؟ من اول من حط شاشة اللمس؟ من اول من حط الزجاج الطارد للماء؟ من اول من حد الدركسون التلسكوب؟ من اول من اعتمد وضع اكثر من كمبيوتر في السياره؟ من اول من ابتكر نظام المساعده على التوقف والخروج من الموقف؟ ياخي لكزس لها الاف الابتكارات فلا تفتي بشي الله يخليك وانت ما عندك معلومه
اما القوه ففيها اغلاط عندك
محرك اللكزس 4.3 ينتج قوه 300 حصان على الجي اس و350 حصان على التيوتا كرراون في اليابان وعندنا بالسعوديه منزوع منه عنصر الالترا لايف فقوته واصله ل 332 ويقدر يوصل لقوه اكبر بكثير بمجرد برمجه
لكن فيه شي انت ما ذكرته وهو العزم وانت ما ذكرته
شف عزم محرك اللكزس 325 lb-ft torque @ 3,400 rpm
هذا كله غير فرق استهلاك الوقود بين المحركين يعني محرك اللكزس اقوى واقل استهلاك
عموما عشان اثبت لك نظرية تفوق محركات الياباني ابيك تعطيني احسن محرك الماني تعرفه
وبالنسبه لوجهات النظر فيه وجهات تكون مدعومه باثباتات فهذي مافيه احد يقدر يرد عليها لكن يجي واحد ويعطينا معلومات غلط ويفتي من عنده بمعلومات غلط ونقول لا انت صح فما اعتقد نقدر نسكت عنه
اما شكل اللكزس مو حلو لوووووول عاد اخوي كل الناس تقول شكله احلى من المرسدس وادخل اي موقع من مواقع اراء الزوار وبتعرف
والباقي اللي يقولون ما يقارن وما ادري ايش تعبت والله وانا ارد فما يحتاج ارد عليهم
أخوي المعلومات اللي عطيتك عن ls 430 ومن موقع الياهو وبالنظر إلى ردودك في كثير من المواضيع تبيني أكذب الياهو وأصدقك ( الحين عرفنا من اللي يحتاج تطوير معلومات) واستهلاك الوقود هذا مهوب عنصر مهم في سيارة قيمتها تتعدا 250 ألف
بالنسبة للإبتكارات شاشت اللمس اللي تتكلم عنها مايوجد فيها نظام tv زي المرسيدس وال بي إم
تعدد الكمبيوترات؟؟ كم عددها طيب وش مصدرك إن اللكزس أول سيارة سوت هاشي؟ ووش السبب اللي خلاها ميزة أصلا.
نظام الخروج من المواقف؟؟ تقصد الحساسات ؟؟ أول من حطها اللكزس؟؟
هذي عاد قويه الله يهديك بس ما ابي ارد عليك بنفس أسلوبك.وعموما في هذي النقطة بالذات نسيت نظام الفرملة الذاتية يعني أثناء تثبيت السرعة على الخط يقيس الكمبيوتر المسافة بينك وبين السيارة اللي أمامك وأثناء حدوث فرملة مفاجئة للسيارة اللي أمامك يقوم الكمبيوتر بإنقاص السرعة ذاتيا .
بالله عليك حط ابتكارات اللكزس هاللي جايبها ومجمعها من هنا ومن هنا وش وش أضافت لأمان السائق قارن بينها وبين ابتكارات السيارات الألمانية وتعرف وش الأهم هذا إذا سمينا ابتكارات اللكزس ابتكارات ياخي ترا محرك الإحتراق الداخلي أساسا ابتكار ألماني والسيارة ككل إختراع ألماني.
طيب اذا أنت تدقق في الحاجات التافهة هذي من أول من ابتكر الستارة الخلفية الكهربائية؟ من أول من ابتكر النوافذ اللي تتوقف عند اصطامها بأي عائق ومن أول من ابتكر تهوية المراتب وتسخين المراتب
قال قزاز طارد للمويه قال .ترا هذي رشه توضع على القزاز الله يصلحك
رح لزيب آرت يسوونها لك ونصيحة قلتلك اترك موضوع الإبتكارات على جنب لأنه رح يسبب لك إحراج كبير.
بعدين الموديل الجديد من المرسيدس رح يكون فيه ابتكار قووي جد وبعد سنتين أو ثلاث رح ينسرق زي العادة وهو الطلاء المقاوم للخدش والذي يعطي لمعان غير مسبوق نظراً لإحتوائه على ذرات الألمنيوم ياراعي المعلومات أنت
بعدين تقول أزراره تكسر هااه حشا هذا مهوب مرسدس هذا هذا كيا؟؟|10|
كم سعر الجلد والخشب هااه؟ أجل انت تعرف كم سعر جلد اللكزس؟؟
بالنسبة لموضوع السرق إنا رديت عليك في ردي السابق إذا تبي تفهم ياخي انا اقصد ان كل الميزات اللي في اللكزس ليست من ابتكارها فرق انه يكون عندك ميزة أو ثنتين أو ثلاث ماهي من ابتكارك وبين أنه يكون كل ميزاتك مأخوذه من سيارت أخرى.
يعني اللكزس سيارة بلا هويه إنما تجمع بين ابتكارات السياراتالمختلفة حتى الكميرة الخلفية من الإنفنتي ماخذينها.
المحرك الياباني؟؟ ياخي المكينة الألمانية يضرب بها المثل لاتقول المحرك الياباني ؟؟
انت تدري إن الجيل الجديد من s350 رح يحتوي على محرك 6 سلندر بدون تيربو بقوة 272 حصان صافي وبعزم قدره 350 نيوتن متر يعني أقوى عزم من محرك اللكزس اللي مبسوط فيه .
بعدين إذا انتجت لكزس محرك بحجم محرك s600 بعد مايسمح القانون الياباني زي ماقلت بعد عمر طويل انشاء الله تعال تكلم عن المحركات ياحبيبي معظم محركات الطيارات ألمانية .
بالنسبة لجمال الشكل ترجع للذوق الخاص ولا يخفى على الكثيرين أن السيارات اليابانية بدأت تقلد التصاميم الأوروبية بل تصمم من قبل مصممين إيطاليين وغيره.
بس فيه ملاحظه بسيطة على شكل اللكزس وأنصح بعدم النقاش في هذا الموضوع لأن الشكل يعتمد على الذوق الخاص عمركم شفتو سيارة فخمة فيها نسافات؟؟|11|
وانا ليس عندي استعداد للرد عليك بعد الآن في هذا الموضوع لأن أسلوبك استفزازي و يعتمد على التشكيك في معلومات الآخرين رغم الأخطاء الواضحة في معلوماتك لأي شخص مطلع في عالم السيارات
وأرحب بمناقشة أي عضو آخر بشرط أن يكون النقاش علمي وبدون انتقاص
