طبعا الأكورد بلا منازع...
المازدا 3 بصراحة شكلها "يفشل"... وكلما أشوف وحدة في الطريق أحس أنه واحد "بزر" طالع من الروضة... خصوصا لما يكون لونها فاقع. أصفر ولا أحمر...
تحس مو ناقص إلا أنه يكتب عليها من برا "الله يخليني لأمي" ويحط صورة رضاعة... :)
إذا كان عندك أخو عمره 5 سنوات... فاقترح المازدا 3 تشتريها وتعطيها إياه !!! :)
أما ألأكورد فشكلها أنيق ورسمي ومحترم... ولا يوجد أدنى مقارنة بينها وبين المازدا 3....
أما المازدا 6... ومن خلال خبرتي فيها... باعتبار أنها سيارة لأحد الأصدقاء(الي عنده 2.0 لتر) ... بصراحة أيضا أقولك ما في مقارنة بينها وبين الأكورد...
أنواع الأصوات سمعتها في المازدا 6... حنة مكينة... وصوت احتكاك الكفر بالازفلت... وصوت هوا... والسيارة تعليقها قاسي جدا ولا فيها أدنى راحة... وبديها قرطاسة... بايدك تقدر تعوره :)
تمسك الخط وتمشي 130 تحس المكينة تصيح جنبك...
وغير كذا... لاحظت أن سلوك الـ RPM حقها غريب جدا... ويرتفع وينزل بشكل غريب وغير مريح...
وغير كذا أيضا لا مقارنة بين شكل الأكورد وشكل المازدا6... إذا كانت المازدا 3 حق واحد بالروضة... فالمازدا6 شكلها يناسب حق واحد بالابتدائية :)
المازدا 6 بصراحة (وعشان نكون منصفين) ميزتها الوحيدة أنها راسية نسبيا بالنظر إلى حجمها ووزنها ومتماسكة في الخط... وفيها موصفات جيدة بالنظر إلى سعرها... بعكس الاكورد الي تشتريها بـ 65 - 70 الف ريال... ولا تجد فيها إلا القليل من التجهيزات الداخلية... حتى تحكم بالصوت ومثبت سرعة في الدركسون ما فيها...
