السلام عليكم
معاي أزيرا 2007 فل كامل بشاشة والسيارة لو اجلس أتكلم إلى بكرة مراح اعطيها حقها
وأنا فخور جدا جدا بها وسعادتي بها لا توصف وصرت أخاف عليها أكثر بكثير من السيارات قبلها
بعد مو مصدق إنها لي
والسيارة جربت نظام الـ ABS فيها وماش شاء الله في المويه فعال جدا جدا جدا والسرعات العالية
لا صوت ولا شيء
بالنسبة للوكيل أنا لسه السيارة ماشية معاي 2400 كيلو وجربت صيانة 1500 عند الناغي ما شفت
عليهم كلام بس أسمع الناس يقولون أزفت وكيل لكن مع الزمن نشوف والله يستر
على فكرة جاني واحد يوم شاف مواصفات سيارتي قال بيبادلني بجيب برادو تويوتا 2005 vx بس قلت لا لأني ما أفكر ببيعها إطلاقا طبعا زميلي بالعمل
أخوكم بندر
اللي يجرب الازيرا يعرف ليش سموها جوهره
انا استأجرت ثنتين الى الحين ومشاء الله سياره رائعه
واللي عاجبني فيها انك وانت تسوقها تحس انها سياره اوروبيه مو اسيويه من ناحية الثبات على المنعطفات وحتى على السرعات العاليه وغير العزل الصوتي اللي تتميز فيه
انا امشي فيها 180 كأني ماشي بأكورد 130
ثبات وصوت الهواء خفيف
وهذا اللي يميزها عن السيارات اليابانيه حتى الكبيره يعني تخيل انها ارسى من الافالون وارسى من اللكزس ES وفي الخط اهدى منهم
هذي الهيونداي اللي يعيبونها الناس , شوف كيف سياراتها راسيه وعزلها قوي ومافيش عيوب تصنيعيه
