قصتي مع سيارتي الباجيرو 2004

حياك الله أخوي البنشري .. وحنا لنا الشرف بإنتمائك إلى نادي باجيرو


تحياتي

Kenny

ا سعد جدابمرورك اخي الكريم ken وانا معك في كل كلمة كتبتها .. انا اخطط في المستقبل اني اطلع باجيرو فل اوبشن بحول الله وقوته ولكن الباجيرو سواء كان الفل او بشن او العادي فهو ذو جودة عالية واعتمادية كبيرة وسعره
فيه وزيادة. انا فخور بانتمائي الى عالم الباجيرو.


تحياتي .. :cool:

أخوي البنشري ...

حياك الله أولاً .. ومرحباً فيك في عالم باجيرو

دائماً .. أي شي شخص يقود سيارة 4×4 يعتقد إنه يقدر يمشي في جميع الطرقات والمرتفعات ... وبعد ما يغرز والا يصير فيه اي شي .. يقول الموتر فيه وفيه ... ولا ينظر إلى العوامل اللي تساعد في إجتياز هذي الطرقات أو المرتفعات.

يعني شغلة تنسيم الكفرات مثلاً.. يمكن فيه بعض الناس .. يقول مالها داعي ... لكن في التطعيس .. تغيير مجرى الأمور 180 درجة .. ويخفف على السيارة والجير .. جهد .. ما تتخيله .. وفي نفس الوقت ما ننسى .. قوة المكينة .. يعني مع إحترامي .. الباجيرو 3.0 بقوة 190 حصان .. هذا ضعيف مقارنة بحجم الباجيرو .. لكن إقتصادي في إستهلاك الوقود. وما ننسى خبرة القيادة في الطرقات الرملية .. أما هذي النقطة .. فهي الأهم .. السواق ثم السواق ثم السواق .. (ياما شفت ناس .. يقصّون بميتسوبيشي لانسر ) مع إن السيارة صغيرة لكن ما عندهم مشاكل ههههههههههههههه

أنا عندي باجيرو ربع 3.8 لتر بقوة 230 حصان .. ومرة رحت أطعس فيه من غير تنسيم ... صح الموتر يشد .. بس يوصل لحد معين .. وبعدين .. يوقف .. وهذا كله لأني ما نسمت الكفرات ... لكن .. لما نسمتها .. والله .. سلاسة غير طبيعية .. وراحة (مع القليل من الخبرة في القيادة في الطرقات الرملية) .. تحس إنك تمشي على طريق معبد.

وأحب أقولك شي ثاني .. إذا رحت الهافمون .. لا تحط في بالك إن كل السيارات standerd .. كلهم ملغمين سياراتهم ... اللي مركب هيدرز واللي مركب دبة واللي مركب بواجي وأسلاك .. واللي مركب غاز .. وعليك الحسبة.

يعني تحمد الله على الباجيرو اللي عندك.

وحياك الله .. وآسف على الإطالة.

مشكور اخوي على القصة الحلوة

الاخ/ عبود 911 شرفني حضورك واشكر لك تعقيبك ..

ذكرت اخوي ان الباجيرو التطعيس فيه يختلف عن غيره .. بس ابغى توضيح اكثر..

يعني اذا لك معرفة اكثر بالباجيرو وطريقة التطعيس ياليت تفيدني .. لان السيارة بتعيش معي سنين ان شاء الله وابغى استفيد من كل قدراتها ..


شاكر لك مرة اخرى وحياك الله ..

والله غريبة هذي انا قريتها بأول القصة أحسبك تعرف للتطعيس


بس نصيحه ترا الباجيرو له أسلوب خاص بالتطعيس حاول تعرفله وتطلع فنان


بس مهوب إذا معك سيارة ثانيه مثل LAND CROSER وتعس مثل الباجيرو انا قلتلك الباجيرو له اسلوب خاص غير السيارات الثانيه

حياك الله اخوي ايسوزاي ..

كل شي في بدايته عسير ومع الوقت تصبح خبير.. ((خبير طعس :cool: ))

اشكر لك مرورك على الموضوع .. |3|

قصه روعه اخوي البنشري/
بالنسبه لي انا معي جيب إيسوزو تروبر2003 ... وكنت مثلك جديد على الجيوب و الطعوس... كنت في البدايات ماعرف شي اسمه تنسيم . حول للرباعي و امش و غرزت كم مره ..واذكر مره غرزت تغريزه مالها داعي و طلعني جيب باجيرو 2004(يمكنه انت :D)

المهم مع كثرة التغريزات أصبحتخبير و صرت أنسم على 20 والحمدالله صرت ما عرف التغريز .

تحياتي

الاخ/ الصقار مرحبا بك

هذا ماحصل بالضبط امام مندوب المبيعات واحد العملاء في مكتب المدير .. طبعا المدير سعودي شايب.

الاخ/ شيف شينكو
حياك الله يالغالي واعذرني اذا ماكتبت اسمك صح ..

في الشتاء ما انسم الكفر ات لان الارض بعد المطر تكون متماسكة ، اما في الصيف احط الكفر الامامي 20 لسهولة توجيه

السيارة والخلفي 18 .. اذا كان الطعس جامد حيل احط الاثنين 18 .. وبعض الاخوان يحطونه 15 او 10 لكن صدقني الباجيرو

مايحتاج انك تنسم كفراته الى هذا الحد .. طبعا الكفرات لازم تكون شد بلاده .. اما اذا غيرتها ماعندي علم .. من قال لا

اعلم فقد افتى ..

وتحياتي للجميع .

قصتك رائعة اخي البنشري..
بس ودي اسألك سؤال:
كم تحط ضغط الهواء بالكفرات لما تطعس؟؟
لأني مره طلعت مع العيال لنفود
وكان معنا باجيرو (حق واحد من العيال)
وكانت المنطقة اللي نبغاها نازلة شوي...
المهم اول ما نزلنا من الطعس وتستوي الأرض الا والباجيرو يالله يالله يمشي من كثافتة الرمل
قلنا للرجال ترى الرمل ما يعاند (اذا عاندته عاندك اكثر)
المهم اننا نسمنا له
وبعدها صار قوي مرة
شال عفش جبناه بـ 3 سيارات وخمس اشخاص (كان فيه اصلا شخصين والباقين كل واحد بسيارته)
ويطلع الطعوس بكل قوة

اعوذ بالله وش هالاسلوب من المدير ؟؟

هذا لازم يفصل فورا

الاخ / عرب

مرحبا بك وجزاك الله خير وشرفتني بمرورك.


الغالي / ديماكس

الباجيرو مايقارن باللاند والباترول لان الوكيل ماسلط عليه الضوء من ناحية الدعاية والعروض . حتى تجربة السيارة لديهم

غير متوفرة .

صحيح السعر رخيص نسبيا بس قطع الغيار مرتفعة اكثر من التويوتا والنيسان . . يعني المسألة نسبية اللاند والباترول

مرتفعة الاسعار بينما قطع الغيار ارخص من الباجيرو .

وشكرا لقراءتك الموضوع ..

الاخ/ الصقار

شكرا على مرورك ونصيحتك يالغالي ومثل ماذكرت انت ان العيب في الوكيل ..

ملاحظة (( حين ذهبت الى وكيل العيسائي على طريق الخبر الدمام دفعت لهم 12000 اثني عشرة الف ريال نقدا وطلبت منهم سرعة اصدار
اللوحة والاستمارة واخبرتهم اني سأحضر بقية المبلغ بشيك مصدق بعد ثلاث او اربع ايام فرفض مدير الوكالة وقال لازم
تدفع اولا المبلغ كاملا ثم نسجلها .. اكدت له اني منتظر حوالة في حسابي خلال يوم واحد فقط وابغى اسلمكم الشيك واستلم السيارة
فورا لاني مسافر للزواج.. تعرفون ايش قال لي : والله هذا ماقاله:
السيارة مثل المرأة اذا انفكت ماترجع ثاني مرة لطبيعتها.. بالله يا اخواني هذا اسلوب مدير وكالة .. وين شركة الميتسوبيشي عنهم ..

اشكركم جميعا مرة ثانية وتحياتي لكم.

الموتر ماعليه كلام

ومن المعروف انه خفيف لانه لا يحتوي على شاصي

وكذلك قوة المكينه وفخامته الداخليه

بس العيب الوحيد الوكيل


ةالخبره في الطعوس لها دور وانا اخوك وتعلم دايم تنسم الكفرات ولا تاقف ابد

مشكور يا خويوالله الباجيرو موتر من جد

لكن ليه مايقارن بال الباترول ولا اللاند كروزر:confused: :confused:

دايم لاقالو باترول يقولون لانكروز

وليه سعره رخيص :confused: مع ان مميزاته عاليه:confused: