السلام عندي مشكلة في سياتي الباترول
عندي اذا عشقت الدبل في الرمال يمشي بصعوبة ويدور الخلفي بسرعة واللي قدام يدور بشكل بطيئ والدبل شغال
انا اعتقد انه من الدفرنس اللي قدام مع العلم مافيه اي صوت يدل على خرابة
قناة السيارات
السلام عندي مشكلة في سياتي الباترول
عندي اذا عشقت الدبل في الرمال يمشي بصعوبة ويدور الخلفي بسرعة واللي قدام يدور بشكل بطيئ والدبل شغال
انا اعتقد انه من الدفرنس اللي قدام مع العلم مافيه اي صوت يدل على خرابة
وعليكم السلام و رحمة الله
اخوي اعتقد ان ماعندك مشكله بس ايش موديل سيارت وايش نوعها وهل بها قفول امامية للدبل لان ماذكرته
طبيعي في السيارة ربما تحتاج الى تخفيف ضغط الهواء على الاطارات فهذا يعطيك دفع قوي لسيارة
السلام عليكم
اخوي فني السيارات طول عمرنا واحنا في الرمال عارفين طريقة القيادة في الرمال بس المشكلة ان سيارتي باترول سفاري موديل 93 باب واحد انه اذا عشقت الدبل فانه لاتدور الكفرات الامامية الا بصوبه جدا مع العلم انه الدبل شغال وانا مركب فرارت في الكفرات اللي قدام ويوجد فيه قفل للدفرنس الخلفي بس المشكلة من القدام وهذه المشكله لم تحدث الا من حوالي شهر وانا اعتقد انه من الكرونه اللي قدام تكون ضعيفه في توزيع دوران الكفرات اللي امام وهل هذا التحليل صحيح.
ممكن تحليلك يكون صحيح ..وممكن يكون من التحضيرة او الفرارات كماتسميها يمكن ماتمسك مضبوط..شيك على الفرارات عند واحد فاهم وعموما انا استبعد انه يكون من الكرونة..لانه لو كان من الكرونة كان سمعت صوت يطلع منها..
بالتوفيق..
فعلا كما قال الاخ تيربو لو كانت المشكله من الكارونه لكان هناك صوت او شي من هذا القبيل وايضا ستكون القوة نفسها ولن تتاثر
ولكن المشكله شكلها في القفول ماتشبك عدل او ان عندك بيرنجات الدبل فيها شي جرب امش مسافة بسيطة بدبل في الشارع شوف فيه صوت او لا
و الطريقة الاسهل انك اول شي تفحس مستوى زيت الدبل و الدفرنش يمكن يكون هناك نقص حاد خلا السيارة تكون بهذه الطريقة
اشكر كل من رد على سؤالي وعذرا عن التأخر في الرد انا فحصت الدفرنس الامامي لقيت فيه مويه لونه زي الحليب اما الفرارات فإني رفعت السيارة والفرارات شفالة ماسكة صح اذا ادرت بالكفر وقف دليل على سلامتها
اما عن الاصوات فأنا لا اسمع اي صوت والمشكله تظهر عندما يكون مرتفع
خلاص الحل معروف الماء هو سبب هذه المشكله دخول الماء يعني ان هناك بيرنجات لربما تحتاج تبديل لتاثرهم بالماء ولكن ربما لاتحتاج ذلك فقط اظهر الزيت القديم كامل وضع مكانه زيت جديد
في الغالب يتاثر الدفريشن الداخلي بالماء حتى لو وضعت زيت جديد
ودي كلامك صحيح يا فني السيارات لأني ماني ناقص خساير انا الان بعيد عن سيارتي الجيب اذارجع الى اهلي ( الديرة ) ابشوف المشكلة.
لكن مافهمت كلامك هذا
( في الغالب يتاثر الدفريشن الداخلي بالماء حتى لو وضعت زيت جديد )
الرجاء التوضيح .
وشكرا لتعاونك .
