ما زلت أقول اللي ما يعرف الصقر يشويه
ومشكلة والله إذا صارت السيارة تقاس بالزينون
أنا مع الجميع في إن الأكورد تفتقد إلى كثير من الأشياء اللي المفروض إنها تكون موجودة ، وللأسف حطوها في الخارج وشالوها من الخليج ، مثل الكشافات والزينون وكمبيوتر الرحلات والجناح ، لكن فيها أشياء ما تلقاها في سيارات ثانية
أولا المكيف اللي موجود في الفل والنص فل ، وهو تحكم مزدوج ، وهي اللي تسبونها طبعا
ثانيا ، أحب أنبه إلى أن الجنط 16 مو 15
ثالثا ، أظن إن الفتحة تكاد تكون شي قياسي في الأكورد بينما الألتيما لازم تاخذ 6 سلندر عشان تحصل لك الفتحة ، وإلا ؟!!!
رابعا ، يتميز قير الأكورد الأوتو بأنه خمس سرعات ، سواء 4 سلندر أو 6 سلندر ، وخل القراندي والألتيما 6 سلندر بقير خمس سرعات بعدين فكر بالـ 4 سلندر |245|
لا تقول لي ، قير الألتيما العادي 6 سرعات ، لأن قير الأكورد العادي في الخارج بـ 6 سرعات أيضا
خامسا ، ما أظن إن أحد يشك في تفوق الأكورد والهوندا عموما على تويوتا ونيسان في الرساوة في الخط ، وهذا شي مفروغ منه
أما إذا جينا نتكلم عن الخامات الداخلية المستعملة في السيارة فرجاااء خاص ، لا تقربون من الهوندا ، لأن لها نصيب الأسد من الشي هذا ، بالذات الطبلون والتخشيبة
أنا ودي تفتح باب الألتيما وتسكره وتفتح باب الأكورد وتسكره وتلاحظ الفرق في الصوت ، عشان تعرف وش معنى ( شغل محبوك )
وبالنسبة لسالفة المسجل اللي أزعجتونا بها ، الظاهر إن الفياقرا والبي إم والكابرس واللومينا وغيرها من السيارات كلها تجي بدون مسجل كاسيت ، فهل هذا عيب فيها ؟ أظن إن جاء الوقت عشان نتظور شوي ونتعامل بالسيديات ، والليملزم على الكاسيت يروح للغرابي ويركب اللي يبي بأرخص الأسعار
والزينون في الكامري مركب في جدة ، وكذلك الحساسات ، وهذي ما فيها فخر
لكن دور لك أحد يركب لك قير من خمس سرعات وإلا مكيف مزدوج في تحكم الحرارة
وأحب أهدي لكم الصور هذي اللي صورتها بنفسي ، كنت راكب في ألتيما في الوكالة في المرتبة الخلفية ، وشفت شي ضاق صدري منه
الجزء الخلفي من مرتبة السواق والراكب ، لاحظوا كيف مركب ، تحس إنه مركب في ددسن موديل 85
لاحظوا الصور ، وتراها مصورة بالجوال يعني اعذروني على رداءة الصور
لاحظتوا الفراغ الواضح ، يعني لو جاء أي ولد صغير ولعب فيه ودخل فيه شي كان من أسهل شي ممكن يسويه ، طبعا مع الجوانب نفس الشي
وتلوموني في الهوندا
أظن إني تكلمت في غالب كلامي عن أشياء رئيسية ، مثل الفتحة والقير والمكيف ، وما عبتوا على الأكورد إلا لأن ما فيها زينون، حتى صار الزينون مقياس لجودة السيارة وكونها تستاهل الشراء أو لا ، مع إنه ممكن يركب في أقرب محل زينة سيارات ، والله كلام !!
على العموم ، أنا من أشد المعجبين بالألتيما ، وأنا اللي اقترح على الأهل إنهم يشترونها ، وللأسف حتى الآن ما طلعت من الوكالة ، وأتوقع إن سواقتها حلوة ، وقوتها أقوى من الأكورد
لكن ، كل شي إلا الأكورد |243|
خلونا حبايب
أخوي الغالي والمحبوب POLITE أحيانا طريقة قراءة الكلام المكتوب تخلي الواحد يشعر بإن فيه مهاوش ، لكن لا تخاف ، نتناقش نقاش هااادئ مثلك |495|
