نيسان - تويوتا - هوندا - متسوبيشي

السكاي اللي اتكلم عليها تقدر تقودها في اي مكان سواء كان حلبة او طريق عام مو حقت سباقات الدراقز ، وبالنسبة للمحركات ابي اسألك سؤال : هل امريكا مو من العالم ؟ هل السيارات اللي في امريكا تختلف عن سيارات العالم ؟ على فكرة ترى بعض الشركات العالمية معتمدين اعتماد كبير على السوق الامريكي ، يعني لو تنهار مبعات امريكا بالنسبة للشركة المعتمدة على السوق راحت فيها ومنها شركة هوندا وازيدك من الشعر بيت ترى السوق الامريكي اكبر سوق بالعالم للسيارات

والله يا عزيزي بالنسبة للكيو 45 هذي سياسة تسويق غلط في غلط من الشركة الصانعة ، ولا تنسى ان اللكزس في بداية التسويق لها كانت تهدى لكبار الشخصيات مجانا كدعاية ولا احلى منها والناس اذا شافت السيارة الفلانية منتشرة مع النخبة خلاص يشترون زيها ولكزس بعد سيارة ممتازة ويعتمد عليها وانا لا اخفي هالشي كن الانفنيتي اللي دمرها هو التسويق الغلط وفرق السنين بين انزال السيارتين اللي يوصل الى 8 سنين وهذي مدة مو سهلة ، لكن انفنيتي قادمة بقوة مع سياسة تسويق جديدة وراح تشوف الفرق في السنين القادمة المقبلة

وبعدين يا غالي من يقول لك ان الانفنيتي اخف من اللكزس ؟ شف الكيو 45 وزنها 1875 كم بالضبط واللكزس وزنها دون 1800 ، وفيه مجلة امريكية وعلى ما اظن انها موتور تريند جربت السيارتين على وقت نزولها وكانت متساويتين في النتيجة مع فرق بسيط لا يذكر ، وبعدين من متى كان وزن الجي اس فوق 1800 .؟؟ وعلى فكرة بعد فرق الاحصنة يبلغ حوالي 40 حصانا لصالح محرك الانفنيتي

اللكزس والانفنيتي كانت طالعة في نفس الوقت لمنافسة السيارات الالمانية ، وشلون تكون انفنيتي مقلدتها ؟ والله العالم من اللي يقلد الثاني والدليل الكاميرا الخلفية والتبترونيك وانوار LED كلها مطلعتها انفنيتي قبل اللكزس

اول مرة ادري ان اللاند 4.7 يطوف الباترول 4.8 ، تبي تتأكد شف عزم السيارتين وبتعرف من اللي يطوف الثاني ، وبعدين تطوير المحركات شي طبيعي ولا تقدر تستغربه ، ليه طيب التويوتا غيرت محرك الاي اس من 3 لتر الى 3.3 لتر ؟ والكامري من 2.2 الى 2.4 لتر ؟ والبرادو من 3.4 لتر الى 4 لتر ؟

وعذرا على الاطالة