لماذا دائماً سيارتنا متخلفة من ناحية المواصفات؟

أخوي ما اقول الا " ما ضاع حق وراه مطالب "
احنا وصلنا لدرجه اننا ما سرنا نطالب بأبسط حقوقنا و نستحي نطلب بها و التجار هنا استغلو الوضع و أنا اقلك ان هذا الشي من حقهم لأنهم يبغو الربح السريع و احا عندنا فلوس زايده و نبغى نصرفها
فا لما نصحى و نعرف وش اللي لنا و وش اللي علينا وقتها راح يبدأ التجار و الشركات المصنعه تعاملنا على اننا أوادم

و بالنسبه للشكاوي فا ما تنفع و الكل عارف ليه
الحل الوحيد اننا نقاطع كل شركه ما تحترم حقوقنا
راح نتعب في البدايه بس في النهايه راح توصل للي نبغاه
و ان شاء الله ما اتمسك عشان هذا الكلاه ;)

شكراً على التفاعل و الردود

و اضيف

بالنسبة للاسعار فمن المتوقع ان تكون مرتفة اكثر من بلدان مثل ماليزيا و امريكا فشركة هوندا على سبيل المثال لديها مصانع في هذه البلدان مما يقلل تكاليف الشحن و الجمارك . و لكن ليس لهذه الدرجة ان ندفع ما يقارب ربع السعر زيادة و بمواصفات اقل. و انا متأكد ان و كالة التيوتا يطلعون على الاقل 15 الف صافي ربح في كل كامري سياحي.

اما بخصوص كلام الاخ
بان السوق عندنا راكدة و الاقتصاد نايم فاحب اقول :

كلامك صحيح و اقتصادنا مو زي اوروبا....بس الناس عندنا تصرف و تصرف و تشتري سيارات بالهبل و ما يلحق ينزل موديل جديد الا الناس متجمعة زي النمل على تيوتا و غير تيوتا وما يلحق الولد يوصل 18 الا قال ابي سيارة
شوف الكامري الشكل الجديد انتشر في الشوارع بشكل غير طبيعي و في وقت قياسي حتى ان الشكل الي قبله بدى يختفى من الشوارع .

انا متأكد ان سوق السيارات عندنا ينافس اسواق الدول الاوروبية و انشاء الله احاول ابحث عن ارقام.

اللي يبي يشتري سيارة بمبلغ و قدره و يدفع اقساط على سنتين و ثلاث و اربع من حقه يطرح هذي التساؤلات بس الظاهر ان الوكلاء عندنا في السعودية يستغفلون المستهلك و يستهينون به و فاكرين زي الاول الناس ما تدري ويش الانترنت وش صاير في الدنيا . لوأن عموم الناس تدري ان القواطي اللي يبعونها عندنا تحت اسم شفرولية هي اصلاً كورية و من شركة سوزوكي ما اشتروها بالاسعار الحالية.

انا كلامي عن السعودية و ما اقدر اعمم على باقى المنطقة بس اتوقع الحال افضل في باقي المنطقة

اول شي موضوع حلو ويستاهل النقاش .. انا برأيي انه لأسباب كثيرة

اول شي بالنسبة للمتحكم في المواصفات كلام اخوي ع البال صحيح

اما عن المواصفات المتغيرة والتي يتحكم بها الوكيل .. فهذي عندنا سيئة لسبب الأحتكار فلو كان اكثر من وكيل للشركة لدينا لوجدت الجميع يتنافس ليحضر افضل المواصفات ولكن في ظل الأحتكار يكون المحتكر مطمئن البال لأنه لا يوجد شخص يأخذ السوق من وجهه لو احضر مواصفات سيئة .. وهذا ينعكس على الأسعار فوجود الاحتكار يزيد من سعر السلع

اما بالنسبة لخدمات بعد البيع فهذا جهل في الموظفين والأدارة لدى الدول العربية مع كل أسف .. فنجد الجميح والتوكيلات لديهم صيانة لشفرولية ومع هذا نجد خدمات بعد البيع سيئة لديهم وهذا لجهلهم .. فلو ادركوا الأساليب التسويقية ومدى فوائدها وعوائدها لدى الشركة كما يفعل الغرب لحرص كل منهم على جذب الزبون بشتى الطرق عن طريق تقديم افضل الخدمات

ولا ننسى ان الدولة أيضاً لها دور في قيمة السلع عن طريق الجمارك .. مثل مصر فالسيارات لديها اغلى من السعودية لو قارنا بسيارتين بنفس النوع والمواصفات وهذا يرجع لأرتفاع الجمارك لديهم

وهناك نقطة لم تذكرها وهي تأخر نزول السيارات لدينا .. يعني يتغير الشكل في 2002 في الغرب وينزل التغيير عندنا في 2003 وهذا بسبب ان الدول الكبرى تعاملنا على ان نحن عالم ثالث فترمي لنا مخلفاتها والذي يبقى لديها من الموديل السابق ترسله لنا على انه الموديل الجديد

الكلام كثير في هذا المجال ولكن اتمنى اني جاوبت على سؤالك

بصراحه ما ادري وش السبب بالظبط

بس اعتقد لان السوق عندنا نايمه والاقتصاد مو مرتفع مثل الاسواق الاوروبيه والامريكيه تطلب اي شي بفلوسها

اخوك كـــــــ717ـــــــام

حسبى الله ونعم الوكــــيل

فعلاً كلامك صح 100% .

يالله حظ الاخرة وبس .

واللة اشكرك على طرح الموضوع وكنت راح اطرحة لاني الى الان ماشفت سيارة عجبتني مثل السيارات الي في اوربا لكن حسبي الله ونعم الوكيل صحيح هم عايشين مثل الناس كل شي عندهم لكن متى راح كل واحد يفكر ويسوي شركات منافسة لكل شركات السيارات والله راح تشوف سيارات على كيف كيفك وطبيعي الشركات تعمل هيك لعدم وجود منافس

هلا فيك اخوي Lumina2005
وشكرا لك على الموضوع الجيد

بالنسبة للمواصفات هناك مواصفات ثابتة يحددها المصنع لكل منطقة مثل :
مواصفات ميكانيكية كتحمل درجة الحرارة وهذا يحكمها مناخ المنطقة.
مواصفات الكترونية كتحديد السرعة طبقا لقوانين البلد المصدر إليه.

مواصفات وتجهيزات أخرى كالمسجل الجنوط والأنوار واللإطارات وغيرها الكثير ,وهذا عندنا يتحكم فيها الوكيل بشكل كبير ومعروف جدا لكي يرتفع ربحه من البيع والمتضرر هو المستهلك خاصة اذا لم يوجد منافس له لهذه الماركة.