سؤال سريع : شلون اخلي كفرات السيارة بارزة للخارج؟

Tareksadoon @user_14917 · 23-10-2004

السلام عليكم

حيا الله الشباب , شخبارهم

الـمـهـم

في حركة داخلة مزاجي لكن ما عرفت شلون اسويها
وبغيت منكم الفكرة الله لا يهينكم

في موضوع قديم للاخ الرائع الغامدي 07
عرض فيه سيارة كوريلا عليها كفرات شئ

الزبدة

ابي اعرف شلون يطلع الكفرات على برى ؟
يعني يخليها بارزة ؟
وين اقدر اسويها ومع الاسعار لا هنتم!!

وتقبلوا تحياتي

7

هاذي الصورة

7

Tareksadoon @user_14917 صاحب الموضوع · 06-11-2004

الف الف شكر شباب على ردودكم الطيبة ..

مــارين
صدقت اخوي اي شئ يخرج عن الوكالة فيه ضرر
لكن ان كان التأثير غير فوري .. ممكن الواحد يتمادى شوي!!
ويعطيك الف عافية

الهاشمي
تسلم حبيبي على الرد
وفكرة تغيير الجنوط يبدو انها الافضل

تورنيدو
ههههههههههه يعجبني اسلوبك
ابشر انشالله لا سويت شئ ابنزله على طول
لكن عندي في الوقت الحالي موضوع قاعد اجهز له .. انشالله يعجبكم
تحياتي

TORNADO @user_4795 KING ZOOM · 05-11-2004

اخوي انا من رأيي

والقاعده الي انا امشي عليها في الوقت الحاااااالي

قل وش هي

((( انك ماتخلي شي يدووور ويلعب براسك )))

يعني الي في بالك سوه مع السياره

والسياره بدالها سيارات ولا تحط هالشي براسك وتقووول ليش

ماسويه برز الجنوووط وتوكل بس بشرط نزل الصور في المنتدى

وسلملم

واسف اذا طولت

الهاشمي1 @user_11954 · 02-11-2004

نصيحتي لك اخي العزير انك لاتغيرها نعم ممكن يكون شكل السيارة حلو بس ح تروح في مشاكل توازن السيارة ممكن يطلع الكفر مع الجنط طبعا من مكانه وغيرها .
اذا انك مصمم عليها انصحك بتغيير الجنوط كما قالوا الاخوان في الردود السابقة وشكرا

مارين @user_1315 عضو · 28-10-2004

السلام عليكم

اي شي يتغير عن وضع المصنع لا بد ما يكون فيه ضرر مع الوقت وتبريز الجنوط

ياثر على رمان العكوس مع الوقت وليس تاثير فوري ويزداد الضرر كلما زاد البروز ويقل كلما قل ...

وتقبل تحياتي

مارين

Tareksadoon @user_14917 صاحب الموضوع · 28-10-2004

والله يا اخواني احرجتوني بردودكم الي تبرد القلب
اشكركم بكل ما تحمله الكلمة من معنى

BAB
اولا اشكرك على ردك ... وزي ما تفضلت الحركة كانت شائعة في الثمانينات
ويبدو من ردود الشباب انها ما زالت متوفرة
يعطيك الف الف عافية يا الغالي

جــمــس
مشكور يا الغالي ردك اكثر من واضح
وصراحة 200 ريال سعر اكثر من مناسب
لكن هل انت متأكد انه الكفر ممكن يطير لا طبيت عليها مطب !!
يعني بما معناه اني ممكن ابيع حياتي !!
وانا ترى مدوام في الغرابي |483| يا ليت تعلمني اسم المحل
واكون لك من الشاكرين يا الغالي

مارين
والله يا الغالي احرجتني بردك الاكثر من رائع مدري وش اقولك
وفكرتك واضحة واضحة
لكن عندي استفسار اكثر من بسيط ,, هل فيها اضرار على السيارة
ما قصرت حبيب البي

مارين @user_1315 عضو · 26-10-2004

السلام عليكم

يباع في محلات الزينه ما يسمى تبريزه وتاتي مقاسين خمسة ملي وثمانية ملي وسعر الحبتين عشرة ريالات الى خمسة عشر ريال

حسب المحل وتقدر تركبها بنفسك ...

طريقة اخرى تفصل في المخارط بسعر ميتين ريال لمن يريد تبريزه اكثر من واحد سم ... مع انه من الممكن ان تدبل الي تباع بعشرة

ريال وتصير اكثر من واحد سم بشرط ان تطول مسامير الكفرات...

اذا اردت تغيير الجنوط لا تحتاج الى شي مجرد تشتري جنوط بروزها على برى حيث ان الجنوط تجي ببروز على الداخل

او الى الخارج او سنتر مثل حقت الوكاله وكل ما عليك فعله ان تذهب لحقين الجنوط وتجرب الين تحصل الي يناسبك

شكل البروز فيه ...

وتقبل تحياتي

مارين

جمــ8100ــس @user_6915 · 26-10-2004

هلا فيك اخوي Tareksadoon

الحركه هذي اسمها تبريز انا مسويها بالجمس
اذا تبي تركب بارز واحد في كل كفر راح يكلفك 200 ريال تقريبا
تقدر تركب اكثر من بارز في كل كفر بس اذا طلعت فيها مطب بسرعه و رصيف راح ينطلق الكفر و يروح يتمشى لحاله

انا مركبها من المحلات الي بالغرابي

bab @user_15231 · 24-10-2004

يا خوي هذي الحركه قديمه وكان الشباب يسونها في بداية الثمانينات خاصه مع النيسان 240 L والطريقه تتلخص في انه يتم تركيب بلوط عباره عن صاموله من جهه ومن الجهه الثانيه برغي وتركب عليها حديده بحيث الكفر يطبق عليها وهذي كانت تباع في محلات الزينه بس الحين ما ادري اذا كانت متوفره

Tareksadoon @user_14917 صاحب الموضوع · 23-10-2004

اشكرك من الاعماق اخوي على ردك الكريم ..
اذا كان على الحصى لا تخاف ..
لكن شكل السيارة بيطلع روعة ,, خاصة لو كان عليها جنوط نيكل , او مروحة !!

عموما انتظر بقية الشباب مع خالص شكري وتقديري لك
تحياتي

Initial D @user_10972 · 23-10-2004

والله ياخوي أنا ماعندي فكره وين يسونها بس أعتقد انه يستخدمون (( الويل سبيسر )) وهو اللي يخليها بارزه على برا ..
بس انا ما انصحك فيها لانها مثل ماتقول إذا مشيت في شارع فيه حصى صغير يعلق في التاير وبعدها يطير على بوية السياره الجانبيه ويشمخها لك ؟؟ ومع الوقت بيخرب عليك الصبغ من كثر الشموخ ؟