سؤال لأصحاب الخبرة في الكومارو والفاير بيرد .. فقط لأهل الخبرة .. بليز بدي ردود قوية

سايـCyberXـبركس

قطع الفاير بيرد من موديل 98 وفوق تركب عليها قطع الكمارو حتى البراغي والداخليه كله كله يركب عليه قطع كمارو اهي نفسها كمارو بس الفرق بين الفاير بيرد والكمارو خفة الفاير بيرد وقطع البدي مالت الفاير بيرد مو متوفره بالسعوديه على قولتك لكن كل شي متواجد اهني

واحب اقولك المحل لى عرض الفاير بيرد كلها اسبوعين او اقل وتنباع حتى مواقع السيارات متوهقه كل ما تعرض بونتياك ترانز تنباع

وعلى فكره الفاير بيرد مو كورولا علشان تكرف فيها كرف وتهملها وتمشى معاك صح .... لأ ومليون لأ هذي سبورت ويبيلها عنايه وفحص وتبديل زيوت بإنتظام وماء الراديتر اهم شئ بالنسبه للترانز واكرر ماء الراديتر ..... واحنا بالخليج مو بنيو يورك :)

والاختيار يعود لك

----------------------------

بالنسبه للكمارو SS موديل 98 عالاقل فهذي اسعاره بالكويت :

كمارو SS موديل 2000 قير عادي - كامل المواصفات لون اسود سعره : 59.400 ريال سعودي

كمارو SS موديل 2000 جلد - بدون لوحات - قير عادي - فتحتين لون رمادي سعره : 69.600 ريال سعودي

كمارو SS موديل 2002 كامل المواصفات لون سلفر سعره : 65.400 ريال سعودي

---------------------------

اذا تفكر بالكمارو العادي موديل 98 عالاقل فهذي اسعاره بالكويت

كمارو موديل 98 كامل المواصفات - جلد - سي دي - اوتوماتيك - فتحات - جنوط نيكل لونه أخضر فاتح وعليه خطين بيض وسعره : 46.200 ريال سعودي

كمارو موديل 99 عداد 53 ألف كم - اوتوماتيك - مخمل بيج لون ابيض سعره : 41.400 ريال سعودي

كمارو موديل 99 كفالة سنة - Z28 لونه سلفر سعره : 56.400 ريال سعودي

كمارو موديل 99 فتحات-جنوط نيكل-اوتوماتيك لونه ازرق وعليه خطوط صفر وسعره : 51.600 ريال سعودي

كمارو موديل 2000 فتحتين - اوتوماتيك لون سموك سيلفر سعره : 57.600 ريال سعودي

كمارو موديل 2000 فتحات-اوتوماتيك لونه ابيض وعليه خط برتقالي على فتحة الكبوت وسعره : 55.200 ريال سعودي

كمارو موديل 2000 كشف لونه سلفر سعره : 67.200 ريال سعودي

كمارو موديل 2002 قير عادي لون نحاسي سعره : 62.400 ريال سعودي

------------

واي شي ثاني انا حاضر

والله أخوي انا كان معاي ترانز96 ستوك قيرعايدي 6 نمر
وبصراحه سياره حلوة وعلى الخط يجيب فوق 260 كم بس اخوي الي كان مبهذلني قطع الغيار مو متوفرة هنا بسعودية بذات قطع غيار البدي
بس الصراحة السياره مره كشخه بين الاسبور من ناحية الشكل والله يوفق......... للخير


وعلى فكرة أخوي تراني جربت مع كومارو كذا مره...ستوك
وا نتيجه لصالحي |584| |458|

أنا كان عيني عالبونتياك الفايربيرد قبل الكومارو بس لمن نزلت السوق أدور عالسيارة مالقيتها !!
لقيت البونتياك بس كلها عادية ماهي أعلى نوع
غير انه دايما في جدة ألقى الترانزام في الورش مادري ليه !!
بس الكومارو كل ماانزل السوق أشوف 6 عالأقل
بس ماني داري والله
انا افضل الكومارو
لأنه قطع البونتياك ماراح أجيبها إلا طلبية من برا السعودية
وأنا ماقدر أخلي السيارة واقفة لمدة شهر في ورشة لأني محتاجها دايما
بس اخوي تعرف كومارو معروضة للبيع تكون SS وتكون موديل 98 عالأقل وتكون نظيفة ؟

سايـCyberXـبركس

العفو وحياك الله يالغالي بأي وقت

بالنسبه للاختيار مو شرط تروح للوكاله ..... اذا قطع الترانز ام متوفره بالتشليح مثلا اخذها لكن اذا انقطعت القطع عن التشليح تطلبها طلبيه وتوصلك يمكن خلال شهر كحد اقصى

اما اذا تبي سياره لها وكاله تروح لها فهو راجع لك يالغالي اخذ الكمارو وعلى فكره انا اعرف موقع يبيع جميع قطع الكمارو بكل الموديلات بس قطع مستعمله ولا اعتقد السعوديه مافيها قطع كمارو لانه ما شاء الله كثير عندكم كمارو

وانا ما اقدر اختار لك بعدين يكون بخاطرك شي انت كنت ناوي عليه

وبالتوفيق يالغالي

ويبدو اني حيرتك

لكن تبي من ناحية القوه بينهم الترانز ام فايربيرد Ws6 موديل 98 وفوق |277|

وعلى فكره اذا انت ناوي على سبورت يبيله عنايه عنايه !!! وحتى لو اعتنيت ممكن تخرب عليك قطعه وما تحصلها وتبتلش بالسياره

NYC مشكور يالغالي على هالمعلومات بس ألحين حيرتني أنا كنت ناوي عالكمومارو لكن ألحين تقلي ترانزام !!
والمشكلة كمان مالها وكالة البونتياك في السعودية

تحياتي

شوف السوبرا تون تيربو مو العادي يعني قاومت مع كمارو 69 مادري ملغوم ولا لأ وقامت الكمارو فزه وقومه !!!!

وبالنسبه للهونداي ما اعتقد فيه حيل على الحصان الامريكي وحاله حال السوبرا بس السوبرا تقوم على الهونداي شي طبيعي (ستوك)

اما القومه بين كمارو SS والموستنق 8 سلندر واثنينهم ستوك ما ادري عن الفزه بس الخط للموستنق

((لكن لو تاخذ بونتياك ترانزام Ws6 نوع رامير بو فتحات على الكبوت -- سلم على المواتر اللي ذكرتها انت لانه انسى احد يقوم عليك من هالسيارات اللي ذكرتها)) بس مشكلة الترانز قومتها شوي بطيئه لكن عالخط سلم عليهم

طيب بدي مقارنة بين الكومارو SS موديل 98 والفورد موستينج 8 سليندر موديل 98 والسوبرا 98 وأعلى نوع والهونداي الكوبيه أعلى نوع مثلا
يعني مقارنة بين الكومارو والهونداي الكوبيه والموستينج والسوبرا (مقارنة بين الفول أوبيشينز وموديلات 98)
ويسلمووو عالمساعدة

العفو وحياك الله يالغالي

والله يسلمك

واذا بغيت اي معلومه او اي خدمه حاضرين

يسلمووووووووووووو NYC على الرابط والمعلومات المفيدة خصوصا CRASH CHECK شي جديد عليا
مشكووور مرة تانية على الرد لاهنت

تحياتوو

مادامك اخترت كمارو هذا موضوع كامل عن الكمارو من اول نشاتها لحد الحين على الرابط

http://www.assayyaratnet.com/forums/showthread.php?t=50376

وبالتوفيق وانشالله تحصل المعلومات الكافيه

سايـCyberXـبركس

الله يسلمك يالغالي

وبالتوفيق بالكمارو

بس اهم شي افحصها كمبيوتر وروح مع ناس تفهم بالسيارات المدعومه واذا بغيت تروح تاخذ سياره لا تاخذها وقت بليل يمكن ما تشوف الصدمات اخذها على الصبح جذي

واخذ احتياطك في قطعه مادري بالسعوديه موجوده ولا لأ اهي لونها احمر بحجم الولاعه تحطها على مكان مكين على البدي الخارجي اذا عطاك اخضر يعني بدي سليم ما اندعمت واذا اصفر يعني دعمه خفيفه واذا احمر يعني ورا البدي بلوه واسم الجهاز : CRASH CHECK

وبالتوفيق

-----------------------------

HSV_GTS :

هلا والله اخوي

بالنسبه للـ drag strip

اهو 400 بس صكروه وخلوه 200 بس !! حق البطولات بس 200

يمكن الموسم هذا يفتحون الـ 400 في مضمار سالم الصباح

واختبار الداينو هذا موجود بس مادري وين روح المظمار واسئل يفيدونك اهناك

بالتوفيق

اخوي هل صحيح ان راح يفتحون 400 متر drag strip؟
انا اللي اعرفه عندكم 200 بس.

يالله تراني ابي اجرب ال400

شي ثاني , هل في عندكم Dyno test؟ جهاز قياس قوة السيارة والعزم للتاير الخلفي؟
انا فالشرقيه يعني زي ما يقولون حذفة حصا وانا عندكم :)

يسلمووو يالغالي NYC
مشكلتنا في السعودية ماعندنا وكالة لبونتياك هههههههه القطع ماهي متوفرة للسيارات الجديدة الي نازلة بعد ماوقف تنزيلها في السعودية .. بس انا عاجبتني الفايربيرد لكن هذي المشكلة الي موقفتني عن شراها (قطع غيرمتوفرة) ههههه
والكامارو انا ان شاء الله لو نويت عليها بأخذ أعلى مكينة الي انت قلت عليها LS1 علشان الشغل يجي حامي

يسلموو كتير كتير على ردك يالغالي .. الله لايحرمنا من هيك طلاات

واتمنى توفيق اخوي سايـCyberXـبركس بالحصول على المعلومات الكافيه

واحنا ترا بالكويت تحصل قطع الفايربيرد والفايرهوك والرامير والـ Ws6 من البونتياك وغيره وغيره من الانواع لكن اقوى نوع من البونتياك ترانز ام هو Ws6 وهو ستوك وحش


وانا من ناحيتي بالكويت انصحك بالفاير بيرد او الـ Ws6 او الرامير ولكن مادام مافي قطع ما انصحك بالسعوديه تاخذها وانصحك بمحرك LS1 من كمارو 98

وبالتوفيق

مشكور ss nightmare على الرد وصح التلغيم راح يعدم السيارة سواء كمارو أو فايربيرد ههههه

تحياتي

هلا اخوي سايـCyberXـبركس

زي ما قالو الشباب خذ لك كمارو 98 و فوق لانه افضل من القديم من ناحية الخرابات و قطع الغيار

والفايربيرد بالرغم ان مكينته نفس الكمارو لكن بعض القطع تختلف و مو موجودة بالوكالة

وعالم التلغيم اخوي واسع والخرابات واردة وكل ما تعمقت بالتلغيم الخرابات راح تزيد

والله يوفقك انشاءالله واي سؤال حاضرين

تحياتي

هلا أخوي LS1SS4ever
مشكور على معلوماتك القيمة كتير كتير

طيب ممكن سؤال

الكومارو 98 هيا أخر شكل للكومارو .. ولا نزل بعدها شكل تاني ؟؟

تحياتي لك

اصلا الفايربيد نفس مكينة الكمارو بالضبط الاختلاف بس في الشكل الداخلي والخارجي بس هي اثقل من الكمارو ب 200 باوند وانا انصح بالكمارو 98 سكله احلى ومينته افضل واخف في الوزن من الشكل القديم وعزمه جبار قطع البدي موجوده والغيار ايضا بس البونتياك البدي مش متوفر لان الوكاله ماجابته واي سؤال حاضر ارسلي بالرسائل القصيره