اكمل مابدأه زميلي بالمنتدى واحكي لكم بعض المعاناه التي عانيتها مع بالبيد
اشترينا سيارة بيجو موديل2000 من نوع 406
طبعا لما شافها ابن اختي بالمعرض انبسط وكانت the one مثل مايقولون
وكانت من جد خبااااال المهم طلبنا السيارة وجات بعدها باسبوعين
تعرفوا اول مايطلع الواحد السيارة ينعمي ومايبغى يشوف اي شي يعيبها
المهم يوم طلعها من باب الوكالة وراح بها البيت نزل يجلس بالسيارة والا يطالعولا العداد 1020كم طبعا هو ماقال شي (لان ابوه بالقوة طلعله السيارة) وكمان بالدريكسون ومايلاقي مفاتيح التحكم
بالمسجل طبعا اخينا طرطع رجع للوكالة وحكاهم من طقطق الى سلام عليكم وانه هو اختار السيارة تكون بازارير تحكم
تعرفوا وش ردوا عليه؟ قالوا له انت مادام طلعت من باب الوكالة نحن مالنا اي شغل ومالك شي عندنا
من هنا من هنا قالوله هذا الموديل اللي انت شفته انتهى عشان كذا اذا تبغى هات السيارة وتنتظر شهر طبعا دورني عمرك 19 سنة وبعد ماتجيك السيارة تتركها انسى المهم وراحت الايام وجات الايام والسيارة ماشية 4000 ويحس فيها زي التنتيع وصوت مو طبيعي وداها الوكالة قالوا بواجي
ياجماعة بالله فيه سيارة يتغيرلها بواجي بعد 4000كم انا اللي اعرفه اقل شي40000كم المهم اخينا غيرها
بعدهانزل نزل عندنا مطر وصار السقف يخر موية تخيلوا محل الانتن اظن اصحاب البيجو عرفو فين مكان الانتن
يعني تقريبا فوق القير من السقف تصدقوا؟مخروق ياجماعة راح للشركة وعملهم دوشه حتى صدقوه يعني كانوا مكذبينه وصلحوه على الضمان
ويوم من الايام اخوي ركب معاه وصار يساله انت ليش سيارتك غريبة مي مثل باقي السيارات قاله ليش تقول كذا قال لماتفتح المكيف الكهرباء تغمز؟؟؟ وكمان المسجل مختلف
تصوروا ياجماعة المسجل اللي كان راكب توليف والله حرام توليف مهو مسجل بيجو حتى
المهم راح للشركة ودخل لمدير الصيانة اسمه نشأت وهو الى الان مدير صيانةبالبيد بالمدينة كلمه على المسجل قاله هي تجي كذا من بلدها كيف ماكيف المهم خرج وقاله والله لا اشتكيك على وزارة التجارة طبعا دورني حماية مستلهك بالسعودية؟ والمدينة كمان؟؟ تعرفوا اش رد عليه نشأت قاله والله لو تلف الدنيا كلها ماراح تاخد شي
المهم راح وزارة التجارة وحصلت اتصالات والا هو لمادخلها الصيانة اللي بعدها قاله مدير الصيانة شوف
تبغى المسجل تتنازل عن الشكاوي ولا ماراح تاخد ابيض ولا اسود رضي واخذ المسجل لما جاء يركبه قالوا له نركبلك هو من دوت ضمان يعني لو انحرقت الضفيرة يقعد يغني ظلموه؟؟؟؟؟ وانتهى الموضوع على كذا وما ركبه
اما عن سيارتي كابريس 2003طبعا اول ماشتريتها جهاز التحكم حق الزجاج اللي عند السائق محروقة ولمبات الفرامل مافيه ولما غيرت الجهاز برضوا ما اشتغل ورجعت ثاني وغيرتها والى الان باعاني منها مافي فايدة
المهم بعيد الشر عنكم سويت حادث (صقعت برصيف) وديتها الوكالة وقلت شيكوا على المقصات والادرعة بعد ماخدت السيارة يقولوا السيارة كانها خارجة من المعرض ووالله الصوت اللي كنت اسمعه لسة كان موجود المهم مااتطمنت رحت شركة بردجيستون تعرفوا ياشباب الشاسية مطعووووج من تحت والالادرعة الخلفية كانت مفكوكة بالله عليكم هذول شافوها؟حرام عليهم فلوسهم ان شالله وغير كذا في نفس الصيانة كنت حاطط في السيارة cover للطارة طبعا مالقيته ولما رحت اكلمهم يقولوا راجع الامانات بس استحيت اسال عن حاجة بـ25ريال
المشكلة مهي بسيارات كابريس او بيجو المشكلة بهالوكالة المهملة
والله ياشباب انها شركة زبالة بما معنى الكلمة ولو تسمعوا القصص اللي انا سمعتها وربي لايترفع عندكم الضغط
وهذا ببالبيد المدينة مدري عن باقي المملكة
اخوكم JUDGE_LTZ
