تكفون ياشباب.. أبي حل لمشكلة الأنوار الأماميه!

تقدر تروح لمحلات تلميع السيارات وبتحصل عندهم الحل يقدرون يزيلون الترميل اللي بالانوار بنسبة 80%وترجع وكانها جديده في محلات مشهورة ومعتمده مثل محل عيادة السيارات لاصلاح الزجاج هذا تلقاه بشارع الملك سعود وعندك ارمز شارع القطيف اللي يمر على خضرية الدمام ومستشفى الامل واعتقد التكلفه تقريبا 120 ريال وهناك محلات تلميع عاديه ايضا تسويها مثل محل تلميع شبح شارع الملك عبدالعزيز بالدمام واذا تبي توفر اكثر في شارع الملك سعود يبيعون ملمع خاص للانوار المرموله قيمته 50ريال بس يبيلك تقرا التعليمات وتطبقها وان شالله راح تستفيد كثير منه.

السلام عليكم


اخووووي اذا النور تعبان من العج

روح محل الزينه اللي في القطيف في التوبي ( الكفاءة العاليه ) يزبطه لك بحوالي 60 ريال

و انا سمعت ان شغله نظيييييييييف


تحياتي |183|

يجيب الله الخير

أخوي BMW735i

مشكور يالغالي على مرورك ومشاركتك.. وأنا أتفق معاك بالنسبة لكلامك عن الزينون 100% بس من وين ياخوك! العين بصيره واليد على قد الحال ولله الحمد :)

وأنا كلما أشوف جماعة الزينون (شد بلاده) على الخط أتحسر وأقول في نفسي الله يعطينا مثل ما أعطاكم :rolleyes:

مشكور يالغالي وفي أمان الله

ركب زينون ، صح غالي لكن صدقني قيمته فيه ، عينك ترتاح و تمشي بكل ثقة في خطوط السفر خصوصا السريعة ، ،، واللي ماجرب الزينون في خطوط السفر ، فوت على نفسه شئ كثير
بخصوص التركيب ، في موضوع متكامل موجود في المنتدى

مشكور أخوي مزوح عالرد ويعطيك العافيه

أنا عمري ما حطيت فيري أو أي شي ثاني والظاهر انو البهتان بسبب الأغطيه نفسها لأني جربت بعض الشموع التجاريه اللي يقولون عنها (زينون) الزوج بـ 30 أو 40 ريال أكثر من مره ولكن بدون فايده! والمشكله انو الأغطيه ماتتغير لحالها.. يعني لازم أشتري النور كامل علشان أغير الغطا.. قيمة النور الواحد أكثر من 700 ريال في الوكاله.. واحنا يالله نوفر فلوس الزيت والبنزين ;)

مشكور مره ثانيه يالغالي على مرورك

وفي أمان الله

اذا كان البهتان في الاغطيه فهذا اتوقع من استخامك (للفيري) اللي يحطونه على الوجهيه........فاتوقع لازم انك تغير الاغطيه..
اما اذا كان البهتان في الشمعات فهذا عيب في الصنع وسو له زي ما قال اخوي العميل السري تنظيف وما راح يكلفك....

اتمنى اني افدتك..
وتحياتي

يعطيك العافيه أخوي العميل السري وما تقصر ياغالي

راح أنتظر منك بقية المعلومات ومشكووووور مقدما وأعذرنا لو كلفنا عليك.. بس على فكره، ترى أنا من الشرقيه ياخوي.. وأنت الظاهر من حبايبنا أهل الرياض :)

عالعموم أنا في انتظار بقية المعلومات.. وفي أمان الله عزيزي