تحية طيبة أيها الأحبة؛؛؛
اسمحوا لي يا شباب لو أزعجتكم شوي.. يا إخواني أنا عندي مشكله في سيارتي وأتمننننننى أن أجد من يستطيع إفادتي.. والمشكله كالآتي:
سيارتي لومينا LTZ موديل 2001 والمشكله عندي في المكيف. بدت المشكله قبل ما تكمل السياره 60000 ألف بقليل. وكانت تظهر على السياره بشكل قليل في البدايه بمعدل مره واحده في الشهر مثلا.. المكيف عندي يقفل تماما وانا عالخط السريع! يبدأ ضغط الهواء بالإنخفاض تدريجيا إلى أن يتوقف تمااااااااااما ويبقى فقط صوت ضغط الهواء المحبوس داخل ممرات المكيف لدرجة اني اشعر احيانا ان فيه شي يبغى ينفجر في المكيف من شدة صوت ضغط الهواء!! وما يرجع المكيف إلى وضعه الطبيعي إلا إذا رفعت رجلي عن دوسة البنزين لمدة خمس ثواني تقريبا وبعدها تصير الأمور طبيعيه وأقدر ازيد السرعه.. ومعظم الأوقات الآن تتكرر نفس المشكله أكثر من مره في الدقيقه الواحده وأضطر أعيد نفس السيناريو.. أرفع رجلي عن دوسة البنزين وأستنى حوالي خمس ثواني وبعدين أكمل مشواري.. وعلى هالحال!
في بداية المشكله كان الهواء ينقطع من فوق بس (جهة الوجه) وتبقى فتحة الأقدام شغاله وتطلع هواء.. وأنا من أول يوم طلعت فيه السياره إذا شغلت المكيف اوزع الهواء فوق وتحت.. والمكيف شغال عندي ليل ونهار وصيف وشتاء.. وحتى لو باروح مشوار دقيقتين لازم أشغل المكيف. والصراحه المكيف كان ولا يزال شي رهيب وباااااااارد زي الثلج (عيني عليه بارده)!
المشكله زادت في الفتره الأخيره وصايره تتكرر مرات كثيره في اليوم الواحد حتى لما تكون سرعة السياره 100كم بس أو حتى أقل من كذا.. وطبعا لما اخدت السياره لبلدية الجميح في بداية المشكله قالوا لي السياره سليمه 100% وما فيها اي مشكله في المكيف!
مادري إذا كان فيه احد من الأخوه المحترمين صايره له هالمشكله او سامع بها من قبل ويقدر يفيدنا.. أكون لكم شاكر جدا اخواني.. وحتى لو ما رديتوا برضو مشكورين ويكفي انكم اهتميتوا وشاركتم بالقراءه :)
يعطيكم العافيه ومعذره عالإطاله يا اخواني!
في أمان الله
