كاتب الرسالة الأصلية Initial D
والله ياخوي أنا عندي سوبارو امبريزا 2003
سياره روووووعه من كل النواحي
خذتها كامل المواصفات : فتحه + كراسي رالي + رنجات + سكان مومو+جناح WRX + جير عادي
بس بـ53000 ريال
بمحرك 2000 سي سي وبقوة 125 حصان
صحيح انها مو قويه بس على الاقل يوم جربت مع الكامري الجديده قومه وخط رحت عنها في القومه أما في الخط فكان تعادل(( طبعا الكامري كانت بـ170 حصان تقريبا وبجير تماتيك ))
السياره فيها ثبات عجيب في اللفات والسرعات العاليه
على الهاي ويه ثباتها أكثر بكثير من منافسينها اللي هم الكورولا والصني وغيرها من اللي في حجمها لانه تصميمها ممتاز وانسيابي خصوصا لما تشوف الرفارف المنفخه قدام وفي الخلف (( طبعا قدام منفخ أكثر ))
السياره قليلة مافيها مشاكل كلش ... على كثر كرفي لها (( أنا إذا جاتني الحاله ما أرحم خصوصا إذا تأخرت على الدوام ))
ألحين ماشيه عندي حول الـ75000 كم وماعمري غيرت لها شيء غير الزيت وفلتر الزيت ...
بس بقولك عيوبها:
فيها شوي صرفيه للبنزين لانها دفع رباعي
وإذا تتمشى فيها أقل من 20 كم لازم تدعس دعسه خفيفه على الكلج علشان ما تنتع السياره كل ما أشتغل كومبريسر المكيف وطفا ..(( هذا بس في الجير العادي أما التماتيك لا ))
من ناحية الوكيل : عيبها ان قطع غيارها غالي في حالة صارت دعمه للسياره أو شئ
من ناحية البيع : تطيح قيمتها بس إذا أنت من النوع اللي يشترى ولا يبيع أنصح فيها لانها سياره روووووووووعه لما تقارنها بغيرها
وبس واتمنى اني افدتك
بس اذا تقصد دبليو ار اكس بيتغير الكلام شي ثاني :)
وانا بعد هذا الي جربته مع سيارتي بس كانت الماكينه مكتومه وركبت لها رام اير وعطاني فرق حلو بس اثر علي في الخط ماصارت تجيب 220 بسهوله صار اصعب شوي
