مقارنه من حيث الثبات كامري او ماجنا او اكورد

كلاااااام سليم :D

أي مانجا أي خرابيط غير الكامري أو الفيكتوريا ما أرشح

يا ولد الكامري الكل يشهد لها بالثبات وخاصه موديل 2002

ثابته بس عيبها إذا زحفت شف العكسيات والعقد والزحفات

خذ مني يا ولدي ، لا تقول مانجا ترى بعدين يحسبون أنك

تبي تأكل مانجا عرفت كامري أحلى منك مافي أجل نعجبك

انا مجرب كل السيارات بصراحة ارس شي الماجنا مشاء اللة ليش لانة بخذ فيها لفات علي 110 وماحوص السيارة عكس
الكامري الي عند 120 تشو ف الموت تبد السيارة ترجرج وتحذف واتحد اي واحد معة كامري لهذا الكلام الكور كمان راسية مشاء الله
بس الكامري شكل علي الفاض لا قوة ولا رساوه

شباب ممكن سؤال واحد

وش ارسى

الكراون فكتوريا ولا الاكورد ؟؟؟


ما يبيلها كلاام ولا يبيلها فلسفة الفكتوريا ارسى

ويمكن يجي بعض المتعصبين ويقول لا الاكورد ارسى

علشان كذا بقول الاكورد ولا اللينكون

طبعا و لصقا اللينكون ارسى

و بمراحل بعد

الاكورد راسية بس كلامنا من الارسى

اللينكون تطامر و تناقز بالخط والاكورد لا

بس من ارسى
اللينكون
الكامري يا شباب راسية والله بس لاكن هي لينة علشان كذا تناقز صحيح تميل و ترجع على طول لما تشط سيارة بس لكن اشطف و انت تمشي 240 حتى لو مالت شوي بدرجة مو ملحوظه بس محسوسة
والكامري زي اللينكون بالنقطة هذي

بس ارجع و اقول الاكورد ارسى بشوي علشان ما تقولون متعصب بس فكرو بكلامي شوي وهي فكرة و يمكن اكون غلطان فيها

بكل صراحه الاكورد استطاعت ان تحرز ارقام مميزه في المبيعات

وملكت تفكير الكثير من الشباب

وعن تجربه الاكورد راسيه وتتميز بكذا كمان

تحيه

الاكووووووووووووورد ما يبيلها كلام .............

في الرساوه والثبات ..

السلام عليكم ..
..
شيء لم أتوقعه .. من أشخاص وأعضاء ذوي خبرة كبيرة في مجال السيارات ..
..
من قال الوزن له دخل بالرساوة .. صحيح له داعي لكن هناك أمران أهم بكثير .. هما
1- أنسيابية السياره ونظام التعليق ..
2- الكفرات عامل مهم مهم مهم جداً ..
..
أعتماد جزئي على الوزن الأنسيابية وذلك عن طريق أصطدام الهواء بالسياره وكمان معدل انخفاض السياره ..
..
وأعتماد كلي على الكفرات حيث انها اهم عامل في الثبات .. سيارتي كان عليها كفرات من نوع ميشلان بايلوت برايمسي .. السياره كانت ثابته بشكل فظيع وملفت للنظر والله ثم والله أني أدخل منعطف حاد جداً على سرعة 180 وفي نفس المسار يعني مو أكون بالوسط وأروح اليسار أو اليمين عند الأنعطاف والبقاء بالمسار خطير جداً ..
والله ربي ماكذب السياره ثابته لا يمين ولا يسار ثبات مهوول وهذا الكفر نوع عادي ليس برياضي !!
وطبعا السياره ثابته والكل يشهد لها بفضل نظام التعليق الخشن .. وعلى فكره انا كنت اقوم بهذا العمل على اخر أيام الكفرات وراح أصورها وأرويكم كيف ممسوحه ومشمسه يابسه من الشمس .. يعني خربانه .. والله ما كان باعوا الكفر وهو بمقاس 16 205 55 بقيمة 480 في محلات الطارات وعند الوكيل 503 ريال ..
..
لما ركبت من قبل 3 أسابيع كفرات من نوع دنلوب نظراً الى الميزانية 2000 ريال للكفرات غالي فقلت راح أركب نوع رخيص وممتاز ولكن ليس من الأنواع الرديئة جداً مثل : سوميتومو . فالكون . فايرستون . ون لي . فدرال . يوكاهاما . ميكس ماكس . ناكتي . .. هانكوك ..
..
قلت راح أركب نوع محترم .. بريلي أقل كفر قوة عندهم على مقاس السياره 850 ريال .. الميشلان بايلوت 480 .. الجودير 380 .. البرجيستون بجميع الأنواع لاتقل عن 350 على مقاس السياره .. التويو اقل شيء 330 .. الدنلوب 320 وركبته بـ 300 .. طبعاً الأسعار عند محلات الأطارات وليس الوكيل ..
..
ركبت الدنلوب من نوع SP SPORT 9000 بنفس المقاس نقشه رياضية يعني الواجب أثبت .. والله ثم والله جربتها من يوم ركبتها علطول .. وأنا راجع البيت أضرب بها بريك من قبل صوت الكفر ماتسمعه .. والحين كأنها كابريس قديم جاي مسرع وضغط بريك سيئة جداً في البريك ولا كأن فيها ABS + EBD +EBA .. تزحف علطول وABS حسيته اخترب على أقل ضغطت بريك يشتغل ..
..
الثبات والله امشي في منعطف قوي 130 والله بغيت أخذ الرصيف من قلة ثبات الكفر وليس السياره السياره أدت الي عليها ما شاء الله .. ولكن بالميشلان غيييييييير الف مره ..
..
قلت انا يمكن الكفرات جديده خليتها أسبوع .. ويوميا أفحط فيها كان تروح الطبقة الجديده للكفر وياليت تفحط مره ماتفحط تقول ستريت سلك ..
ولاتغير شيء بل زاد أخس وأخس ..
..
وكمان كفر مزعج بشكل فظيع أمشي 20 كاني 160 من الأزعاج .. وكمان صارت قومة السياره ثقيلة حيث ان ضغط السياره يرتفع بسرعه ملحوظه دون تحرك عداد السرعه الأ شيء قليل .. بعكس من قبل السرعه كأنها ضغط في مشيها ..
من قبل أمشيء 120 الضغط على 3 الأ شوي والقير في الخامس .. والن 120 الضغط 3 وربع ..
..
بس ماعليك فكيت الكفرات وركبت الميشلان القديم وأنا مرتاح والدنلوب موجود بالحفظ والصون بس اقول حسافة الفلوس الي اندفعت فيه ..
..
..
أنا قلت هذا الكلام لأيقاظ الوعي وألأعتماد على الكفر اكثر شيء في الثبات .. شوف الفرق في الثبات بين الأكورد طيس لأن عليها دنلوب .. والأكورد الجنوط الي عليها مشلان شوف فرق الثبات الشاسع ....
..
انا جربت الكامري والأكورد ..
..
الأكورد أثبت بالمنعطفات اكثر لزيادة الأنسيابية والأنخفاض والتعليق الخشن والكفرات الميشلان ..
..
الكامري ثابته ولكن مرتفعه قليلا هذا مايجعلها مخيفه بالمنعطفات ولكن ثابته ..
..
الماجنا ماجربتها ..
..
مع التحية وآسف آسف على الأطاله مع اني اتمنى قراءة الرد .. |3|

بدون اضافة ومن واقع تجربة ودراية ..
واني والله لا املك احدى هالسيارات الثلاث .. ولكي لا اتحيز لنوع ما
ولان الواقع يفرض نفسة ولاني جربت الركوب للثلاث السيارت المذكورة ..
ولاني قبل كل ذلك اراها في الشوارع والمنعطفات وهي تتمايل يمنه ويسره بتفاوت ملحوظ

فكان التالي ضمن رأيي وهذا ما اضنه بل اكاد اجزم انه الصحيح ترتيبا من الافصل الى الاسوئ :














1- الأكــــــورد .








2- المـــــــــــاجنا .




3- الكامـــــــــري .



تحياتي للجميع

انا مجرب الثلااااثة

واقول انه

ماجنا
اكورد
كامري

سلام عليكم، شفوا بروحكم و أنا ما راح أتكلم:

أكورد 4 سلندر وزن الهيكل 1438 كجم العمود الأمامي 25.4 مم الخلفي 14مم

أكورد 6 سلندر وزن الهيكل 1463 كجم العمود الأمامي 25.4 مم الخلفي 13 مم

كامري 4 سلندر وزن الهيكل 1447 كجم العمود الأمامي 23 مم الخلفي 16 مم

كامري 6 سلندر وزن الهيكل 1520 كجم العمود الأمامي 23 مم الخلفي 16 مم

مكسيما وزن الهيكل 1410 كجم ما حصلت شي.....

<<التيما وزن الهيكل 1486 كجم العمود الأمامي 22.2 مم الخلفي 22.2 مم>>

الماجنا كلش ما حصلت عنها شي!

أنا ما جربت السيارات بس شكله الأكورد أرسى وحدة بالذات الV6 (ما حسبت التيما طبعاً |^_^|)

طبعا انا راح اصوت للاكورد (اكيد راح يقولون لانو عنده اكورد)

في الحقيقه اي نعم لان عندي اكورد بس ليش اخترت الاكورد؟ السبب معروف.

انا راح اقول لكم ليه انا اشتريت الاكورد .

انا كنت راح اشتري سياره وكان معي واحد من الشباب بالعمل عنده كامري بس الكذب خيبه ماادري كم موديلها..وكنت راح اشتري كامري...خويي هذا واحد من الي نصحوني بالاكورد...تعرفون اول سبب قاله لي؟ قال لي انها راسيه على الخط...وقال لي ان هذا فرق شاسع بين الاكورد والكامري...ومعظم الي عرفتهم قالوا لي سببين رئيسيين لشراء الاكورد: القوه والرساوه....وهذا يكفي...حنا مانقول ان الكامري ماهي راسيه...الا راسيه لكن هل رساوتها تقارن بالاكورد؟ اكيد لا...وفي فرق..والفرق كبير ترى.

الاكورد والرساوه يمشون جنبا الى جنب...

السلام عليكم
أنا جربت الأربع وهذا رأيي :
1-مجنا
2-أكورد
3-كامري
4-ماكسيما

أنا كان عندي كامري موديل 2003 قير توماتيك ليست ثابتة كما يجب في السرعات العالية:rolleyes:

و يا جماعة وين التيما الجديدة؟؟ ما تنسوا ان ليها نظام تعليق منفصل و الخلفي مال زد!!
بعد اهي جم كيلو أخف من الأكورد بس أنا أعتقد أن بما أن الأوزان كلش متقاربة، سمك عمود الموازنةهو الفاصل ! بدور عن الأكورد بس التيما سمك الأمامي 22.2 مم و الخلفي 19.1مم (ال3.5 V6 الخلفي نفس الأمامي 22.1 مم)

ردك غــــريب مازدا ارسى من اكــــــــــــــورد( دنيا عجيبة )

اسمحلي اخوي على كلامك من ناحية المراتب اذا كنت راكب اكور 2002 انا معاك
اما اكورد 2004 اسمحلي المراتب مافي احسن منها |1|

ومناحية الرساوة اظن الاكورد وبعدين الماجنا وبعدين الكامري



تحياتي لكم............
حس الاكووووورد

الغريبة انكم ما حطيتو المازدا 6
2.3 اكرررر 2.3 جنوط17
مب السياحية لاني سقت السياحية تفرق لقيت ان 2.3 احسن
المهم الصراحة ان الزووم ارسى من الاكورد وهذي كلمة واحد معه اكورد
وعلى مقارنتكم اقول الاكورد ثم ماجنا واخيرا كامري لاني مجرب الكامري والصراحة اتوقع الماجنا احسن منها

على المقارنة الحلوة
يا اخ سيارة