يا كثر الكلام عن هالموضوع بس انا لي وجهة نظر واقولها لأني مجرب
واقول اي واحد يقول ان الماكس تطلع على الكامري التورينق قير عادي
وربي ماعنده سالفه ويحكم من مزاجه وبقوووه بعد.
شوفوا انا بتكلم بما اني مجرب اقاوم اكثر من ماكسيما قسم بالله ان كاني مجرب 20 ماكسيما فهي شوية وكلهن طالع عليهن يعلم الله.
طبعاً الكامري اللي معي 2002 تورينق قير عادي فاجرها فجر لمين قالت ربي الله :D
وبقولكم كذا مقاومه صارت :
قاومت ماكسيما 1999م اول ماطلعتها ماشية بس 70 كيلو وقمت عليها بالأول والثاني لكن بالثالث جابني وطلع علي ويم حطيتها بالرابع جبتها وطلعت عليها الين عشقت الخامس وهو متذري في هواء الكامري ولا وخرت عنه ابعد عني :D
وقاومت ماكسيما 1998 هذي اقوى وحده قاومتها بالأول والثاني جنب بعض وبالثالث اطلع عليه بعدين قعد ادور السبب لقيت انه مركب جنوط 18 وهذي يعطي السيارة خطوة اكبـــر وانا جنوطي 15 حقت قراندي.
وقاومت غيرها كثير وربي مافيه ولا وحده طلعت بس المكاسيما قوتها بالثالث وعلى فكرة من 1999م وتحت أقوى من الماكسيما 2000 وفوق هذي وربي انا مجربها ما اوقول كلام من عندي مثل الكثير من هنا طايرين في الماكسيما وما يدرون وش السالفه.
على فكرة انا قلت لواحد من العيال معه ماكسيما ابي اقاومك قالي وهو يستهزي كامري ابقوم عليك بالريوس ويوم قاومته وطلعت عليه وربي تفشل وماله وجه ياقابل خخخخخخ
يقول والله ماني متخيل كيف طلعت يقول انت مسوي فيها شيء قلت لا والله ماسويت فيها شيء بس اني حاط جنوط قراندي
وللمعلومية التورينق اقوى من القراندي وفرق والسبب ان وزن التورينق اقل من القراندي بحوالي عشرين كيلوا وهذا فرق مهم.
ياشباب انا داري اني صجيتكم بكلامي اللي مدري وش يبي ذا :D
بس يعلم الله اني ما اتكلم الا من خبرة واموت في شيء اسمه مقاوم حتى الددسن اقاومها ومافيه اشاره الا اخلي الأول والثاني تفتف خخخخخخخ<--------مايسلم سيارة :D
ولا تزعلون يا اصحاب الماكسيما انا اقول بس التورينق اللي تقوم لأنها خفيفه.
وبالنسبة للقطة الفيديو بحملها على النت واجيبها)
تحياتي للجميع،،،
المُتيّم
