ارجوا من أصحاب الكامريات الجديده الدخول

أقول ركب وخل عنك :D:D

اخوي بالنسبة للعضو blackss هذا امعة يقل الي يكتبون الناس ولا يدري وش السالفة

تحياتي لك ,,,

يااخوان من اللي قال الحساسات مالها لزمه
جربها في اي سياره وانت بتعرف الفرق
بعدين البي ام والمرسدس منزلينها من زماااان
ومااعتقد ان شركات زي هذي بتكون منزله شي ماله لزمه
ولا هي قلة حيله وخلاص;)
ركبها وتوكل على الله وانت بتلاحظ الفرق بنفسك

بالنسبة لي أشوف أن الحساسات لها فايدة كبيرة .
والشركات العالمية(الفخمة) تضعها... وهذا ليس من فراغ

وحتى إذا كنا محترفين سواقة ....ترى ممكن نستفيد منها في يوم من الأيام

|1|

الفين واربعه اركبها وتوكل

صحيح ،،،، إن الحساسات زينه وتنفع إذا توهقت بس بصراحه قلق ،،،، لأنه في كل مره تدق ريوس تصيح وإذا مر كيس طيره الهوا تصيح يعني إزعاج في إزعاج.....

أخوي ل و ك 151
انا في موضوعك 2 اتكلموا علي أبيك تكون شاهد على كذا لأنها برفعها لمحمد
إدارة المنتدى
أول واحد هو
THE HULK CAMRY
والثاني
blackss
اقرى ردودهم وايش تكلموا فيه علي انا وانا ما ارضى بالشي هذا وانا ماغلط عليهم ولاسياراتهم
حنا نتكلم عن الحساسات وهم يتكلمون عن سواقه السيارة وش دخل هذا بهذا
على العموم انا الحين برفع الكلام هذا للأخ محمد وهو يحكم بيننا

تحياتي

السلام عليكم ورحمة الله وبركاته

يالله انك تحيي الجميع وتجمعهم على طاعتك

مشكورين ياشباب والله ماقصرتوا .

اخي وزميلي C a M r Y :- مشكور وماقصرت وجزاك الله خير .

اخي وزميلي مــــوادع :- حياك الله وبالنسبه لسؤالك جاوبك الاخ C a M r Y فله الشكر ولكن لايمنع من الاضافه .

البازعي هو وكيل تويوتا في الاصل بس تحت سيطرة ابو جميل والان صار يأتي بسيارات تويوتا من الخليج . انا يوم فكرت اشتري كامري سألت ابو جميل قال لي سعرها 63000 وكسور وقلت له هل الحساسات والستاره ومسكة الابواب نيكل والريموت والكمبرسور و و و و و والخ كلها شد بلد رجع علي جواب زي الصاعقه قال لا كلها مركبه ومجمعه في جده . أما البازعي لا يستلم السياره من الوكيل في الخليج يعطيك ايها زي ماهي شد بلد بس خذ لك :-

1- كمبرسور أصلي في جميع الانواع xli - gli - جراندي

2- حساسات شد بلد جراندي فقط

3- ريموت في نفس المفتاح جراندي + احد انواع الجى ال

4- ستاره شد بلد جراندي

5- ماسك الابواب ( الى تمسكه اذا جيت تفتح باب السياره ) أسود في xli ونيكل في الجي ال والجراندي .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

سعر xli عند البازعي ب58.000 ريال انا اخذتها من عندهم + تلبيسه على ماسك الابواب من عند العليان بـ 60 ريال + ريموت 160 ريال وصارت زي ابو جميل بس باقي لي الحساسات . وحياك الله |6|

اخي وزميلي S.TORUNG :- حياك الله ومشكور اخوي .


أخي وزميلي الازوري :- حياك الله ومشكور أخوي على ردك بس ليش مامنها فايده ( نرجو منك الافاده ) وشكراً لك مرة اخرى .

اخي وزميلي blackss :- حياك الله وهدي اعصابك والله الحديد مايسوى وخلك مسامح .

اشكركم جميعاً
مع التحيات اخوكم ابو محمد
ل و ك 151 |3|

ياشباب الي ماعندو كامري رجاءَ لا يغلط عليها خلي في حالو وفي سيارتو ارجوكم


والله الصراحه كلام مايخش العقل 000


تم تحرير الرد بواسطة الإدارة .
Polite

ماتصلح وانا اخوك
مامنها فايده

تحياتى

الحساسات : تركب في الصدام الخلفي بنسبة للكامري وعند الرجوع بالسيارة الى الوراء يعني بالريوس ... عند اقتراب السيارة من جدار او سيارة او انسان او اي كائن تصدر صوت تنبيه اي انك قريب جدآ من هالشي عشان ماتصدم فية



ان شاء الله اني فهمتك:D

تحياتي وتقديري لك

|1|

شباب ممكن افهم وشي الحساسات وش تسوي

حلوه من الي قال وجود الحساسات مثل عدمه لووووووووووووووووووووول

ركبها صدقني تريحك كثيييييييييييييييييير..

مــــــــوادع . . حسب معلوماتي ان البازعي مايغير اي شي بالسيارة يخليها شد بلد |1|

اخوي ابو محمد هل جميع الكامريات الي من عند البازعي بدون حساسات ؟!
وكيف البازعي كويس والا من جنبها من ناحيه الصيانه والاسعار ......الخ ؟
كذلك انا سامع ان ابو جميل يلعب بذيله شوي يجلس يبدل الراديتر والمسجل ومدري وش غيرة في الكامري هل البازعي مثله والا ماعندك خلفيه ؟؟؟؟

اتوكل على الله وركبها.....

((( اللي مايطول العنب حامض عنه يقول ))) << هذا للي يقولون الحساسات ماتنفع:D


|1|

السلام عليكم ورحمة الله وبركاته

يالله انك تحيي الجميع

اولا اعتذر من الجميع على عدم الرد بالسرعه المطلوبه لاني غيرت الايميل حقي في الملف الشخصي ووقفو مشاركاتي في المنتدى فارجوا منكم العذر والسموحه .

بعدين ياشباب هدو اعصابكم الحديد مايسوى <<<<هذا لاثنين تهاوشو في موضوعي ))

بعدين لمعوميتكم ياشباب انا سيارتي كامري خليجي ( وارد البازعي ) مافيها حساسات يعني لو ركبتهم ماراح تفرق في الشكل عن الكامري السعودي وانا رحت لابو جميل وسالت عن الحساسات كامله (أمامي - خلفي مع الشاشه ) طلعت بــ 950 ريال + 200 ريال تركيب (( بالنسبه للـ 200 ريال على كلام الهندي والا انا ماسألت المهندس )

يعني ياشباب اركب والا لا .

مع التحيات اخوكم ابو محمد
ل و ك 151 |3|