اشتريت لومينا جديدة فلاحظت الاتي (( مطلوب اصحاب اللومينات ))

السلام عليكم ورحمة الله وبركاته

الصراحه ما أدري إيش أقول

جميع الأعضاء ردوا على الموضوع بكل أدب وإحترام

وقدروا المشكله وردوا على العضو بكل أدب

لاكن العضو audi S8

يخرج عن الموضوع ويسب ويشتم السيارات الأمريكيه

ما أدري ليه . .؟؟؟:mad::mad:

أنا حذفت جميع الردود الغير محترمه والخارجه عن الموضوع

وأرجوا إلتزااااااااااااام الأدب والموضوعيه في الكلام

وعدم الإنحياز



|1||1||1||1|

شف الاخوان يفيدونك

إخوي Dead والله توني قاري ردوده وماتوقعت هاللون، الواحد يراعي الباقي حتى لو شي مو عاجبه لكن شنقول غير لاحول ولا قوة إلا بالله ومشكور على ردك الطيب.

_______________________
ها ماجد وين ردك أشوف دخلت المنتدى وناظرت وطلعت، ليش عسى ماشر، إنتظرت ردك لكن نشوف ونصبر، بس على فكرة، بغض النظر عن عدد الصمامات وش دخلها بسعة المخحرك وكم حصان للتر، إذا هذي طريقة حسابية جديدة علمنا يالطيب، وتعلم شوي تراعي مشاعر الباقي آنا توني أحين قاري ردودك كاملة، أحين الرجال شرى السيارة وهي عاجبته إنت وش دخلك بالموضوع تقول له إختيار سئ والريال ماصار له إسبوع ماخذ السيارة؟
تعلم وإعرف إن للناس اللي ترد عليهم مشاعر ولاتخرب فرحة أي حد حتى لو كان عدوك، وخل عندك شوي ذوق مع اللي تتناقش معاه حتى لو كان ضدك شوف هذي النقاش كيف ولا قال أزفت سيارة ولا سب فيها وهي مو عاجبته :
http://www.assayyaratnet.com/forums/showthread.php?s=&threadid=42478
ومايفيد إسلوب وكلمات مدرس عربي بدون مضمون أو مضمون مامنه فايدة أو مضمون .......
تحياتي.

اخوي RED Chevy انا ابدا ماراح اقفل الموضوع انا مجرد قلت رأيي حتى لايتشعب الموضوع اكثر ويكون الخاسر هو صاحب الموضوع

وصراحة مهما كنت اكره اي سيارة ما احب اقول لمن اشتراها انت غلطت واحبط من معنوياته لذلك حبيت اوصل معلومة لكل من رد على الموضوع حتى لايزعل علينا صاحب الموضوع ويكره سيارته وهو توه شاريها :)


بحفظ الله :)

إخوي Dead سامحنا على الخروج من الموضوع، بس في ناس..... المهم، الموضوع أظن صاحبه إستفاد منه وحصل غرضه، أتمنى إنك ماتقفل الموضوع وتخلي الحوار مستمر نشوف آخرتها مع بروفيسور ماجد، ولاتخاف هذي عادته وتعودنا عليها، لازم GM تطلع غلط وكل الناس غلط وهو واللي يئده صح يعني لاحياة لمن تنادي.
وتقبل تحياتي.

إخوك عبدالرحمن.

يامؤيد بتتعب وإنت تفهم، أصلاً من قال المحرك له 20 سنة( مدري يمكن هو مدري قسم التطوير في جنرال موترز) أبسط شي ممكن ناخذه، الLT1 في 96 كان فيه أجزاء المنيوم وكان فيه دلكو وأحين الLS1 كامل ألمنيوم ومافيه دلكو، الفرق في القوة ذاك كان 260 حصان وأحين 325 ومو عاجبه بعد، أحين إنت ياماجد قسمت قوة المرسيدس وطلعت 61 حصان للتر صح، أحين شوف ذي:
محرك الكورفت/كدلك/لومينا مستقبلاً الللي هو 5.7 الغبي المتخلف قوته 400 حصان وأبيك تقسمها تشوف كم تطلع؟



ها طلع الناتج 70؟
غبي المحرك صح؟
محرك الكدلك ال16 سلندر 1000 حصان من 13.6 شوف الناتج كم؟
73.
محرك الكلدك الجديد 4.6؟
71
وش تبي زود بتجيب أرقام بجيب زود، لكن حبيبي أشوف كل رودودك مالها داعي وكلام في كلام ولا رد تجيب فيه شي منطقي، ردودك:
الأمريكي كله خراب ومشاكل( أبي دليل)
الأمريكي يصرف بترول( ياخي إنت متعود على صرف السوناتا كيف بتمشيصرف كابرس، إحنا جربنا كل موديلات الكابرس وأقول مايصرف شتبي زود؟)
السيارات الكورية الأفضل وووومديح وصلتها لي مقارنتك السوناتا بالحوت مو بالشبح بعد( أشوف ماشاء الله الكوري معمر الورش الله يدوم الكوري فاتح رزق على الورش، لاتسوي روحك متناسي لسمعة الكوري اللي أزفت من الزفت)
في النهاية، أتمنى ماتزعل من اللي قلته لأنه هو الحقيقة إنت واحد كلام× كلام وكله من أول ماعرفتك ضد شركتين معيني بس وماتشيل عينك عنهم، جنرال موترز والمرسيدس ولاتسوي روحك فاهم بكل شي ترى التفلسف الزاديد ما منه فايدة ونوماً هنيئاً.
|4|

عشرين سنه.؟ من الي قال..هذا المحرك نفس السعه من 20 سنه ممكن بس يختلف اختلاف كبييييييييير ومن كل النواحي يمكن بنفس المواصفات بس القطع كلها تحتلف..وعشان السعه 5.7 تعرف ليش هذا حجمه؟عشان المحرك مايكون عليه ضغط ويكون مرتاح على مختلف السرعات وخصوصا على الخط وغير كدا عشان توفر لك عزم كبير 470 نيوتن ماهي قليله:mad:لو تتكلم وتفتري من الى بكره مابتغير شي من سمعة الشفر على فكره انا وياك بمشاكل الثبات والاعطال في موديل 2000 الدفعه الاولى وبس وغير كدا اسمح لي انت غلطان وكل المشاكل قلت بشكل كبيييييييييييييييييييير عن الدفعه الاولى من 2000 في الموديلات الجديده واصلا هذا شي طبيعي لان الشركه ماكان عندها خبره في الخليج وحاليا سياراتها ولا اروع بدات الشركه تتاقلم مع متطلبات الخليج والمبيعات كل مالها تزيد بس حل المشاكل الرئيسيه والفرعيه الي تصير في سياره من 10 |3| راجع حساباتك حبيبي وعلى صرفية السياره 45 ريال تمشيني اكثر من 350 كم والتانكي حجمه 75 لتر |1|

حبيبي المحرك كامه وحده يعني بلفين لكل سلندر..

انت قاعد تفتري على الشفر ومن هذي المعلومه اقدر اقول كلامك جاي من عاطفه ومن عندك :D |4||3|

انا عندي لومينا و وكل الي تقوله مااشوف له منطق;)

audi S8 مع احترامي لشخصك الكريم ولكن جميع ردودك خارج الموضوع ولا اعتقد ان السائل طلب تقييما للسيارة او طلب رأي احد حول ماضيها ومستقبلها

كذلك اعتقد كاتب الموضوع طلب رأي اصحاب اللومينا ( لذلك لم ارد على الموضوع )

واذا احببت ان تقيم اداء السيارة بشكل اوسع اكتب موضوع جديد حتى يستطيع ان يرد عليك او يؤيدك من يريد وذلك حفاظا لحقوق صاحب الموضوع بعدم تشتيت الردود

بحفظ الله

ياماجد والله أدري إنك فاهم بالسيارات، بس لاتحاول تدش في أشايء مالك علم بها، أحين المرسيدس صمامين؟
آنا ولد إختي عمره سنين يعرف إنه صمامات، روح أي موقع للمرسيدس وشوف أي سيارة بنزين أتحداك تجيبها لي صمامين
يابطل، الشفر من أول مانزل وهو صمامين من وين صاروا صمامات( مدري في جدة ينزلون أشياء ماتنزل في أمريكا والخليجيكون كلام غير) روح لأي ميكانيك( وشلا ميكانيك إكتب موضوع هني وشوف الشباب كلهم عارفين الشفرات والجماسيV8 ماينزل ماينزل إلا صمامين) الكابرس يافاهم صمامين بس صمامين كم مرة أعيدها؟
مو مصدقني عندك الورشة روح إكتب موضوع وروني من الذكي اللي بيكتب صمامات، في سيارات جنرال موترز كلهم V8 ماينزل إلاا صمامين عدى الكدلك اللي ينزل بنورث ستار 4 صمامات، وللمعلومية فقط، مرسيدس في محركها الجاي بتستخدم 4 صمامات والأودي من 6 سنين تستخدم 5 صمامات يعني بتجي تقول الأودي أحسن عشان عدد الصمامات!!!!!!!!!!!!!!!!
ومرة ثانية ياماجد قبل ماتتهم حد وتقوله( رح تأكد من معلوماتك) إنت تأكد أول.







تحياتي.

|574| اخي الكريم ....

لاتحاول ان تثري الموضوع بمعلومات خاطئة ...
رح تأكد من معلوماتك وبعدين تعال واكتب رد عرض وطول|3|

أخوي audi S8

بعطيك معلومه (اللومينا 5,7 فيها 16 صمام ) حتى الكابرس

تحياتي

اول شي الله يعطيك خيرها ويكفيك شرها

ثاني شي بالنسبه للصوت والله ماادري اما بالنسبه لسؤالك عن السماعات والتحكم فيها كله اكيييد موجود شدعوه تراها لومينا ,,,,ارجع للكتلوج..

اما بالنسبه لابعاد السياره عاد ثي تتعود عليها مايبيلها وعلى فكره اللومينا تجي من استراليا فيها حساسات بس وش تقول في الوكيل....
شف اهم شي في اللومينا بريكاتها لانها صراحه من عيوبها انه بسرعه تستهلك وتطلع اصوات لااوصيك على البريكات شوي شوي عليها ....

وعلى العموم انت حافظ على السياره وهي ان شاءالله بتحافظ عليييك..!!

ياماجد ياحبيي إنت غصب يعني تبي اللي ماعنده مشاكل وسيارته عاجبته يقول أخس سيارة ومتروسه مشاكل عشان يكون مثل وجهة نظرك، حبيبي الرجال السيارة عاجبته وكل شي فيها عاجبه غصب يقول مو عاجبته، والله أدري إنت ماتطيق شي إسمه شفر لكن خلاص إنت النفقاش معاك صعب وينتهي بدون نتيجة( راسك يابس بشكل أصح) ومحرك المرسيدس بو 5 لتر قوته 309 حصان وموديزل إدخل موقع الشركة الرسمي وشوفه.
إوكي والسيارات اليابانية مافيها مشاكل صح!!!
توني أحين راجع من بيت خالتي والماكس مالتهم المكينة دقت بعمرها وهي عند زوج خالتي لاريسات ولاتخمس روح شوف الكراجات نص المكسيمات متكسره قيورها الأكورد من شهرين مبدلين قيرها ومن أول ماطلعناها عقب 6 شهور قيرها إخترب تبي زود حاضرين.

انا لم اطلب سيارة بــ70 الف على كلامك وخالية من العيوب والمشاكل ..
لذلك تعال لناخذها على حد الانصاف ...

السيارات اليابانية متوسطة السعر ومع ذلك سعرها فيها اي انها سيارات ذات جودة عالية ولا تصرف الواقود الكثير وقليلة المشاكل وسهلة الصيانه

تعال للسيارات الالمانية غالية الثمن ولكن سعرها فيها ....ثبات وامان وفخامة وقوة وجمال ووو الخ

تعال للسيارات الكورية رخيصة الثمن ومع ذلك سعرها فيها ....اقتصادية وبدائية نوعا ما وسهله الصيانه وزمتوفرة قطع الغيار

لكن تعال للسيارة الامريكية ؟.... سعرها رخص ومع ذلك لا جودة ولا عملانية ولا رساوة وسهله صيانه ولا اقتصادية وقود ...بس اللهم قوية المحرك ...


بالمناسبة ...
وين هو محرك المرسيدس هذا ابو 5 لتر الان؟ ..على اي سيارة مرسدس؟

والله ياخوفي انك تقصد محرك ديزل:rolleyes:

تحياتي|3|

جربتها والصوت ارتفع كثيرررررررررررررررر

مشكور يالغالي وجزاك الله الف الف الف الف الف الف الف الف خير


الف الف الف شكر يالطيب

الحقيقة جربت كابرس 2004 LS

الحقيقة فيها عزل مذهل جدا للمحرك يعني يالله تسمع صوته
هذا غير رساوة السيارة الممتازة مع ان مافيها نظام التحكم بالتماسك اللي يخلي السيارة زي الرصاصة ماتزحف لو ايش وهذا من واقع تجربة موب اسمع من كلام الناس واجي اكتب هنا

موديل 2004 تفوق على الموديل السابق بمراحل وتخطت منافستها الفكتوريا اللي ماقدرو الا يغيرون جنوط خلال 7 سنين |4|

المشكلة ازعجونا بكلمة استرالي استرالي استرالي

هولدن ذي اللي تتكلمون عنها هي مستقبل جنرال موتورز

هولدن هي اللي صنعت اوبل فيكترا
هولدن هي اللي صنعت بونتياك جي تي او
هولدن هي اللي صنعت شاصي الكاديلاك cts

هولدن الاسد الاسترالي :)

اخوي audi s8
مادري انت تبي سيارة قيمتها 70 الف تصير راسية ومواصفاتها زي البي ام الفئة السابعة يعني؟

اللومينا افضل سيارة في فئتها

وزي ماقلنا وبنقول وكل يوم نقوووووووول مافيه سيارة تخلو من مشاكل لكن سبحان الله المشكلة يتم تضخيمها اذا جبنا طاري كابريس والا لومينا

انا معي كابريس 2001 ومقتنع فيه تماما لا اشتكيت منه يعني اغصب اقول انها تخرب عشان ترضون علينا
وبالرغم من الحادث اللي صار لي فيها الا اني ماغيرت نظرتي اتجاه الكابرس نهائيا

وبعد تجربتي للكابرس 2004 ازددت اقتناعا وانبهارا بروعة وبمتعة القيادة عليها





طيب ليش ماتكلمت على المرسيدس اللي سعة محركها 5 لتر وماجابت الا 320 حصان
:rolleyes:

والا حلال على المرسيدس حرام على الشيفرولية


ودمتم برعاية الله وحفظه

:)

سماعات اللومينا هيا اصرف حاجه فيها
قويه ومايحتاج